1 Ko̱ri̱nto̱ 4:17 - Tennet

¹⁷ Imma zin zo̱ze̱ necu ki̱tto̱na̱kku̱ng anna i̱ge̱t Ti̱mo̱te̱yo̱ wa een ngeranni tu̱we̱nta̱, kirezi anna nonno eci alali zinin zo̱ze̱ ci Manyi. A̱du̱wa̱kku̱ng atin enne i̱ge̱t baiz cinanni ngati Ki̱ri̱sto̱ Ye̱su̱, a̱du̱wo̱ baizi cinanni ki de̱mzi̱ne̱t ci kedemeze anna ol ke̱le̱ci̱a̱nya̱i̱ lo̱o̱co̱we̱ do̱o̱k.

1 Ko̱ri̱nto̱ 4:17 ပူးပေါင်းရင်းမြစ်များ

Ma̱te̱yo̱ 24:45

“Ngene ci een du̱ca̱i̱t ci abunna elemi ngati a̱li̱ngli̱nge̱ zoz odohize kar bo̱do̱k kegeny, kar manyi ce̱e̱z kanyik nonno ka̱gga̱m kaal cik ce̱e̱zu̱ kar bo̱do̱k kadaiz ol ce̱e̱za̱?

Ma̱te̱yo̱ 25:21

“O̱bo̱de̱k zin ddi̱ki̱ryo̱i̱ti̱ a̱nne̱k ne, ‘Abunna oroot, e̱e̱ni̱ i̱nna̱ du̱ca̱i̱t ci abunna, kar bo̱do̱k nyak zinin ci alali. A̱gga̱mu̱ i̱nna̱ lodet cik kidik ko̱ zinine ci alali, i̱yo̱ko̱ zin kaanyi atin gga̱m kaal cigannik meelek. I̱jja̱ ozolit talninet ki ddi̱ki̱ryo̱i̱t cunne.

Ma̱te̱yo̱ 25:23

“Ize zin ddi̱ki̱ryo̱i̱ti̱ ne, ‘Abunna oroot, du̱ca̱i̱t cinanni abunna kar kalal zinin. Alali i̱nne̱t zinin ngati a̱gga̱me̱ lodet cikidik, i̱yo̱ko̱ zin kaanyi ize ddi̱ki̱ryo̱i̱t ci abali kaal cik meelek. I̱jja̱ zin kozolit talninet ki ddi̱ki̱ryo̱i̱t cunne nga̱to̱de̱!’

Buk wa To̱ni̱a̱u̱ 16:1

Oot Pa̱u̱lo̱ ki Silas rok orog ci een Derbe kar bo̱do̱k koot rok orog ci een Lystra abahe nuyaiti ci een zara Ti̱mo̱te̱yo̱, een yaatinne Ya̱u̱d kar bo̱do̱k a̱tu̱we̱, okko baatinne een Gi̱ri̱k.

1 Ko̱ri̱nto̱ 11:16

Ming anyak e̱e̱t ci orong kadang zoz necu, iróng naga kanyak gool ci kogonne kaal, een necu gool ci kogonne kaal ke̱le̱ci̱a̱nya̱i̱ cik Ta̱mu̱ta̱dde̱no̱.

1 Ko̱ri̱nto̱ 11:2

Katalne anna ngatinno̱ng oroot, go̱o̱le̱ ci aadanang niga annit ko̱, kar bo̱do̱k u̱zu̱tte̱ de̱mzi̱ne̱t bali kedemezung anna i̱ge̱t ke̱ do̱o̱k.

1 Ko̱ri̱nto̱ 11:34

Ming anyak e̱e̱t ci adak magiz, anyik nonno kadaho ce̱e̱za̱, kar abunna iróng anganyu e̱le̱tti̱ cuggo̱k ngati ovvo alutenu. Kar ming ki̱ki̱ya̱ anna kokko atin ka̱du̱wa̱kku̱ng kaal u̱gge̱.

