1 Ko̱ri̱nto̱ 5:13 - Tennet

¹³ Eci Ta̱mu̱ta̱dde̱n atin ci apahek ol wak iróng a̱tu̱we̱ ko̱ lo̱ki̱ko̱. E̱he̱rye̱ Warage ci Ta̱mu̱ta̱dde̱no̱ azi ne, “Ottoit e̱e̱t ci mu̱nye̱nu̱ orgene cunno̱ng.”

1 Ko̱ri̱nto̱ 5:13 ပူးပေါင်းရင်းမြစ်များ

Ma̱te̱yo̱ 18:17

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Roma 2:16

Ming okko atin Ta̱mu̱ta̱dde̱n ettedik ol lo̱ki̱ko̱, i̱tto̱na̱ atin enne Ye̱su̱ Ki̱ri̱sto̱ kettedik ol lo̱ki̱ko̱ kaale cik ogon nege lo̱mu̱k ki i̱yo̱ko̱ ming e̱he̱rye̱ warage cu ko̱.

1 Ko̱ri̱nto̱ 5:1

Kiziya anna zoz ci azi ne, anyak ol u̱gge̱ cik een a̱li̱ya̱k orgene cunno̱ng, a̱li̱ya̱kze̱t ci gerze oroot ommog ol cik iróng a̱gga̱ zoz ci Ta̱mu̱ta̱dde̱no̱. Orooto e̱e̱ti̱ ki ngaa ci baatinne.

1 Ko̱ri̱nto̱ 5:2

Kar abarik odongnyu e̱le̱tti̱ zo̱ze̱ necu. Omozinnu weete abarik, kar iróng ngen owowonu ki e̱e̱t ci ogon kaal cik gerzek ko̱.

1 Ko̱ri̱nto̱ 5:5

Aanycik zin e̱e̱t neci a̱zzi̱t ci Sitano kar enne kuk kulal nonno oo do̱. Ma̱i̱je̱ atin vongizi cinne a̱ti̱ri̱z nonno ming i̱ki̱ya̱ i̱i̱te̱ni̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 5:7

Abunna zin ming aarannu e̱le̱tti̱ cuggo̱k baize bali reeni ci ogon ki nyigita cik meertak balik reentik ke̱, kar abunna ming abakku baiz ci abunna ci iróng anyak nyigit cik meertak. Ka̱tu̱we̱ naga a̱da̱i̱ Ki̱ri̱sto̱ zo̱ze̱ cinna. Ogon enne ki i̱yo̱ko̱ nyoon ci anyaha ol kize wawac ci I̱i̱te̱n wa Va̱rda̱ngi̱nto̱.

I̱bu̱ru̱ 13:4

Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.

2 Peturu 2:9

Ming een zoz necu de̱de̱, a̱gga̱ Manyi gool ci eelanne enne ol wak a̱tu̱ nonno, ngati amudanne nege no̱ngi̱tto̱n kar ka̱gga̱m olli mu̱nye̱nu̱ kar kedez nogo, ere ki̱ki̱ya̱ i̱i̱te̱ni̱ ci ettede enne lo̱ki̱ko̱.