1 Ko̱ri̱nto̱ 3:23 - Tennet

²³ kar niga e̱e̱ggi̱nnu̱ olli Ki̱ri̱sto̱, okko Ki̱ri̱sto̱ een ci Ta̱mu̱ta̱dde̱no̱.

1 Ko̱ri̱nto̱ 3:23 ပူးပေါင်းရင်းမြစ်များ

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Kaviyak wak Abunna Ta̱mu̱ta̱dde̱no̱ eher Joni 17:18

ki baling i̱tto̱na̱na̱ i̱nna̱ annit lo̱o̱c ki̱ki̱ya̱ ku̱du̱wa̱k ol zoz cunne ke̱, ki̱tto̱nni̱ bo̱do̱k anna nogo kar koot kuwaktek ol zoz cunne lo̱o̱co̱we̱.

Kaviyak wak Abunna Ta̱mu̱ta̱dde̱no̱ eher Joni 17:21

kar nege do̱o̱k kurumte ko̱do̱ye̱, Baba ki i̱yo̱ko̱ ming ko̱do̱ye̱ anna ki i̱nne̱t ko̱. Iróng ucca nege bu̱k o̱do̱ye̱ kar ol cik lo̱o̱tu̱ ko̱ kelemit ming een i̱nne̱t ci da̱ i̱tto̱na̱na̱ annit!

Roma 14:8

Ming karuge, karuge naga zo̱ze̱ Manyi; ming ka̱da̱i̱ naga, ka̱da̱i̱ naga zo̱ze̱ ci Manyi. I̱yo̱ko̱ zin, ming karuge, icima ka̱da̱i̱, ke̱e̱ggi̱n naga olli Manyi.

1 Ko̱ri̱nto̱ 11:3

I̱yo̱ko̱ zin, korongi ku̱du̱wa̱u̱ng, Ki̱ri̱sto̱ ci abal ol cik macik do̱o̱k, okko e̱e̱ti̱ ci maci abal ngaa, ma̱i̱je̱ Ta̱mu̱ta̱dde̱n nonno ci abal Ki̱ri̱sto̱.

1 Ko̱ri̱nto̱ 15:23

Ogone atin kaala ne̱ko̱ i̱i̱nya̱we̱ cik aavtte do̱ do̱ olle do̱o̱k. Ki̱ri̱sto̱ bali ci ingazi daiza oowa, ovvo zin ol ciginnek a̱tu̱ nonno ko̱ ingazi daiza ming okko enne obodak lo̱o̱c.

1 Ko̱ri̱nto̱ 15:28

Ming okko Ngerrti Ta̱mu̱ta̱dde̱no̱ abal kaal do̱o̱k, arike atin enne ele cinne doiz ci Ta̱mu̱ta̱dde̱no̱, kar Ta̱mu̱ta̱dde̱n kabal nogo do̱o̱k.

1 Ko̱ri̱nto̱ 7:22

Eci e̱e̱ti̱ bali awu Manyi baling ngen enne een du̱ca̱i̱t ko̱, ize e̱e̱t ci abak labak i̱llo̱i̱ mu̱nye̱n; ogon bo̱do̱k niko, okko e̱e̱ti̱ ci iróng een du̱ca̱i̱t ko̱ baling awu Manyi nonno, ize enne du̱ca̱i̱t ci Ki̱ri̱sto̱.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

2 Ko̱ri̱nto̱ 10:7

Acinnu niga kaal ta̱dde̱n, aniyyu ne ke̱e̱ni̱ anna e̱e̱t ci diiri niko. Ming i̱no̱nnu̱, i̱ge̱t do̱ cik e̱e̱ggi̱nnu̱ olli Ki̱ri̱sto̱? Abunna ming a̱gga̱yyu̱ ke̱e̱ggi̱nna̱ naga bu̱k olli Ki̱ri̱sto̱ ki i̱yo̱ko̱ niga ko̱.

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Evesos 1:10

I̱ye̱le̱kke̱t Ta̱mu̱ta̱dde̱n gi̱i̱ ci arike enne i̱i̱te̱n ci atin kar kidongte kaala waginnek eenyca ta̱mu̱-kenga ki lo̱o̱ta̱ do̱o̱k ko̱do̱ye̱ kar Ki̱ri̱sto̱ kabal nogo do̱o̱k.