1 Ko̱ri̱nto̱ 14:33

Eci Ta̱mu̱ta̱dde̱n iróng orong ngotaninet, abarik enne orongnyet agit ka̱vvu̱t labak ganonta. Ming ovvo olli Ta̱mu̱ta̱dde̱no̱ arume nga̱to̱de̱ ke̱le̱ci̱a̱,

1 Ko̱ri̱nto̱ 16:1

I̱yo̱ko̱ zin zo̱ze̱ ci alutane ol o̱ro̱bi̱ya̱ cik eelanne ol wak a̱tu̱we̱ gonoggi Jerusalema, abunna ming ogonnu zoz necu go̱o̱le̱ bali ka̱du̱wa̱ke̱ ol wak a̱tu̱we̱ ke̱le̱ci̱a̱nya̱i̱ cik Ga̱la̱ti̱a̱ ke̱.

1 Ko̱ri̱nto̱ 16:10

Ming uzucaung i̱ge̱t Ti̱mo̱te̱yo̱, a̱gga̱mtta̱ nonno talninta. A̱li̱ngli̱ng enne li̱ngli̱ngo̱n ci Manyi Ye̱su̱ ki i̱yo̱ko̱ anna ko̱.

1 Ko̱ri̱nto̱ 4:14

Iróng anna keherakkung zin i̱ge̱t zo̱zzo̱k ne̱ko̱ ko̱ kar kadaung a̱li̱ya̱ni̱, abarik ki̱lo̱tu̱ng, eci niga e̱e̱ggi̱nnu̱ dooli cigannik kirezung.

1 Ko̱ri̱nto̱ 4:15

Ming anyakku niga nu̱nu̱n ol cik meelek Ki̱ri̱sto̱ edemezung, iróng niga anyakku be̱e̱ti̱ggo̱k i̱bbo̱nge̱t omoto, eci kiize anna be̱e̱ti̱nno̱ng zo̱ze̱ ci Ki̱ri̱sto̱ Ye̱su̱ go̱o̱le̱ ci kuwaheka ol kaviyak cik abunna Ta̱mu̱ta̱dde̱no̱.

1 Ko̱ri̱nto̱ 4:2

Abunna zin ol ne̱k anyonik li̱ngli̱ngo̱ni̱ ko̱, ming ogon li̱ngli̱ngo̱n ju̱rru̱m zi̱nze̱tti̱nne̱ cik alali.

1 Ko̱ri̱nto̱ 7:17

Abunna e̱e̱ti̱ ci diiri ming elema baiz ci aanyik Manyi nonno kabahe, go̱o̱le̱ ci orong Ta̱mu̱ta̱dde̱n nonno ki̱li̱ngli̱ng. Een necu ti̱lo̱wi̱ne̱t ci karike anna ke̱le̱ci̱a̱nya̱ veelek.

1 Ko̱ri̱nto̱ 7:25

Okko zo̱ze̱ ci e̱e̱t ki ngaa ci ngen kuruco, i̱llo̱i̱ zoz imma ci a̱du̱wa̱ Manyi zo̱ze̱ necu, abarik anna ka̱a̱nyu̱ng zoz ci kettede lo̱ki̱ko̱ eci anna ke̱e̱ni̱ e̱e̱t ci kanyai deten ci Manyi.

2 Ko̱ri̱nto̱ 8:18

Ki̱tto̱na̱kku̱ng Ti̱to̱ ki gotonet imma tu̱we̱nta̱ ci irez ke̱le̱ci̱a̱nya̱ do̱o̱k nonno, eci enne uwahek nogo ba̱li̱ye̱ kaviyak cik abunna Ki̱ri̱sto̱.

Evesos 6:21

I̱yo̱ko̱ zin, ki̱tto̱na̱kku̱ng i̱ge̱t gotonet tu̱we̱nta̱ wa een zara Tychicos, e̱e̱t ci gon anime zinin cinne li̱ngli̱ngo̱n ci Manyi. Okko atin enne a̱du̱wa̱kku̱ng kaviyak cik li̱ngli̱ngo̱n cinanni, ki ol cik karumena ki annit nga̱to̱de̱ ko̱ do̱o̱k. Kar zin enne bu̱k ka̱a̱nyu̱ng i̱ge̱t okkomit tu̱we̱nta̱ zo̱ze̱ ci Ta̱mu̱ta̱dde̱no̱.

