1 Ko̱ri̱nto̱ 5:1 - Tennet

¹ Kiziya anna zoz ci azi ne, anyak ol u̱gge̱ cik een a̱li̱ya̱k orgene cunno̱ng, a̱li̱ya̱kze̱t ci gerze oroot ommog ol cik iróng a̱gga̱ zoz ci Ta̱mu̱ta̱dde̱no̱. Orooto e̱e̱ti̱ ki ngaa ci baatinne.

1 Ko̱ri̱nto̱ 5:1 ပူးပေါင်းရင်းမြစ်များ

Kananet 35:22

Baling ngen Israili abak lo̱o̱ce̱ neci, atangwei zin Reubeni ngaa ci baatinne rianto, een zara Bilhah, kar Israili kizik zoz neci. Anyak Ya̱ko̱bo̱ dooli omoto ki ram:

Kananet 37:2

Een necu zoz ci Ya̱ko̱bo̱. Baling izeto e̱rki̱nya̱ cik Yosevo omoto ki turgerem, uuwa kaal ki gotonoggi wak baatinne, e̱e̱ggi̱n ngaai cik baatinne a̱rri̱ta̱ logoz ciko ko̱ Bilhah ki Zilpah, kar enne Yosevo kanyahak baatinne kaal cik gerzek ogon gotonoggja.

Kananet 49:4

Ogonni i̱nna̱ ki i̱yo̱ko̱ tawani ci a̱ri̱k ko̱, iróng atin i̱nna̱ ngen ogonni kaal ju̱rru̱m, eci i̱nna̱ uuwu rok kwe̱e̱n ci baatunne, u̱tu̱wu̱lu̱ rok nginti koonge anna.

Buk wa To̱ni̱a̱u̱ 15:20

Abarik ku̱du̱kta̱k nogo gerza ming adak da̱i̱ne̱t cik aanyik ol to̱do̱yyo̱k ki bo̱do̱k a̱li̱ya̱kze̱t, ki da̱i̱ne̱t e̱le̱gi̱t ci adale icima ci anyak bi̱ye̱.

Buk wa To̱ni̱a̱u̱ 15:29

Ma adakku da̱i̱ne̱t cik amuci ol ta̱mu̱ta̱dde̱n ci adimanai azzine, ma adakku i̱di̱ng ci ngen anyak bi̱ye̱ icima e̱le̱gi̱t ci adal ol, ma e̱e̱ggi̱nnu̱ a̱li̱ya̱k. Ogonnu atin ju̱rru̱m ming azunnu lo̱ti̱nno̱k ne̱ko̱. Oot labak.

1 Ko̱ri̱nto̱ 1:11

Gotonogga, ka̱du̱wa̱ zoz necu ko̱ eci anyak gotonogget ce̱e̱ze̱ ci Kaleo cik a̱du̱wa̱ka̱ annit ming anyakku niga dango orgene cunno̱ng.

1 Ko̱ri̱nto̱ 5:11

Ma̱i̱je̱ i̱yo̱ko̱, ka̱du̱wa̱kku̱ng, ma owowonu ki e̱e̱t imma ci azi ne, ka̱tu̱we̱ enne kar ngatu kize a̱li̱ya̱i̱t icima anyak zinin ci a̱ppwe̱ kaale, ala to̱do̱yyo̱k kize ta̱mu̱ta̱dde̱n, e̱e̱t ci otor ol, e̱e̱t ci een bba̱kco̱i̱t, icima e̱e̱t ci alaba ol kaal. Ma adainu ki e̱e̱t ci abak baiz ci ogon niko.

1 Ko̱ri̱nto̱ 6:13

Azi i̱yo̱ko̱ e̱e̱ti̱ imma ne, “Adiman Ta̱mu̱ta̱dde̱n da̱i̱ne̱t kize cik kadak naga.” Een zin zoz necu de̱de̱, abarik atin Manyi egerzan da̱i̱ne̱t ki ol cik adak da̱i̱ne̱t ko̱ do̱o̱k. Iróng Ta̱mu̱ta̱dde̱n eenyca e̱le̱tti̱ cik ol cik diirik kize ci a̱li̱ya̱kze̱ti̱nu̱, abarik kanyak e̱le̱tti̱ kar ki̱li̱ngli̱ngto̱zi̱k Manyi Ye̱su̱, kar zin enne kuzute e̱le̱tti̱ cigga̱c.

1 Ko̱ri̱nto̱ 6:18

E̱de̱yya̱ e̱le̱tti̱ baize ci a̱li̱ya̱kze̱ti̱nu̱. Imma mu̱nye̱na̱ cik ogon e̱e̱ti̱ ci diiri ko̱ do̱o̱k aavtte eliya eci re̱e̱nu̱no̱, ma̱i̱je̱ e̱e̱ti̱ icima ngaa ci een a̱li̱ya̱i̱t ogonik mu̱nye̱n ele cinne.

1 Ko̱ri̱nto̱ 6:9

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,

2 Ko̱ri̱nto̱ 12:21

Ko̱ngo̱o̱le̱ ming kokko atin anna ki̱vo̱nnu̱ng, aanya atin Ta̱mu̱ta̱dde̱n a̱li̱ya̱n. Acirit atin zinin eci ol cik meelek ngatinno̱ng ngen kutungget baiz bali reeni mu̱nye̱nu̱ ke̱. Ngen niga ogonnu kaal cik gerzek.

2 Ko̱ri̱nto̱ 2:5

Ming u̱tu̱gu̱ e̱e̱ti̱ gi̱i̱ ci gerze kicirit i̱nne̱t zinin, iróng enne anyike zinin cinanni do̱ kicirit, acirit i̱ge̱t do̱o̱k zi̱nze̱tti̱. Iróng anna korongi kodong zoz necu oroot.

2 Ko̱ri̱nto̱ 7:12

Imma zin kaale ne̱k keherakkung anna ko̱ do̱o̱k, iróng anna keheri zoz ci e̱e̱t ci u̱tu̱gu̱ gi̱i̱ ci gerze ko̱ icima e̱e̱t ci u̱tu̱gu̱we̱k enne gi̱i̱ ci gerze, abarik zin ngu̱me̱ ci Ta̱mu̱ta̱dde̱no̱ acinnu niga e̱le̱tti̱ne̱ gool ci irezzu niga agita.

Ga̱la̱ti̱a̱ 5:19

A̱gga̱ ol do̱o̱k baiz ci mu̱nye̱nu̱, i̱ye̱la̱i̱, nogo ciko: A̱li̱ya̱kze̱t (wangi), rotinet ki ngaai, amanik e̱e̱ti̱ ngaa icima ngaa amanik e̱e̱t ci maci,

Evesos 5:3

Ma oweku e̱le̱tti̱ ngoot kar ol kozozit zoz ci azi ne, e̱e̱ggi̱nnu̱ niga ol cik een a̱li̱ya̱k, icima ol cik gerzek, icima ol cik a̱ppi̱nte̱k zi̱nze̱tti̱ eci izetu niga ol cik Ta̱mu̱ta̱dde̱no̱.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

1 Te̱se̱lo̱ni̱ka̱ 4:7

Eci Ta̱mu̱ta̱dde̱n adimannet ba̱li̱ye̱ iróng orongnyet ku̱tu̱lle̱, abarik orongnyet kabait baiz ci caale paz.

O̱no̱zzo̱k 2:21

Kanyiya anna i̱i̱te̱n ci kar kutura ba̱ci̱nno̱k ciginnek a̱li̱ya̱kze̱ti̱nu̱ ko̱, abarik enne iróng elemi.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”