1 Ko̱ri̱nto̱ 4:11 - Tennet

¹¹ Kowoya gon naga magizet, kowoya bo̱do̱k kooret, kar kuburucca ru̱u̱ma̱ni̱ cik zorzorik, ogonet ol gerzet, i̱llo̱i̱ rok ce̱e̱z ci kabaka.

1 Ko̱ri̱nto̱ 4:11 ပူးပေါင်းရင်းမြစ်များ

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Buk wa To̱ni̱a̱u̱ 14:19

Ulutet lo̱ddi̱ki̱re̱ uggak cik een Ya̱u̱d a̱vvu̱ o̱ro̱gjo̱we̱ cik een Antiyok ki Iconium kar ku̱tu̱yya̱ o̱o̱tti̱ cik ollu. Ovvocit zin ol Pa̱u̱lo̱ biyene kar ku̱tu̱gu̱rte̱k orog abanyca, i̱no̱n nege azi ne, a̱da̱ha̱.

Buk wa To̱ni̱a̱u̱ 16:23

Baling u̱ru̱we̱t nege Pa̱u̱lo̱ ki Silas oroot, okolttek zin nogo lagam. Kar zin ku̱du̱kta̱k ddi̱ki̱ryo̱i̱t ci lagamo kebek nogo ju̱rru̱m.

Buk wa To̱ni̱a̱u̱ 23:2

Okko zin zo̱ze̱ necu, u̱du̱wa̱k Ananiyasi alaani ci a̱ddi̱ki̱re̱ wawaco ol wak abile abanyce ci Pa̱u̱lo̱ kapannit nonno utug.

Roma 8:35

I̱llo̱i̱ gi̱i̱ imma ci engeryet rezinte ci Ki̱ri̱sto̱. Engeryet wo̱ye̱ no̱ngi̱tto̱na̱, icima piryanzet ngati kamuda gi̱de̱ne̱t, icima magiz, icima ngati kowoye nga̱dhi̱ri̱r, icima ngati a̱li̱be̱ne̱ looci, icima daiza?

1 Ko̱ri̱nto̱ 9:4

Abunna ming aanyet ol da̱i̱ne̱t.

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

2 Ko̱ri̱nto̱ 4:8

A̱gi̱dde̱t ol odohize o̱to̱ do̱o̱k, iróng zin Ta̱mu̱ta̱dde̱n aanyik nogo komiz ci alamnyet li̱ngli̱ngo̱nte̱ ci kedemeza ol kaviyak cik Ye̱su̱. A̱ma̱li̱ltte̱ gon agit o̱o̱tti̱, iróng ka̱gga̱yya̱ gi̱i̱ ci wo̱ye̱ kogonna, ma̱i̱je̱ ngatu iróng kungneka zoz ci Ta̱mu̱ta̱dde̱no̱ lo̱o̱c;

Vilipia 4:12

Ka̱gga̱ anna baiz cinanni ming korongi da̱i̱ne̱t, ka̱gga̱ ming kanyai kaal cik meelek. Kedemeza anna ele cinanni da̱i̱nte̱ cikidik baiza, ming anyari looci icima adak lo̱o̱c magiz.

2 Ti̱mo̱te̱yo̱ 3:11

A̱gga̱ bo̱do̱k i̱nna̱ gi̱de̱ne̱t wa a̱gi̱dda̱ ol o̱ro̱gjo̱we̱ cik een Antiyok, ki Iconium ki Lystra. Kinima gi̱de̱ne̱t neci kar Manyi keelawa no̱ngi̱tto̱ne̱ ne̱ke̱ do̱o̱k.