1 Ko̱ri̱nto̱ 4:14 - Tennet

¹⁴ Iróng anna keherakkung zin i̱ge̱t zo̱zzo̱k ne̱ko̱ ko̱ kar kadaung a̱li̱ya̱ni̱, abarik ki̱lo̱tu̱ng, eci niga e̱e̱ggi̱nnu̱ dooli cigannik kirezung.

1 Ko̱ri̱nto̱ 4:14 ပူးပေါင်းရင်းမြစ်များ

Buk wa To̱ni̱a̱u̱ 20:31

U̱zu̱tte̱ zin e̱le̱tti̱ ciggo̱k, a̱a̱dda̱ zin e̱rki̱nya̱ balik een i̱i̱yo̱ ke̱, ngen anna kibiliz ti̱lo̱wi̱ne̱t i̱ge̱t ba̱a̱li̱n ki wazin ki ti̱la̱lo̱ eberene.

1 Ko̱ri̱nto̱ 15:34

Abunna zin ming i̱no̱nnu̱ ju̱rru̱m kar utunget mu̱nye̱n, eci anyak ol u̱gge̱ ngatinno̱ng cik iróng a̱gga̱ Ta̱mu̱ta̱dde̱n. Ka̱du̱wa̱ niko zo̱ze̱ ci adakkung a̱li̱ya̱ni̱.

1 Ko̱ri̱nto̱ 4:15

Ming anyakku niga nu̱nu̱n ol cik meelek Ki̱ri̱sto̱ edemezung, iróng niga anyakku be̱e̱ti̱ggo̱k i̱bbo̱nge̱t omoto, eci kiize anna be̱e̱ti̱nno̱ng zo̱ze̱ ci Ki̱ri̱sto̱ Ye̱su̱ go̱o̱le̱ ci kuwaheka ol kaviyak cik abunna Ta̱mu̱ta̱dde̱no̱.

1 Ko̱ri̱nto̱ 4:17

Imma zin zo̱ze̱ necu ki̱tto̱na̱kku̱ng anna i̱ge̱t Ti̱mo̱te̱yo̱ wa een ngeranni tu̱we̱nta̱, kirezi anna nonno eci alali zinin zo̱ze̱ ci Manyi. A̱du̱wa̱kku̱ng atin enne i̱ge̱t baiz cinanni ngati Ki̱ri̱sto̱ Ye̱su̱, a̱du̱wo̱ baizi cinanni ki de̱mzi̱ne̱t ci kedemeze anna ol ke̱le̱ci̱a̱nya̱i̱ lo̱o̱co̱we̱ do̱o̱k.

1 Ko̱ri̱nto̱ 6:5

Ma ovvoyyu gonoggu lo̱ki̱ka̱ ngati ol wak iróng a̱tu̱we̱, anyahaku wo̱ye̱ e̱le̱tti̱ a̱li̱ya̱n. Eci wo̱ye̱ nu̱nu̱n egenyyu niga do̱o̱k, i̱llo̱i̱ ngatinno̱ng e̱e̱t co̱de̱ ṯok ci egenyi, kar kapahek ol cik a̱tu̱we̱ ko̱ zoz ci dango cinne̱ng.

1 Ko̱ri̱nto̱ 9:15

Abarik zin, ngen anna ki̱jji̱n e̱e̱t imma gi̱i̱ ci korongi ki ming a̱du̱wa̱ zoz ci Ta̱mu̱ta̱dde̱no̱ ko̱. Iróng anna keheri waraga cu kar aanycang kaal cik korongi. Ma nu̱nu̱n ming ka̱da̱i̱, iróng wo̱ye̱ ka̱jji̱nni̱ gi̱i̱ imma ci korongi udut kar e̱e̱ti̱ imma ki̱ki̱ya̱ kodong ele zo̱ze̱ necu.

2 Ko̱ri̱nto̱ 11:11

Kogonni niko ko̱, eci kirezzung, iróng ka̱gga̱ma̱nnu̱ng o̱ro̱bi̱ya̱ cik kuwahekkung zoz ci Ta̱mu̱ta̱dde̱no̱. A̱gga̱ Ta̱mu̱ta̱dde̱n kirezzung anna i̱ge̱ta̱ oroot.

2 Ko̱ri̱nto̱ 12:19

Iróng ka̱gga̱ ming ikebu waraga cu ko̱, i̱no̱nnu̱ keheri anna kaal ne̱ko̱ abunna kacazi no̱ngi̱tto̱n ngati ol wak ovolongnya annit ko̱, abaccu zin niga. Azikna Ta̱mu̱ta̱dde̱n bu̱k, kozozi niko ke̱e̱ni̱ e̱e̱t ci ka̱tu̱ Ki̱ri̱sto̱. Gonogga, abarik kogonni niko kar ubunntta niga.

2 Ko̱ri̱nto̱ 7:3

Iróng ka̱du̱wa̱ zoz necu kar kapahekung zoz ci gerze. Abarik ki baling ku̱du̱wa̱ arrak oowa ke̱, ki̱no̱nnu̱ng odohize ngati ka̱da̱kne̱ icima karugne nga̱to̱de̱.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

1 Te̱se̱lo̱ni̱ka̱ 2:11

A̱gga̱yyu̱ bo̱do̱k ming kuzutung naga i̱ge̱ta̱ kiwagon ming a̱gga̱m be̱e̱ti̱ ollu dooli ciginnek.

1 Te̱se̱lo̱ni̱ka̱ 5:14

Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.

2 Te̱se̱lo̱ni̱ka̱ 3:14

U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno.

Vilomene 1:10

Kilaleki anna i̱nne̱t zo̱ze̱ ci Onesimosi ci ngen een do̱le̱c, ize enne ngeranni tu̱we̱nta̱ baling ngen kecebje lagama.

1 Jon 2:1

Niga dooli cigannik tu̱we̱nta̱, keherakkung i̱ge̱t zoz cu kar abunna atin iróng ogonnu mu̱nye̱n. Ming u̱tu̱gu̱ e̱e̱ti̱ imma mu̱nye̱n, kanyak naga Ye̱su̱ Ki̱ri̱sto̱ E̱e̱t wa Abunna O̱de̱ een zoc cinna ozozek Baatinne zoz cinna.

3 Jon 1:4

Een necu talninet ci a̱ddi̱ki̱re̱ ngatinanni oroot, ngati kazikne abak dooli cigannik zo̱ze̱ ci een de̱de̱.