1 Ko̱ri̱nto̱ 3:21 - Tennet

²¹ I̱yo̱ko̱ zin, i̱llo̱i̱ e̱e̱t imma ngatinno̱ng ci odong ele zo̱ze̱ ci ol cik diirik! A̱gga̱c e̱e̱ggi̱n kaala do̱o̱k kaal cuggo̱k,

1 Ko̱ri̱nto̱ 3:21 ပူးပေါင်းရင်းမြစ်များ

Roma 4:13

U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 8:28

Ka̱gga̱ bo̱do̱k naga ogon Ta̱mu̱ta̱dde̱n zoz ci abunna kaale cik i̱i̱na̱k ol wak irez nonno. E̱e̱ggi̱n ne̱ko̱ ol wak engera enne kizeto ol cik orong enne,

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

1 Ko̱ri̱nto̱ 4:6

I̱yo̱ko̱, gotonogga ki ngonogga tu̱we̱nta̱, kozozi anna zoz ci obod ki ele cinanni ki Apollos, eci korongnyung i̱ge̱t a̱gga̱c ke̱ngti̱ cik zo̱zzo̱k cik ka̱du̱wa̱ anna ko̱ ju̱rru̱m, kar zin a̱gga̱c keng ci zoz cu, “Unuwet lo̱ti̱nno̱k cik e̱he̱rye̱ ko̱.” Kar atin iróng odongnyu e̱le̱tti̱ zo̱ze̱ ci e̱e̱t co̱de̱ kommog gooni co̱de̱ ke̱.

2 Ko̱ri̱nto̱ 4:15

Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.