1 Ko̱ri̱nto̱ 16:19 - Tennet

¹⁹ Izayung zin ol wak a̱tu̱we̱ do̱o̱k lo̱o̱ce̱ ci een Asia. I̱tto̱na̱ zin bo̱do̱k Akuila ki ngaa cinne Priscilla ki ol wak a̱tu̱we̱ alute ce̱e̱ze̱ cinne̱ng ming ovvo nege ala Ta̱mu̱ta̱dde̱n ko̱ zawinet, izayung zin zare cik Manyi Ye̱su̱.

1 Ko̱ri̱nto̱ 16:19 ပူးပေါင်းရင်းမြစ်များ

Buk wa To̱ni̱a̱u̱ 16:6

Eronit Pa̱u̱lo̱ ki Silas ki Ti̱mo̱te̱yo̱, iyok nege lo̱o̱ce̱ ci Phrygia ki Ga̱la̱ti̱a̱, eci Vongizi ci A̱li̱le̱ a̱nne̱k nogo ne, ma anyik nogo kuwaktek zoz ci Ye̱su̱ lo̱o̱c ci Asia.

Buk wa To̱ni̱a̱u̱ 18:18

A̱vvu̱ Pa̱u̱lo̱ i̱i̱nya̱ u̱gge̱ o̱rge̱ ci Ko̱ri̱nto̱. Kar zin kutungek ol wak a̱tu̱we̱ lo̱o̱c kar ko̱tto̱di̱t i̱bo̱ koot lo̱o̱ce̱ ci Syria, orkor ki Priscilla ki Akuila. Ma̱i̱je̱ bali ngen enne kuk, uk enne odota oo o̱rge̱ ci een Cenchrea, eci edeccai olomi, akaka ba̱li̱ye̱ oo cinne.

Buk wa To̱ni̱a̱u̱ 18:2

Imma nginati u̱ru̱mto̱ enne ki Akuila e̱e̱t ci Ya̱u̱do̱, a̱rri̱ta̱i̱ lo̱o̱ce̱ ci azi zar ne Pontus, a̱kku̱ enne jor ki ngaa cinne Priscilla lo̱o̱ce̱ ci azi zar ne Italiya, eci bali Claudiusi alaani ci a̱ddi̱ki̱re̱ Romi ottok olli Ya̱u̱do̱ do̱o̱k kutungttek Roma lo̱o̱c. Okko bali Pa̱u̱lo̱ acin Akuila ki Priscilla,

Buk wa To̱ni̱a̱u̱ 18:26

Ozoz gon enne kokkom oo Ce̱e̱ze̱ wa Lawinto. Baling iziyyet Priscilla ki Akuila zoz cinne, u̱tu̱yya̱ nonno ce̱e̱z cinne̱ng kar koobtek nonno gool ci Ta̱mu̱ta̱dde̱no̱ ju̱rru̱m.

Buk wa To̱ni̱a̱u̱ 19:10

Uwahek enne ol zoz ci Ta̱mu̱ta̱dde̱no̱ e̱rki̱nya̱ rama nginati, kar abunna Ya̱u̱di̱ ki Gi̱ri̱k wak abak o̱ro̱gjo̱we̱ cik Asia aziye zoz ci Manyi Ye̱su̱.

Buk wa To̱ni̱a̱u̱ 2:9

Ke̱e̱ggi̱n naga ol cik a̱vvu̱ lo̱o̱co̱we̱ ciko, Parthians, Medes, Elamites, Mesopotamia, Ju̱de̱ya̱, Cappadocia, Pontus, Asia,

Roma 16:15

Izzac Philologus, Julia, Nereus ki ngooni, ki Olyampas ki ol do̱o̱k wak a̱tu̱we̱ arume ki nogo ko̱.

Kolosiya 4:15

Izayeang annit bu̱k gotonogget tu̱we̱nta̱ wak abak o̱rge̱ ci een Laodicea, ki ngoonet tu̱we̱nta̱ ci een zara Nympha ki olli ke̱le̱ci̱o̱ a̱tu̱we̱ alaye gon ce̱e̱ze̱ cinne ko̱.

2 Ti̱mo̱te̱yo̱ 4:19

Kiza ngaa ci Priscilla ki mac wainne een Akuila ki ol wak tatug ci Onesiphorusi do̱o̱k.

Vilomene 1:2

Keherika bo̱do̱k ngoonet tu̱we̱nta̱ een zara Apphia, ki gotonet Arkipas wagon a̱li̱ngli̱ng zoz ci Ta̱mu̱ta̱dde̱no̱ bu̱k ko̱, ki ol wak a̱tu̱we̱ ke̱le̱ci̱a̱k gon alute ce̱e̱ze̱ cunne ala Ta̱mu̱ta̱dde̱n ko̱.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”