1 Ko̱ri̱nto̱ 3:9 - Tennet

⁹ Ke̱e̱ggi̱nna̱ naga ol cik ka̱li̱ngli̱nge̱ka̱ Ta̱mu̱ta̱dde̱n; ovvo niga e̱e̱ggi̱nnu̱ ma̱na̱ ci Ta̱mu̱ta̱dde̱no̱ ki ce̱e̱z cinne.

1 Ko̱ri̱nto̱ 3:9 ပူးပေါင်းရင်းမြစ်များ

Ma̱te̱yo̱ 15:13

O̱bo̱de̱k zin enne nogo, “Okko atin Baba wa aave ta̱mu̱-kenga ko̱, aduca egeroi keen wak iriret ol uggak.

Ma̱te̱yo̱ 16:18

I̱yo̱ko̱ zin, kakaneki zar cik een Peturu, azi keng ci zar ne̱ko̱ ne, bee, ogonni i̱nna̱ ki bee, eenyce atin ke̱le̱ci̱a̱ cinanni zo̱ze̱ cunne, iróng zin atin komizi ci daizo uule kar kegerzan.

Ma̱te̱yo̱ 9:37

U̱du̱wa̱k zin Ye̱su̱ nuyak waginnek zoz ci azi ne, “Meele labina, orong kettedai, ogon ki ol cik orong kiziyet zoz cinanni, ma̱i̱je̱ ngatu, idice zin ol wak etted labi.

Marko 16:20

Oot zin nuyaha uwaktek ol zoz ci Ta̱mu̱ta̱dde̱no̱ lo̱o̱co̱we̱ do̱o̱k. I̱li̱ngli̱ng zin Manyi ki nogo kar kaanyik zoz cinne ku̱tu̱gu̱we̱ go̱o̱le̱ ci ogone nege kaal cik a̱vu̱la̱.

Buk wa To̱ni̱a̱u̱ 4:11

Een enne “‘Bee bali utuburtu niga ol wak eenyce ke̱ ize bee ci abilne ce̱e̱z kommog veelek.’

1 Ko̱ri̱nto̱ 3:16

A̱gga̱yyu̱ e̱e̱ggi̱nnu̱ niga e̱le̱tti̱ne̱ Ce̱e̱z wa Ta̱mu̱ta̱dde̱no̱ kar Vongizi ci Ta̱mu̱ta̱dde̱no̱ kabak ngatinno̱ng.

1 Ko̱ri̱nto̱ 3:6

Kirira ba̱li̱ye̱ anna ma̱na̱, okko Apollosi a̱ddu̱te̱k maam, ma̱i̱je̱ Ta̱mu̱ta̱dde̱n anyak li̱ngli̱ngo̱n ci riili oroot, eci enne aanyik ma̱na̱ kitiliz.

1 Ko̱ri̱nto̱ 6:19

A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Kolosiya 2:7

U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.

1 Ti̱mo̱te̱yo̱ 3:15

Ming iróng anna ngen kayiha ataman, a̱gga̱yyu̱ atin niga gool ci abahe ol wak a̱tu̱ zoz ci Ta̱mu̱ta̱dde̱no̱. E̱e̱ggi̱n ol wak a̱tu̱ zoz ci Ta̱mu̱ta̱dde̱no̱ ko̱ boor ci Ta̱mu̱ta̱dde̱no̱, nogo cik a̱gga̱m zoz ci Ta̱mu̱ta̱dde̱no̱ kiwagon lolaci ci abilne zoz de̱de̱.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

3 Jon 1:8

Imma zin naga ol wak ka̱tu̱ Ki̱ri̱sto̱ ko̱, korong ming kawak ce̱e̱zi̱ cigga̱c ol cik ogon ki nege, kar naga bu̱k kidongte ki nogo kizet ol cik ka̱li̱ngli̱ng zoz ci een de̱de̱.