Vilipia 2:19

Korongi anna katalo ming kazii kaviyak cik obod ki i̱ge̱ta̱. Ki̱no̱ni̱ anna aanya atin Manyi Ye̱su̱ kar ki̱tto̱na̱kku̱ng i̱ge̱t Ti̱mo̱te̱yo̱ ataman.

Vilipia 2:22

Imma Ti̱mo̱te̱yo̱, a̱gga̱yyu̱ niga arizet cinne, ka̱li̱ngli̱ngnya̱ ki nonno bu̱k ngati kuwaheka ol kaviyak cik abunna, ogon enne ngatinanni ki do̱le̱c ci a̱li̱ngli̱ng ki baatinne.

Kolosiya 1:7

Aziknnu niga zoz necu arrak oowa ngati e̱e̱t ci een zara Epaphras, e̱e̱t ci kireza naga ka̱li̱ngli̱ngnya̱ bu̱k ki nonno, een enne e̱e̱t ci a̱li̱ngli̱ng zoz ci Ki̱ri̱sto̱ ngatinna,

Kolosiya 4:9

Orkora enne ki Onesimos, een enne e̱e̱t ci abunna kar kize gotonet ci kireza, een enne e̱e̱t cunno̱ng. A̱du̱wa̱kku̱ng atin nege kaal do̱o̱k cik ogone ngatinna̱ng ngatu.

1 Ti̱mo̱te̱yo̱ 1:18

Ti̱mo̱te̱yo̱ wa e̱e̱ni̱ ngeranni tu̱we̱nta̱, kamitaneki zoz necu niko kar zuute ele olle wak edemezek gonoggi volong azi ne zoz ci a̱kku̱ Ta̱mu̱ta̱dde̱na̱. Kozozi zin niko ngibali a̱du̱wa̱ne̱ a̱ri̱tto̱wa̱ muluk ci a̱kku̱ Ta̱mu̱ta̱dde̱na̱ obod ki i̱nne̱ta̱. Zik ti̱lo̱wi̱ne̱t necu ju̱rru̱m kar nyak tu̱we̱ne̱t, abunna atin ming u̱u̱li̱ a̱ri̱tto̱k ne̱k edemez ol volong ke̱.

1 Ti̱mo̱te̱yo̱ 1:2

Keheriki i̱nne̱t Ti̱mo̱te̱yo̱ wa een ngeranni de̱de̱ tu̱we̱nta̱. Kala Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱ kar kaanyci deten ki bunnat ki a̱vvu̱ze̱t yahe.

2 Ti̱mo̱te̱yo̱ 1:2

Keherike waraga cu Ti̱mo̱te̱yo̱ wa kirezi ko̱, u̱tu̱gu̱ enne ki ngeranni tu̱we̱nta̱. Kala anna Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱, kar kaanyci deten ki bunnat ki a̱vvu̱ze̱t yahe.

2 Ti̱mo̱te̱yo̱ 2:2

kar zo̱zzo̱wa̱ balik aziyi i̱nna̱ ngatinanni, ngati aavtte bbacaha cik meelek ke̱, anyonik zo̱zzo̱wa̱ ne̱ke̱ ol cik abunna kar atin nege ke̱de̱me̱zi̱t ol u̱gge̱ bu̱k.

2 Ti̱mo̱te̱yo̱ 3:10

I̱yo̱ko̱, Ti̱mo̱te̱yo̱, a̱gga̱ i̱nna̱ de̱mzi̱ne̱t cinanni oroot, gool ci kowowene ki ol, ki gi̱i̱ ci korongi anna baize cinanni, ki tu̱we̱ne̱t cinanni ci ka̱tu̱we̱ Ta̱mu̱ta̱dde̱n, ki zinin ci alali, ki gool ci kireze ol, ki baiz ci kanime no̱ngi̱tto̱n.

Ti̱to̱ 1:5

Kungneki ba̱li̱ye̱ lo̱o̱c ci een Crete, abunna ming edecak li̱ngli̱ngo̱n bali ngen anna kedecak ke̱, kar bo̱do̱k tahala nyakanganet o̱ro̱gjo̱we̱ ne̱ke̱ ki bali ming ka̱du̱wa̱ki̱ ke̱.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.