1 Ko̱ri̱nto̱ 2:1 - Tennet

¹ Gotonogga ki ngonogga tu̱we̱nta̱, baling ka̱kku̱na̱ku̱ng anna i̱ge̱t ke̱, iróng anna ka̱du̱wa̱ zo̱zzo̱k cik okkomi icima genyiz ci ommog veelek ngati kuwahekkung zoz ci Ta̱mu̱ta̱dde̱no̱.

1 Ko̱ri̱nto̱ 2:1 ပူးပေါင်းရင်းမြစ်များ

Lu̱ge̱z 4:10

Iizek Musesi Manyi ne, “Eeh Manyi, iróng anna kaganik zoz baize cinanni ba̱li̱ye̱ rok i̱yo̱ko̱ baling i̱ye̱le̱ya̱ i̱nna̱ annit du̱ca̱i̱t cunne ele nu̱nu̱n. Adala gon annit zoz iróng ka̱gga̱ zoz ci kozozi.”

Buk wa To̱ni̱a̱u̱ 20:21

Ku̱du̱wa̱ha̱ olli Ya̱u̱do̱ ki Gi̱ri̱k kar kuturtak mu̱nye̱n cigge̱k Ta̱mu̱ta̱dde̱n kar bo̱do̱k ku̱tu̱we̱t Manyitinna Ye̱su̱.

Buk wa To̱ni̱a̱u̱ 22:18

kar kicina Manyi Ye̱su̱ ozozi. A̱nne̱ka̱ ne, ‘Tinga ataman tungek Jerusalem lo̱o̱c, eci atin nege iróng aziye zoz ci oobek i̱nna̱ nogo zoz ci obod ki annita.’

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

1 Ko̱ri̱nto̱ 1:17

Eci iróng bali Ki̱ri̱sto̱ i̱tto̱na̱na̱ kar ka̱gga̱me̱k ol ba̱ti̱ti̱mo̱, abarik i̱tto̱na̱na̱ kar kuwahek ol kaviyak cik abunna, iróng een zo̱zzo̱k cik e̱e̱t ci diiri genyizak, kar kaanyik ta̱la̱ke̱c ci Ki̱ri̱sto̱ kutunga komiz cinne.

1 Ko̱ri̱nto̱ 1:6

eci zoz cinna̱ng wa obod ki Ki̱ri̱sto̱ uzucaung i̱ge̱ta̱.

1 Ko̱ri̱nto̱ 2:13

Okko zoz ci kozoz naga ko̱ do̱o̱k, iróng een de̱mzi̱ne̱t ci anyaha genyizi ci e̱e̱t ci diiri, abarik edemezet Vongizi ci Ta̱mu̱ta̱dde̱no̱, edemezet zoz ci Vongizo wa een de̱de̱.

1 Ko̱ri̱nto̱ 2:4

Okko zoz bali Ta̱mu̱ta̱dde̱no̱ kuwahekkung anna i̱ge̱t ke̱, iróng anyak genyiz ki zoz ci kommogekung zoz neci, abarik ka̱du̱wa̱kku̱ng go̱o̱le̱ ci doiz ci Vongiz ci A̱li̱le̱,

1 Ko̱ri̱nto̱ 2:7

I̱llo̱i̱, imma genyizi ci kozoz ko̱, een genyiz ci Ta̱mu̱ta̱dde̱no̱ bali arrak a̱lu̱gnye̱ ke̱, orong Ta̱mu̱ta̱dde̱n kaanyik ol cik diirik kize ci a̱di̱ngdi̱nga̱n Ta̱mu̱ta̱dde̱n nogo baling ngen enne kakate teheenyinet lo̱o̱c.

2 Ko̱ri̱nto̱ 10:10

Ovvo uggak ngatinno̱ng azi ne, “Egernyeket Pa̱u̱lo̱ waraga cinne ko̱ ozoz zoz ci okkomi. Abarik ming okko enne arume ki agit ngatu, acin ol een tarbal, iróng a̱gga̱ zoz.”

2 Ko̱ri̱nto̱ 11:6

Ka̱gga̱ iróng anna ke̱e̱ni̱ e̱e̱t ci ka̱gga̱ uwai, ka̱gga̱ zoz ci Ta̱mu̱ta̱dde̱no̱. Ki̱ye̱le̱u̱ng anna i̱ge̱t ba̱li̱ye̱ zoz necu go̱o̱lo̱we̱ do̱o̱k.

2 Te̱se̱lo̱ni̱ka̱ 1:10

Akane atin de̱zi̱ne̱t necu ming okko Ye̱su̱ oboda kataltal ele ngati ol wak a̱li̱le̱ a̱tu̱ zoz cinne kar ko̱to̱ngo̱o̱ltte̱ nonno. Kar ol balik a̱tu̱ nonno katalit. Iddonginu atin niga bu̱k ki ol ne̱ke̱, eci a̱tu̱yyu̱ zoz bali kuwahekkung obod ki Ye̱su̱ ke̱.

1 Ti̱mo̱te̱yo̱ 1:11

orkor ki kaviyak cik abunna Ta̱mu̱ta̱dde̱no̱ manyi ma̱yu̱we̱ne̱t balik i̱lo̱ti̱ka̱ enne annit ke̱.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

1 Jon 4:14

Kicinnet zin naga e̱le̱tti̱ne̱ kar bo̱do̱k ku̱du̱kta̱k ol zoz ci i̱tto̱na̱ne̱ Ta̱mu̱ta̱dde̱n Ngerinne kar ki̱ki̱ya̱ kize Ti̱ri̱zo̱i̱t ci olli lo̱o̱tu̱.

O̱no̱zzo̱k 1:2

u̱du̱wa̱ Joni kaal cik icin enne do̱o̱k, zoz ci Ta̱mu̱ta̱dde̱no̱ ki zoz ci obod ki Ye̱su̱ Ki̱ri̱sto̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”