Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Ko̱ri̱nto̱ 5:10 - Tennet

10 Imma zoz necu iróng akati ol cik lo̱o̱tu̱ e̱e̱ggi̱n a̱li̱ya̱k, anyak zi̱nze̱tti̱ cik a̱ppi̱nte̱k kaale, e̱e̱ggi̱n ogoryak, ala to̱do̱yyo̱k kize ta̱mu̱ta̱dde̱n cinne̱ng. Anyak ol cik iróng a̱tu̱we̱ meelek lo̱o̱co̱we̱ do̱o̱k, i̱llo̱i̱ gool ci aarannu niga e̱le̱tti̱ cuggo̱k.

အခန်းကိုကြည့်ပါ။ ကော်ပီ




1 Ko̱ri̱nto̱ 5:10
18 ပူးပေါင်းရင်းမြစ်များ  

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.


Ming e̱e̱ggi̱nnu̱ niga ol cik lo̱o̱tu̱, irezung ol cik lo̱o̱tu̱ kiwagon ming irez ol wagge̱k lo̱o̱tu̱ ogon kaal cik gerzek. Iróng niga e̱e̱ggi̱nnu̱ olli lo̱o̱tu̱, katahalaung zin anna i̱ge̱t kar u̱tu̱gu̱z kaal cik ogon ol cik Ta̱mu̱ta̱dde̱no̱ iróng bo̱do̱k ngen ogonnu kaal cik gerzek ogon ol wak lo̱o̱tu̱. Zoz zin ci amarinnung ol cik lo̱o̱tu̱ ko̱ nenen necu.


“I̱yo̱ko̱ zin ki̱ye̱le̱ya̱ ol balik aanya i̱nna̱ annit lo̱o̱ta̱ ke̱ ka̱gga̱yi̱ i̱nne̱t ju̱rru̱m. E̱e̱ggi̱n ba̱li̱ye̱ nege ol cigunnek kar zin i̱nna̱ inya annita, o̱to̱ngo̱o̱ltte̱ zin nege kaal cik edemezi i̱nna̱.


Kalawonik anna nogo, iróng kalawonik ol wak iróng a̱tu̱we̱, kalawonik ol wak aanya i̱nna̱ annita do̱, ma̱rri̱t nege ming izeto ol cigunnek.


Abarik zin Ye̱su̱ okko oowa zoza dee, kar bo̱do̱k kize ne, “E̱e̱ggi̱nnu̱ niga ol cik ngololu, kokko anna ke̱e̱ni̱ e̱e̱t ci ta̱dde̱nu̱. E̱e̱ggi̱nnu̱ niga ol cik lo̱o̱c cu, iróng anna ke̱e̱ni̱ ci lo̱o̱c cu.


I̱nno̱ genyiz ci e̱e̱t ci diiri? I̱nno̱ e̱e̱t ci edemez ol waraganya? I̱nno̱ e̱e̱t ci a̱gga̱ waraganya kar gon kadang ol kaale cik lo̱o̱tu̱ ko̱? Aanyik Ta̱mu̱ta̱dde̱n genyiz ci lo̱o̱tu̱ kize tarbal.


Ming awekung e̱e̱ti̱ ci iróng a̱tu̱we̱ da̱i̱ne̱t o̱rge̱ cinne kar orongnyu niga oto, adait da̱i̱ne̱t cik a̱a̱nyu̱ng enne i̱ge̱t ko̱ do̱o̱k labak, ma a̱jji̱nnu̱ nonno zoz imma.


Ma̱i̱je̱ i̱yo̱ko̱, ka̱du̱wa̱kku̱ng, ma owowonu ki e̱e̱t imma ci azi ne, ka̱tu̱we̱ enne kar ngatu kize a̱li̱ya̱i̱t icima anyak zinin ci a̱ppwe̱ kaale, ala to̱do̱yyo̱k kize ta̱mu̱ta̱dde̱n, e̱e̱t ci otor ol, e̱e̱t ci een bba̱kco̱i̱t, icima e̱e̱t ci alaba ol kaal. Ma adainu ki e̱e̱t ci abak baiz ci ogon niko.


Keherakkung waraga bali nanni een oo ke̱ ka̱nne̱kku̱ng ne, “Ma owowonu ki ol cik een a̱li̱ya̱k.”


Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.


Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.


kar zin niga izet ol cik anyakku zi̱nze̱tti̱ cik voorik, doolik Ta̱mu̱ta̱dde̱no̱ bu̱u̱le̱ ci gerze ko̱, kar ataranit baiz ci ollu ki i̱yo̱ko̱ munyunya ko̱.


A̱vvu̱to̱ nege lo̱o̱ta̱ ngatu, ozoz nege kaal cik obod ki lo̱o̱c cu, imma ol cik lo̱o̱tu̱ aziye zoz cinne̱ng.


Gotonogga wak zinino, abunna ming kirez e̱le̱tti̱ cigga̱c naga do̱o̱k eci rezinet a̱kku̱ ngati Ta̱mu̱ta̱dde̱no̱. Okko e̱e̱ti̱ ci irez ol, een enne do̱le̱c ci Ta̱mu̱ta̱dde̱no̱ kar enne ka̱gga̱ Ta̱mu̱ta̱dde̱n de̱de̱.


Ka̱gga̱ naga niko ming ke̱e̱ggi̱n naga dooli cik Ta̱mu̱ta̱dde̱no̱, imma lo̱rye̱nti̱ abal ol wak lo̱o̱tu̱ iróng a̱gga̱ Ta̱mu̱ta̱dde̱n ko̱ do̱o̱k.


U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