1 Ko̱ri̱nto̱ 2:15 - Tennet

¹⁵ Imma e̱e̱ti̱ ci anyak Vongiz ci Ta̱mu̱ta̱dde̱no̱ zinine cinne, a̱gga̱ gool ci kaal ne̱ke̱ do̱o̱k, etteddek enne ol do̱o̱k lo̱ki̱ko̱, i̱llo̱i̱ e̱e̱t imma ci kar kapahek nonno gerziten kaale ne̱ko̱ do̱o̱k. A̱jji̱nne̱ zoz ci Ta̱mu̱ta̱dde̱no̱:

1 Ko̱ri̱nto̱ 2:15 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Buk wa To̱ni̱a̱u̱ 16:3

Orong zin Pa̱u̱lo̱ Ti̱mo̱te̱yo̱ korkorrit ki nogo kar zin ketted nonno vi̱ca̱vi̱ca̱ zo̱ze̱ wa a̱du̱wa̱ keer ci Ya̱u̱do̱, eci ol do̱o̱k a̱gga̱ een baatinne e̱e̱t ci een Gi̱ri̱k.

1 Ko̱ri̱nto̱ 14:37

Ming i̱no̱n e̱e̱ti̱ imma azi ne ke̱e̱ni̱ a̱ri̱to̱i̱t, icima kanyai arizet ci vongizo, abunna enne ming a̱gga̱ zoz ci keherakkung anna i̱ge̱t ko̱ een zoz ci Manyi Ye̱su̱ Ki̱ri̱sto̱.

1 Ko̱ri̱nto̱ 3:1

Gotonogga ki ngonogga tu̱we̱nta̱, i̱i̱te̱ne̱ bali kaavtte ki i̱ge̱t ke̱, iróng bali anna kozozikkung i̱ge̱t go̱o̱le̱ wa gon kozozike ol wak anyak Vongiz ci Ta̱mu̱ta̱dde̱no̱ zi̱nze̱tti̱nne̱ cigge̱k de̱de̱, eci niga ogonnu ki i̱yo̱ko̱ dooli cikidik baize cunno̱ng ngati Ki̱ri̱sto̱.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Kolosiya 1:9

Imma zin zo̱ze̱ necu, baling kizikta zoz cunno̱ng, ngen naga kibilizta lawinet Ta̱mu̱ta̱dde̱n zo̱ze̱ cunno̱ng kar ka̱a̱nyu̱ng genyiz ci Vongizo ki gga̱wa̱ne̱t zoz.

1 Te̱se̱lo̱ni̱ka̱ 5:21

Abarik erenyyit no̱ngi̱tto̱n ne̱ke̱ ju̱rru̱m kar atahaltta wak abunna a̱vvu̱ Ta̱mu̱ta̱dde̱na̱.

I̱bu̱ru̱ 5:14

Imma ol cik i̱ddi̱ki̱rre̱t adak á̱há̱t ci okkomi, eci e̱le̱tti̱ cigge̱k a̱gga̱yye̱k da̱i̱ne̱t ne̱ke̱. A̱gga̱ nege zoz ci abunna ki ci gerze.

1 Jon 2:20

Ma̱i̱je̱ niga a̱ma̱yu̱ng E̱e̱ti̱ wa A̱li̱le̱ O̱de̱ Ṯok, a̱gga̱yyu̱ zin niga do̱o̱k zoz ci een de̱de̱.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.