Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Ko̱ri̱nto̱ 3:10 - Tennet

10 Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

အခန်းကိုကြည့်ပါ။ ကော်ပီ




1 Ko̱ri̱nto̱ 3:10
37 ပူးပေါင်းရင်းမြစ်များ  

“Ngene ci een du̱ca̱i̱t ci abunna elemi ngati a̱li̱ngli̱nge̱ zoz odohize kar bo̱do̱k kegeny, kar manyi ce̱e̱z kanyik nonno ka̱gga̱m kaal cik ce̱e̱zu̱ kar bo̱do̱k kadaiz ol ce̱e̱za̱?


“I̱yo̱ko̱ zin, ming aziye e̱e̱ti̱ imma zoz cinanni ko̱, kar ki̱li̱ngli̱nge̱, ogon enne ki e̱e̱ti̱ ci egenyi eenycek ce̱e̱z nginti odong ele.


Cin nonno, kar zin, iróng tukuleci eliye cunne ko̱ een mu̱hu̱ri̱te̱n.


O̱bo̱de̱k zin enne nogo, “Icinnet ju̱rru̱m, gerza ming alabanung e̱e̱ti̱ imma. Eci a̱vvu̱ atin ol cik meelek zare cigannik, a̱du̱wa̱kku̱ng wo̱ye̱ e̱e̱ti̱ imma, azi ne, ‘Ke̱e̱ni̱ anna nonno,’ ki, ‘Ize ojon i̱i̱te̱ni̱.’ Ma annuyyu zoz cinne̱ng.


Baling orong Apollos kuk Achaiakte, atalit ol wak a̱tu̱we̱ kar zin keteherit waraga ci aanyik nuyak kar abunna ivata Apollos. Ming okko Apollos arawa, ize enne ma̱yu̱we̱ne̱t ngati ol wak a̱tu̱we̱ zo̱ze̱ ci deten ci Ta̱mu̱ta̱dde̱no̱.


Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.


Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.


Imma zin warage necu, anyak zo̱zzo̱k u̱gge̱ cik keherakkung anna i̱ge̱t mozinta, abunna kobodekku̱ng bo̱do̱k, eci aanya Ta̱mu̱ta̱dde̱n deten cinne.


Korongi gon la̱du̱n kuwahek ol kaviyak cik abunna ngati ngen kaviyaha cik Ki̱ri̱sto̱ kuzuca. Iróng anna korongi keteehenyek ce̱e̱z ngati adawek e̱e̱ti̱ lolanya ciginnek.


Eci Ta̱mu̱ta̱dde̱n aanyik Ye̱su̱ Ki̱ri̱sto̱ do̱ niko kize lolac ci abilne ce̱e̱z, i̱llo̱i̱ bo̱do̱k lolac imma ci abilne ce̱e̱z ki i̱yo̱ko̱ enne ko̱.


Ma wo̱ye̱ nu̱nu̱n ming iróng ol uggak aanya annit kize to̱ni̱a̱t ci Manyi Ye̱su̱, ke̱e̱ni̱ zin anna to̱na̱i̱t de̱de̱ ngatinno̱ng. Ma̱i̱je̱ niga, ka̱gga̱ anna aanyang annit kize to̱na̱i̱t cinne, eci niga a̱tu̱yyu̱ Ye̱su̱ go̱o̱le̱ ci kedemezung anna ngati keene to̱na̱i̱t cinne.


Iróng naga kodongnyya e̱le̱tti̱ kaale cik idimanit ol uggak, ki ci een agit cik kadimanna kaal ne̱ke̱. Abarik karikka zi̱nze̱tti̱ cigga̱c kar tu̱we̱ne̱t cunno̱ng kotore, kar li̱ngli̱ngo̱ni̱ cinna̱ng ki̱ddi̱ki̱r orgene cunno̱ng oroot.


Ogonnu niga kiwagon biyena wak eenyce ol ce̱e̱z ko̱. Imma to̱ni̱a̱ha̱ ki a̱ri̱tto̱k cik zoz ci Ta̱mu̱ta̱dde̱no̱, ogon nege kiwagon biyena wak akane ol teheenyinet ko̱. Ma̱i̱je̱ ngati Ki̱ri̱sto̱ Ye̱su̱, ogon enne kiwagon bee ci riili oroot i̱ti̱re̱ne̱ ce̱e̱z kodok kak.


Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.


U̱du̱kta̱k Arkipas abunna ming edecak li̱ngli̱ngo̱n bali aanyik Manyi nonno ku̱tu̱gu̱ ke̱.


Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.


Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.


Li̱ngli̱ngo̱zi̱k Ta̱mu̱ta̱dde̱n ju̱rru̱m, kar ize du̱ca̱i̱t cinne ci abunna, iróng anyak a̱li̱ya̱n, kar gga̱m zoz ci een de̱de̱ ju̱rru̱m.


Gotonogga ki ngonogga tu̱we̱nta̱, iróng wo̱ye̱ ol cik meelek ngatinno̱ng e̱e̱ggi̱n de̱me̱zzo̱k, eci niga a̱gga̱yyu̱, naga ol wak ke̱de̱me̱zi̱na̱ ko̱, etted atin Ta̱mu̱ta̱dde̱n lo̱ki̱ko̱ cinna̱ng oroot.


Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.


Abunna zin ming a̱gga̱yyu̱ niga zi̱nze̱tti̱nne̱ cuggo̱k, laliz zinin ci Manyi Ta̱mu̱ta̱dde̱n ci anyahakket ti̱ri̱ze̱ne̱t. Eteheraet gotoneti ci een Pa̱u̱lo̱ ba̱li̱ye̱ kaal ne̱ko̱ genyize ci aanyik Ta̱mu̱ta̱dde̱n nonno.


Okko a̱lu̱wa̱ ci orog ci a̱ddi̱ki̱re̱ eenyce lo̱o̱ta̱ biyene cik i̱ti̱re̱ne̱ e̱e̱ggi̱n omoto ki rama, e̱he̱rye̱ zin zara cik to̱ni̱a̱k cik Nyoono omoto ki rama.


E̱he̱dde̱ biyena cik abilne a̱lu̱wa̱ ci o̱rgu̱ ko̱ ki̱zi̱ze̱c. Een be ci i̱ti̱re̱ne̱ a̱lu̱wa̱ oowa ko̱ een zara jasper, okko be ci i̱ti̱re̱ne̱ a̱lu̱wa̱ ci een rama ko̱ een zara sapphire, okko ci een i̱i̱yo̱ ko̱ een zara chalcedony, imma ci een we̱c ko̱ een zara emerald,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