1 Ko̱ri̱nto̱ 4:15 - Tennet

¹⁵ Ming anyakku niga nu̱nu̱n ol cik meelek Ki̱ri̱sto̱ edemezung, iróng niga anyakku be̱e̱ti̱ggo̱k i̱bbo̱nge̱t omoto, eci kiize anna be̱e̱ti̱nno̱ng zo̱ze̱ ci Ki̱ri̱sto̱ Ye̱su̱ go̱o̱le̱ ci kuwaheka ol kaviyak cik abunna Ta̱mu̱ta̱dde̱no̱.

1 Ko̱ri̱nto̱ 4:15 ပူးပေါင်းရင်းမြစ်များ

Roma 15:20

Korongi gon la̱du̱n kuwahek ol kaviyak cik abunna ngati ngen kaviyaha cik Ki̱ri̱sto̱ kuzuca. Iróng anna korongi keteehenyek ce̱e̱z ngati adawek e̱e̱ti̱ lolanya ciginnek.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 15:1

I̱yo̱ko̱ gotonogga ki ngonogga tu̱we̱nta̱, korongi ka̱a̱da̱u̱ng zo̱ze̱ ci kaviyak cik abunna balik kuwahekkung anna ke̱, kaviyak balik elemttau niga ke̱ kar u̱tu̱we̱t rok i̱yo̱ko̱ ko̱.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

1 Ko̱ri̱nto̱ 3:6

Kirira ba̱li̱ye̱ anna ma̱na̱, okko Apollosi a̱ddu̱te̱k maam, ma̱i̱je̱ Ta̱mu̱ta̱dde̱n anyak li̱ngli̱ngo̱n ci riili oroot, eci enne aanyik ma̱na̱ kitiliz.

1 Ko̱ri̱nto̱ 3:8

Riil li̱ngli̱ngo̱ni̱ ci e̱e̱t ci arir ma̱na̱ ko̱ ki ci e̱e̱t ci a̱ddu̱te̱k maam ma̱na̱ ko̱, a̱ru̱wo̱ni̱k atin ngenngene kaal cik li̱ngli̱ngo̱n cinne.

1 Ko̱ri̱nto̱ 9:12

Ming een zoz cinne̱ng de̱de̱ ci eelannu niga ol balik uwahekkung zoz ci Ta̱mu̱ta̱dde̱no̱, agano zin de̱de̱ ming eelannet niga agit bu̱k oroot. Abarik iróng zin naga korongnya ki̱ti̱za̱u̱ng. Kanimnya baiz cinna̱ng ko̱, gerza ming kanyahak no̱ngi̱tto̱n kaviyak cik Ki̱ri̱sto̱.

1 Ko̱ri̱nto̱ 9:14

Azi zin bo̱do̱k Manyi ne, anyik ol wak uwahek ol kaviyak cik abunna kurubta da̱i̱ne̱t cigge̱k li̱ngli̱ngo̱ne̱ necu.

1 Ko̱ri̱nto̱ 9:16

Ming kuwahek ol kaviyak cik abunna, iróng anna kodongi ele, eci een necu li̱ngli̱ngo̱n cinanni. O̱lle̱ nonga cigannik ming iróng anna kuwahek ol kaviyak cik abunna.

1 Ko̱ri̱nto̱ 9:18

Karuba zin atin anna nya? Karuba zin atin gool ci kuwaheke kaviyak cik abunna ki̱zzi̱ rok gi̱i̱ ci a̱ru̱we̱ka̱ ol annita. Iróng zin anna Ka̱jji̱nni̱ nogo kar kanyca nege annit kaal cik agano ming aanya nege.

1 Ko̱ri̱nto̱ 9:23

Kogonni anna kaal ne̱ko̱ do̱o̱k kar kaviyaha cik abunna katakuza ol do̱o̱k. Kar anna bu̱k kozol ki nogo ma̱yu̱we̱ne̱t ci Ta̱mu̱ta̱dde̱no̱.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

Ga̱la̱ti̱a̱ 3:24

Ebekket lo̱ti̱nno̱wa̱ zee ki̱ki̱ya̱ Ki̱ri̱sto̱; azunnet lo̱ti̱nno̱wa̱ zee ki̱ki̱ya̱ Ye̱su̱ kidimanet kubunnta ngu̱me̱ ci Ta̱mu̱ta̱dde̱no̱ tu̱we̱nta̱.

Ga̱la̱ti̱a̱ 3:25

I̱yo̱ko̱ zin, i̱ki̱ya̱ gool ci tu̱we̱nto̱ ngati Ye̱su̱, iróng lo̱ti̱nno̱wa̱ wak Musesi ngen ebekketa.

Ga̱la̱ti̱a̱ 4:19

Eeh, dooli cigannik tu̱we̱nta̱, kapirna zo̱ze̱ cunno̱ng kiwagon ngaa ci anyakce a̱u̱ce̱ do̱le̱c ngati orong ukcane. Kapirna zo̱ze̱ necu zee kar zoz ci Ki̱ri̱sto̱ ka̱vvu̱ zi̱nze̱tti̱nne̱ cuggo̱k.

2 Ti̱mo̱te̱yo̱ 4:3

A̱kku̱ i̱i̱te̱ni̱ ci iróng ol ngen orong kiziyet de̱mzi̱ne̱t ci abunna. Abarik aluta demezyak kizeto meele, orongit kar ku̱du̱kta̱k nogo kaal cik i̱i̱zo̱ iin cigge̱k.

Ti̱to̱ 1:4

Keheriki zin anna waraga necu i̱nne̱ta̱ Ti̱to̱, wa u̱tu̱gu̱ ki ngeranni tu̱we̱nte̱ ci kozol naga ko̱: Anyik Ta̱mu̱ta̱dde̱n wa een Be̱e̱ti̱nna̱ ki Ye̱su̱ Ki̱ri̱sto̱ Ti̱ri̱zo̱i̱t cinna kaanyi deten ki baiz yahe.

Vilomene 1:19

Keheri anna Pa̱u̱lo̱ zoz necu a̱tte̱ cinanni. Ka̱ru̱i̱ atin anna nga̱bo̱lo̱ neci, iróng zin atin anna kabungi e̱e̱ni̱ i̱nna̱ bu̱k eliya nga̱bo̱le̱ni̱t cinanni go̱o̱le̱ ci amudanne i̱nna̱ baiz ngati Ki̱ri̱sto̱.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

1 Peturu 1:23

Eci Ta̱mu̱ta̱dde̱n a̱a̱nyu̱ng i̱ti̱rrtta̱i̱ bo̱do̱k, iróng een kaale cik aditai, abarik iróng aditai udut, go̱o̱le̱ ci kabahe kar kinimet zoz ci Ta̱mu̱ta̱dde̱no̱.