1 Ko̱ri̱nto̱ 16:16 - Tennet

¹⁶ abunna ming o̱ngo̱o̱li̱nnu̱ lo̱ddi̱ki̱re̱ cik ogon ki nege, kar uggak ku̱tu̱gu̱zzo̱ ki i̱yo̱ko̱ ming ogonnu niga ko̱.

1 Ko̱ri̱nto̱ 16:16 ပူးပေါင်းရင်းမြစ်များ

Roma 16:12

Izayeang Tryphena ki Tryphosa, ngaai wak gon a̱li̱ngli̱ng oroot zo̱ze̱ ci Ta̱mu̱ta̱dde̱no̱ ko̱. Izayeang goona ci zinino, Persis, ngaa bali a̱li̱ngli̱ng oroot zo̱ze̱ ci Manyi.

Roma 16:3

Izayeang Priscilla ki mac cinne Akuila balik ka̱li̱ngli̱ngnya̱ ki nogo nga̱to̱de̱ zo̱ze̱ ci Ye̱su̱ Ki̱ri̱sto̱ bu̱k ke̱.

Roma 16:6

Izayeang Ma̱ri̱ya̱ wa bali a̱li̱ngli̱nge̱kku̱ng oroot ko̱.

Roma 16:9

Izayeang Urbanos wa ka̱li̱ngli̱ngnya̱ ki nonno nga̱to̱de̱ zoz ci Manyi Ki̱ri̱sto̱. Izayeang bo̱do̱k goona ci zinino Stachys.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

1 Ko̱ri̱nto̱ 3:9

Ke̱e̱ggi̱nna̱ naga ol cik ka̱li̱ngli̱nge̱ka̱ Ta̱mu̱ta̱dde̱n; ovvo niga e̱e̱ggi̱nnu̱ ma̱na̱ ci Ta̱mu̱ta̱dde̱no̱ ki ce̱e̱z cinne.

Evesos 5:21

Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

1 Te̱se̱lo̱ni̱ka̱ 2:9

Gotonogga wak tu̱we̱nta̱, a̱a̱da̱nnu̱ ri̱t niga bu̱k li̱ngli̱ngo̱n bali gon a̱ppwe̱ kapirnanna wazin ki ba̱a̱li̱n do̱o̱k kar iróng ka̱ggi̱ddu̱ng kaale cik een da̱i̱ne̱t ngati kamitanekkung kaviyak cik abunna Ta̱mu̱ta̱dde̱no̱.

1 Te̱se̱lo̱ni̱ka̱ 5:12

Kilalekkung gotonogga, o̱to̱ngo̱o̱ltte̱ ol cik a̱li̱ngli̱ngngo̱ni̱kku̱ng oroot, ki ming abal ol cik a̱ddi̱ki̱re̱ ol cik a̱tu̱ Manyi, kar kedemezung abunna ming ogonnu kaal cik abunna.

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

I̱bu̱ru̱ 13:24

Izzac ddi̱ki̱ryyo̱k cuggo̱k ki ol cik Ta̱mu̱ta̱dde̱no̱ do̱o̱k. I̱tto̱na̱kku̱ng ol wak a̱tu̱we̱ lo̱o̱ce̱ ci een zara Italiya zawinet cinne̱ng.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

3 Jon 1:8

Imma zin naga ol wak ka̱tu̱ Ki̱ri̱sto̱ ko̱, korong ming kawak ce̱e̱zi̱ cigga̱c ol cik ogon ki nege, kar naga bu̱k kidongte ki nogo kizet ol cik ka̱li̱ngli̱ng zoz ci een de̱de̱.

O̱no̱zzo̱k 2:3

Inimttu niga no̱ngi̱tto̱n zo̱ze̱ ci zar cigannik, iróng zin niga apirnannu zo̱ze̱ necu.