1 Ko̱ri̱nto̱ 3:16 - Tennet

¹⁶ A̱gga̱yyu̱ e̱e̱ggi̱nnu̱ niga e̱le̱tti̱ne̱ Ce̱e̱z wa Ta̱mu̱ta̱dde̱no̱ kar Vongizi ci Ta̱mu̱ta̱dde̱no̱ kabak ngatinno̱ng.

1 Ko̱ri̱nto̱ 3:16 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 14:17

Een zin neci Vongiz wa een de̱de̱. Iróng zin ol cik lo̱o̱tu̱ elemi nonno eci nege iróng acin icima a̱gga̱ nonno. A̱gga̱yyu̱ zin abarik niga nonno ma̱rri̱t ming abakku bu̱k, kar zin atin ka̱vvu̱ zi̱nze̱tti̱nne̱ cuggo̱k.”

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

Roma 6:3

Abunna zin ming a̱gga̱yyu̱ kozol naga ki Ye̱su̱ Ki̱ri̱sto̱ gool ci ka̱gga̱me̱ ba̱ti̱ti̱mo̱, kozol naga bu̱k ki nonno daiz cinne, kizeto zin naga ol co̱de̱ ki nonno.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

1 Ko̱ri̱nto̱ 3:17

Ming egerzan e̱e̱ti̱ imma Ce̱e̱z wa Ta̱mu̱ta̱dde̱no̱, egerzan atin Ta̱mu̱ta̱dde̱n nonno; eci a̱li̱le̱ Ce̱e̱z wa Ta̱mu̱ta̱dde̱no̱, e̱e̱ggi̱nnu̱ zin niga e̱le̱tti̱ne̱ ce̱e̱z neci.

1 Ko̱ri̱nto̱ 3:9

Ke̱e̱ggi̱nna̱ naga ol cik ka̱li̱ngli̱nge̱ka̱ Ta̱mu̱ta̱dde̱n; ovvo niga e̱e̱ggi̱nnu̱ ma̱na̱ ci Ta̱mu̱ta̱dde̱no̱ ki ce̱e̱z cinne.

1 Ko̱ri̱nto̱ 5:6

Gerza zin zoz ci odongnyu niga e̱le̱tti̱. A̱gga̱yyu̱ niga nyigit cik meertak cikidik ming adak lata do̱o̱k?

1 Ko̱ri̱nto̱ 6:16

Iróng niga a̱gga̱yyu̱ ming arume e̱e̱ti̱ ki a̱li̱ya̱i̱t, o̱do̱ye̱ nege e̱le̱tti̱ne̱? Eci azi Warage ci Ta̱mu̱ta̱dde̱no̱ ne, “E̱e̱ggi̱n ol ne̱k een ram ko̱ ele co̱de̱.”

1 Ko̱ri̱nto̱ 6:19

A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.

1 Ko̱ri̱nto̱ 6:9

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,

1 Ko̱ri̱nto̱ 9:13

A̱gga̱yyu̱ niga ol ne̱k a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ko̱, ming amuda da̱i̱ne̱t cigge̱k kaale cik aanyik ol Ta̱mu̱ta̱dde̱n. Ovvo ol wak a̱li̱ngli̱ng i̱te̱le̱ ci Ce̱e̱z wa Ta̱mu̱ta̱dde̱no̱, amuda nege da̱i̱ne̱t cigge̱k kaale cik atuve ol i̱te̱le̱ neci.

1 Ko̱ri̱nto̱ 9:24

A̱gga̱yyu̱ niga ming ovvo ol a̱vi̱ri̱, a̱vi̱r ol do̱o̱k, okko zin e̱e̱ti̱ co̱de̱ ijar ol do̱o̱k. Imma zin bu̱k go̱o̱le̱ necu abunna ming a̱vi̱ri̱ kar ize oo kar ruba muci.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

1 Ti̱mo̱te̱yo̱ 3:15

Ming iróng anna ngen kayiha ataman, a̱gga̱yyu̱ atin niga gool ci abahe ol wak a̱tu̱ zoz ci Ta̱mu̱ta̱dde̱no̱. E̱e̱ggi̱n ol wak a̱tu̱ zoz ci Ta̱mu̱ta̱dde̱no̱ ko̱ boor ci Ta̱mu̱ta̱dde̱no̱, nogo cik a̱gga̱m zoz ci Ta̱mu̱ta̱dde̱no̱ kiwagon lolaci ci abilne zoz de̱de̱.

2 Ti̱mo̱te̱yo̱ 1:14

Zuute kaviyak cik abunna aanyi Vongizi ci A̱li̱le̱, wa abak ngatinna.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Jon 4:12

Ngen e̱e̱ti̱ imma kicin Ta̱mu̱ta̱dde̱n udut, abarik zin ming kirezo naga e̱le̱tti̱ne̱, abak enne ngatinna kar rezinet cinne kidimanet agit ju̱rru̱m baize cinna.