Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Ko̱ri̱nto̱ 5:11 - Tennet

11 Ma̱i̱je̱ i̱yo̱ko̱, ka̱du̱wa̱kku̱ng, ma owowonu ki e̱e̱t imma ci azi ne, ka̱tu̱we̱ enne kar ngatu kize a̱li̱ya̱i̱t icima anyak zinin ci a̱ppwe̱ kaale, ala to̱do̱yyo̱k kize ta̱mu̱ta̱dde̱n, e̱e̱t ci otor ol, e̱e̱t ci een bba̱kco̱i̱t, icima e̱e̱t ci alaba ol kaal. Ma adainu ki e̱e̱t ci abak baiz ci ogon niko.

အခန်းကိုကြည့်ပါ။ ကော်ပီ




1 Ko̱ri̱nto̱ 5:11
47 ပူးပေါင်းရင်းမြစ်များ  

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.


“O̱lle̱ ciggo̱k de̱me̱zzo̱k wak lo̱ti̱nno̱u̱ ki olli Varacis, a̱ru̱kku̱ talaben! U̱u̱nyyu̱ uduc eci re̱e̱nu̱no̱, imma ecito abbize kaala cik gerzek, alabanu niga ol kar ataltto niga do̱.


Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.


“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.


Imma bali i̱i̱nya̱we̱ ne̱ke̱, itinga Peturu je̱e̱na̱ orgene ci ol cik a̱tu̱we̱ ko̱. E̱e̱ggi̱n nege o̱bo̱n co̱de̱ ki moten rama (120).


Uk zin Ananiyasi i̱tto̱ ce̱e̱zto̱. Atadek azzin ciginnek Saul, “Gotona, i̱tto̱na̱na̱ Manyi Ye̱su̱, bali i̱ye̱le̱ki̱ ele goola ngati i̱nna̱ a̱kku̱nne̱ ke̱ kar abunna ming kalaweki anna Ta̱mu̱ta̱dde̱n kar cine labak, kar bo̱do̱k ruba Vongiz ci A̱li̱le̱.”


Abunna kabak baiz ci abunna ki i̱yo̱ko̱ ol wak abak vooritene ci wazino ko̱. Ma ovvoyyu ngati alutene ol cik aud merten kar kibbakte. Ma owowonu ki a̱li̱ya̱k. Ma oyohonu ki ol. Ma anyikku zi̱nze̱tti̱ kizeto a̱ppi̱nte̱k kaale cik ollu.


Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.


Gotonogga ki ngonogga tu̱we̱nta̱, e̱de̱yya̱ e̱le̱tti̱ to̱do̱yo̱we̱ cik e̱e̱ggi̱n ta̱mu̱ta̱dde̱ne̱t cik adimanai azzine.


Ming ovvo niga adainu, adakce ol uggak iróng ere gonoggi. Erahek ol uggak magizet, ovvo uggak aud merte do̱ kebakte.


Eci Ta̱mu̱ta̱dde̱n atin ci apahek ol wak iróng a̱tu̱we̱ ko̱ lo̱ki̱ko̱. E̱he̱rye̱ Warage ci Ta̱mu̱ta̱dde̱no̱ azi ne, “Ottoit e̱e̱t ci mu̱nye̱nu̱ orgene cunno̱ng.”


icima ol cik een ogoryak, icima ol cik anyak zi̱nze̱tti̱ cik a̱ppi̱nte̱k kaale cik ollu, icima bba̱kco̱k, icima ol wak akati gonoggi volonga, ki ol wak adawa gonoggi lo̱o̱ta̱, iróng nege do̱o̱k amuda ba̱a̱li̱ne̱t ci Ta̱mu̱ta̱dde̱no̱.


Abarik e̱e̱ti̱ ci a̱tu̱we̱ okkoye gooni lo̱ki̱ka̱ ngati ol wak iróng a̱tu̱we̱.


Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,


Imma ol wak iróng a̱gga̱ zoz ci Manyi zo̱ze̱ ci rucento ko̱, ka̱nne̱k nogo ne: Ming anyak gotoneti ngaa ci iróng a̱tu̱we̱, kar enne orong kabaito ki e̱e̱t ci a̱tu̱we̱ ko̱ labak, ma oogi ngaa neci.


