1 Ko̱ri̱nto̱ 3:5 - Tennet

⁵ Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 3:5 ပူးပေါင်းရင်းမြစ်များ

Ma̱te̱yo̱ 25:15

Aanyik du̱ca̱i̱t co̱de̱ lodet tu̱r cik dhahabo, okko bo̱do̱k co̱de̱ anyike lodet rama cik dhahabo, kar bo̱do̱k ci vu̱rrto̱ kanyik lo̱do̱ co̱de̱ ci dhahabo. Anyik enne e̱e̱t go̱o̱le̱ ci uule e̱e̱ti̱. Kar zin enne kuk eroni cinne.

Lu̱ka̱ 1:2

ki baling ka̱gga̱ma̱ naga ngati ol balik een bbacak ki du̱cca̱k cik zozak ke̱.

Kaviyak wak Abunna Ta̱mu̱ta̱dde̱no̱ eher Joni 3:27

O̱bo̱de̱k zin Joni nogo, a̱nne̱k ne, “Iróng e̱e̱ti̱ ci diiri anyak gi̱i̱ imma, amuda gi̱i̱ necu do̱ ta̱mu̱-kenga.”

Buk wa To̱ni̱a̱u̱ 18:24

Anyak zin da̱ e̱e̱t imma ci een Ya̱u̱do̱c, een zara Apollos, a̱rri̱ta̱i̱ enne o̱rge̱ ci een Alikzandria lo̱o̱ce̱ ci Masiro, a̱kku̱nna̱k enne Ephesus. Een enne e̱e̱t ci a̱gga̱ zoz oroot kar bo̱do̱k a̱gga̱ uwai Waraga ci Ta̱mu̱ta̱dde̱no̱ oroot.

Buk wa To̱ni̱a̱u̱ 19:1

Baling ngen Apollos aave o̱rge̱ ci een Ko̱ri̱nto̱, eron Pa̱u̱lo̱ lo̱o̱co̱we̱ kuk kuzuca orog ci Ephesusi. Uk uruba nginati nuyak u̱gge̱

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

1 Ko̱ri̱nto̱ 16:12

I̱yo̱ko̱ zin zo̱ze̱ ci obod ki Apollos, gotonet tu̱we̱nta̱, kilalek anna nonno oroot abunna ming i̱vo̱nnu̱ng enne ki gonogget tu̱we̱nta̱. Aarnek enne we̱t i̱yo̱ko̱ niko, abarik a̱kku̱na̱kku̱ng atin enne ming orong zinin cinne.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

1 Ko̱ri̱nto̱ 3:22

ogon ki i̱yo̱ko̱ anna Pa̱u̱lo̱ icima Apollos, icima Cephas icima lo̱o̱c cu, icima ruget, icima daiz, icima zoz ci i̱yo̱ko̱, icima zoz ci loza, e̱e̱ggi̱n ne̱ko̱ do̱o̱k cuggo̱k,

1 Ko̱ri̱nto̱ 3:7

Imma li̱ngli̱ngo̱ni̱ ci e̱e̱t ci arire ki bo̱do̱k li̱ngli̱ngo̱n ci e̱e̱t ci azacek ma̱na̱ maam ko̱, i̱llo̱i̱ nogo zoz ci riili ma̱ne̱ necu. Abarik zin li̱ngli̱ngo̱n ci Ta̱mu̱ta̱dde̱no̱ do̱ ci riili oroot, eci enne aanyik i̱nyo̱mo̱ ki̱ti̱li̱zza̱.

1 Ko̱ri̱nto̱ 9:17

Ming kuwahek ol zoz ci Ta̱mu̱ta̱dde̱no̱ gi̱i̱ ci orong zinin cinanni do̱, iróng zin agano ming kamuda o̱ro̱bi̱ya̱ ngati ka̱li̱ngli̱ngi̱ zoz ci kuwahek ol kaviyak cik abunna ko̱. Iróng zin een niko, eci Ta̱mu̱ta̱dde̱n ci aanya annit ku̱tu̱gu̱ li̱ngli̱ngo̱n necu.

2 Ko̱ri̱nto̱ 11:23

E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

2 Ko̱ri̱nto̱ 3:3

Ogonnu niga e̱le̱tti̱ne̱ ki waraga ci eher Ki̱ri̱sto̱, agit cik kanyik waraga necu ol. Eher enne waraga necu go̱o̱le̱ ci kedemeza nogo. Iróng zin e̱he̱rye̱ waraga, e̱he̱rye̱ Vongize ci Ta̱mu̱ta̱dde̱n wa abak udut, iróng eheronik bee ci zabali, abarik eheronik zi̱nze̱tti̱ cik ol cik diirik.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 4:1

I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

2 Ko̱ri̱nto̱ 4:7

Imma li̱ngli̱ngo̱ni̱ ci aanyyet Ta̱mu̱ta̱dde̱n ko̱, atubo ki gi̱i̱ ci riili. Kar bo̱do̱k ol ne̱k anyak gi̱i̱ ci riili ko̱, ogon ki i̱jjo̱nyya̱ cik adimanai todowaca, a̱li̱be̱ wo̱ye̱ ataman. Ogon Ta̱mu̱ta̱dde̱n ki i̱yo̱ko̱ abunna ming a̱gga̱ ol a̱kku̱ doiz ci uhu ol ko̱ ngati Ta̱mu̱ta̱dde̱no̱, iróng een doiz cinna̱ng.

2 Ko̱ri̱nto̱ 5:18

Ta̱mu̱ta̱dde̱n ci adiman kaal cik een jor baize cinna ko̱ do̱o̱k. I̱tto̱na̱ enne Ki̱ri̱sto̱ kar ki̱ki̱ya̱ kaganizet agit ki nonno, kar kaanyyet agit li̱ngli̱ngo̱n ci kaganiza ol ki nonno.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

2 Ko̱ri̱nto̱ 6:4

Abarik ke̱e̱ggi̱n naga du̱cca̱k cik Ta̱mu̱ta̱dde̱no̱ kaale cik ka̱du̱wa̱ kar bo̱do̱k kogon naga ko̱, kanimnya kaal cik i̱i̱na̱kke̱t baiza do̱o̱k. Anyahakket ol no̱ngi̱tto̱n, kanimnya naga dee niko,

Evesos 3:7

Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:25

Kiize anna du̱ca̱i̱t ci ol wak a̱tu̱we̱ eci Ta̱mu̱ta̱dde̱n atahala annita, kar kaanya li̱ngli̱ngo̱n necu kar ku̱du̱wa̱u̱ng zoz cinne do̱o̱k.

1 Ti̱mo̱te̱yo̱ 1:12

Kanyik zin anna zany Manyitinna Ye̱su̱ Ki̱ri̱sto̱. Kanyik bo̱do̱k zany ngati a̱gga̱we̱ zinin cinanni ming karike nonno. Kar zin a̱gga̱ya̱ annit ke̱e̱ni̱ e̱e̱t ci kabunna kar kaanya komiz ci ka̱li̱ngli̱nge̱ li̱ngli̱ngo̱n wainne.

1 Peturu 4:10

A̱ma̱yu̱ng i̱ge̱t deteni ci Ta̱mu̱ta̱dde̱no̱ a̱a̱nyu̱ng arizet ci abunna, kar niga abunna ming eelannu ol u̱gge̱. I̱li̱ngli̱ngte̱ zin ma̱yu̱we̱ne̱t necu ju̱rru̱m.