1 Ko̱ri̱nto̱ 16:13 - Tennet

¹³ A̱vvu̱t ju̱rru̱m be̱i̱nta̱. Ibilet okkomit kak tu̱we̱nte̱ cunno̱ng. Abunna ming e̱e̱ggi̱nnu̱ ol wak animnyu zoz, kar okkomit kak.

1 Ko̱ri̱nto̱ 16:13 ပူးပေါင်းရင်းမြစ်များ

Ma̱te̱yo̱ 25:13

“I̱yo̱ko̱ zin, e̱re̱yyo̱ ju̱rru̱m, eci niga iróng a̱gga̱yyu̱ i̱i̱te̱n icima i̱i̱ ci okko Ngerrti E̱e̱to̱ obodak lo̱o̱c.”

Ma̱te̱yo̱ 26:41

“Cinno kar la Ta̱mu̱ta̱dde̱n gerza ming i̱i̱na̱k timaninet. Elemi vongizi cunne, imma ele iróng uule.”

Lu̱ka̱ 21:36

Abunna ming azunnu niga e̱le̱tti̱ ju̱rru̱m, kar alac Ta̱mu̱ta̱dde̱n kar ka̱a̱nyu̱ng gool ci alittu kaal cik atin a̱vvu̱na̱k lo̱o̱c ko̱, kar atin ibilet ngu̱me̱ ci Ngerrti E̱e̱to̱.”

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

2 Ko̱ri̱nto̱ 1:24

Iróng naga ke̱e̱ggi̱nna̱ ol cik kodongnyya e̱le̱tti̱ kar ki̱ye̱ltte̱u̱ng zoz ci a̱tu̱yyu̱ Ta̱mu̱ta̱dde̱n. Ka̱li̱ngli̱ng naga do̱o̱k nga̱to̱de̱ abunna ming atalninnu, eci anyakku tu̱we̱ne̱t ci okkomi.

Ga̱la̱ti̱a̱ 5:1

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Evesos 6:10

I̱yo̱ko̱ zin okkomit kak rumente ci arumenu niga ki Manyi doize wa a̱a̱nyu̱ng enne i̱ge̱ta̱.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

Kolosiya 4:2

Aanycik e̱le̱tti̱ cuggo̱k ke̱me̱dda̱ lawinte ci Ta̱mu̱ta̱dde̱no̱, ming ovvo alawinu, u̱zu̱tte̱ e̱le̱tti̱ ju̱rru̱m kar aanycik nonno zany.

1 Te̱se̱lo̱ni̱ka̱ 3:8

Ming odoknannu niga ngati a̱tu̱yyu̱ Manyi Ye̱su̱ niko, emede zin agit do̱o̱k baizi.

1 Te̱se̱lo̱ni̱ka̱ 5:6

Ku̱zu̱tte̱ e̱le̱tti̱, gerza ming keceba o̱o̱tti̱ ki ol cik iróng a̱tu̱we̱, iróng ka̱gga̱ ming okko atin Ye̱su̱ obodak lo̱o̱c.

2 Te̱se̱lo̱ni̱ka̱ 2:15

I̱yo̱ko̱ zin, gotonogga, u̱zu̱tte̱ de̱mzi̱ne̱t bali kedemzekung ke̱, icima go̱o̱le̱ bali kaavtte bu̱k ke̱ icima warage bali ki̱tto̱na̱kku̱ng ke̱.

1 Ti̱mo̱te̱yo̱ 6:12

Zuute zoz ci a̱tu̱we̱ Ye̱su̱. Abunna ming a̱gga̱mi̱ zoz ci baiz wa aave udut bali aanyi Ta̱mu̱ta̱dde̱n. I̱ye̱la̱ i̱nna̱ tu̱we̱ne̱t zoz ci Ta̱mu̱ta̱dde̱no̱ kicinnet icima kiziyet ol cik meelek ke̱.

2 Ti̱mo̱te̱yo̱ 2:1

I̱nna̱, Ti̱mo̱te̱yo̱ wa e̱e̱ni̱ ngeranni tu̱we̱nta̱, nyak komiz eezete ci aave ngati Ye̱su̱ Ki̱ri̱sto̱,

2 Ti̱mo̱te̱yo̱ 4:5

Imma zin i̱nna̱ zuute ele cunne odohize. Niim piryanzet, li̱ngli̱ng li̱ngli̱ngo̱n ci uwahek ol zoz ci Ta̱mu̱ta̱dde̱no̱.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”