Ming orong e̱e̱ti̱ icima ngaa ci iróng a̱tu̱we̱ ko̱ koog gooni, anyik koog labak. Eci go̱o̱le̱ ci edemezet lo̱ti̱nno̱wa̱ cik Ta̱mu̱ta̱dde̱no̱, iróng ol wak a̱tu̱we̱ odoknonik rucenet ci ogon niko. Orongnyet Ta̱mu̱ta̱dde̱n abunna kabak yahe.


Baling okko adak da̱i̱ne̱t wak i̱no̱n enne gerzek ko̱ zo̱ze̱ ci acinni enne i̱nne̱ta̱, egerzannu zin i̱nna̱ nonno. Iróng zin abunna ming okolozi gotonnu bali a̱da̱i̱ Ye̱su̱ Ki̱ri̱sto̱ zo̱ze̱ cinne ko̱.


Icu gi̱i̱ ci ogon enne, baling arawa enne arrak ke̱, adakce labak ki ol wak iróng een Ya̱u̱d wak a̱tu̱ zoz ci Ta̱mu̱ta̱dde̱no̱. Ma̱i̱je̱ baling ovvo gonoggi Je̱mi̱s wak een Ya̱u̱d a̱vvu̱ vu̱rrta̱, utubur Peturu iróng ngen adakce ki ol wak iróng een Ya̱u̱d, o̱ngo̱o̱le̱ zoz ci olli Ya̱u̱do̱ wa azi ne, anyik ol do̱o̱k kettedit vi̱ca̱vi̱cce̱t arrak oowa, kar ku̱tu̱we̱t Ta̱mu̱ta̱dde̱n.


Ma egerzannu e̱le̱tti̱ mertene, eci zoz necu okkoyyung go̱o̱le̱ ci gerze. Abarik aanycik Vongiz ci Ta̱mu̱ta̱dde̱no̱ ka̱vvu̱ zi̱nze̱tti̱nne̱ cuggo̱k.


Abunna ming a̱gga̱yyu̱ zoz ci een de̱de̱ icu, ming een e̱e̱ti̱ a̱li̱ya̱i̱t, icima a̱ppwa̱ zinin, iróng enne anyak ngin imma ba̱a̱li̱nte̱ ci Ki̱ri̱sto̱ ki ci Ta̱mu̱ta̱dde̱no̱. Ma zinin ci a̱ppwe̱ atubo ki e̱e̱t ci a̱di̱ngdi̱nga̱n to̱do̱yyo̱k cik orong zinin cinne kommog Ta̱mu̱ta̱dde̱n.


Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.


U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno.


Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m.


Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.


anyaha ol wak e̱e̱ggi̱n giilcak dango ki̱zzi̱ zoz ci een de̱de̱. I̱no̱n ol ne̱ke̱ azi ne, okko e̱e̱ti̱ een bo̱to̱ro̱c go̱o̱le̱ ci annuwe enne Ta̱mu̱ta̱dde̱n.


Ming a̱kku̱ e̱e̱ti̱ imma ci iróng azunne de̱mzi̱ne̱t ci Ki̱ri̱sto̱, ma elemnyyu nonno ce̱e̱zi̱nne̱ cuggo̱k, kar bo̱do̱k ma izayu nonno.


I̱yo̱ko̱ zin kanyai anna kaal cikidik komozine ngatinno̱ng: Anyakku niga ol u̱gge̱ cik elemi de̱mzi̱ne̱t ci Balaami kar enne kedemez Balaki kalaba olli Israilo ki̱tto̱zo̱ mu̱nye̱n eci adahe da̱i̱ne̱t cik apahek ol to̱do̱yyo̱k, ki bo̱do̱k go̱o̱le̱ ci a̱li̱ya̱kze̱ti̱nu̱.


Abarik kanyai zoz ki i̱ge̱ta̱ zo̱ze̱ ci ngaa ci een zara Jezebel, ci gon aanyik ele kize a̱ri̱to̱i̱t ko̱. I̱ti̱ye̱ zin enne du̱cca̱k cigannik tu̱ de̱mzi̱nte̱ cinne. Aanyik kizeto a̱li̱ya̱k kar kadait da̱i̱ne̱t cik apahek ol to̱do̱yyo̱k.


Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”


Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