1 Ko̱ri̱nto̱ 16:1 - Tennet

¹ I̱yo̱ko̱ zin zo̱ze̱ ci alutane ol o̱ro̱bi̱ya̱ cik eelanne ol wak a̱tu̱we̱ gonoggi Jerusalema, abunna ming ogonnu zoz necu go̱o̱le̱ bali ka̱du̱wa̱ke̱ ol wak a̱tu̱we̱ ke̱le̱ci̱a̱nya̱i̱ cik Ga̱la̱ti̱a̱ ke̱.

1 Ko̱ri̱nto̱ 16:1 ပူးပေါင်းရင်းမြစ်များ

Buk wa To̱ni̱a̱u̱ 11:28

Imma co̱de̱ ngatinne̱ng ci een zara Agabas, itinga je̱e̱na̱ Vongize ci Ta̱mu̱ta̱dde̱no̱ kar ku̱du̱wa̱ zoz ci azi ne, edeca atin magiz lo̱o̱cco̱k cik Romi ko̱ do̱o̱k. Akane zoz necu e̱rki̱te̱ bali abale Claudiusi alaani ci a̱ddi̱ki̱re̱ lo̱o̱c.

Buk wa To̱ni̱a̱u̱ 11:30

U̱lu̱tta̱ zin nege kaal cigge̱k kar ki̱jji̱nne̱t Barnabas ki Saul abunna ovvo anyike ol cik a̱ddi̱ki̱re̱ muci cigge̱k ko̱.

Buk wa To̱ni̱a̱u̱ 16:6

Eronit Pa̱u̱lo̱ ki Silas ki Ti̱mo̱te̱yo̱, iyok nege lo̱o̱ce̱ ci Phrygia ki Ga̱la̱ti̱a̱, eci Vongizi ci A̱li̱le̱ a̱nne̱k nogo ne, ma anyik nogo kuwaktek zoz ci Ye̱su̱ lo̱o̱c ci Asia.

Buk wa To̱ni̱a̱u̱ 18:23

Baling a̱vvu̱ Pa̱u̱lo̱ i̱i̱nya̱ u̱gge̱ Antiyokte, itinga bo̱do̱k uk oto lo̱o̱co̱we̱ ciko Ga̱la̱ti̱a̱ ki Phrygia, a̱du̱wa̱k nuyak do̱o̱k kar kokkomit zo̱ze̱ ci Ye̱su̱.

Buk wa To̱ni̱a̱u̱ 24:17

“Baling ka̱vvu̱ e̱rki̱nya̱ cik meelek oroot reena, ka̱ku̱nni̱ zin anna Jerusalem, kar ki̱ki̱ya̱ kanyahak ol cigannik amati muci kar kapahek wawac Ta̱mu̱ta̱dde̱n.

Buk wa To̱ni̱a̱u̱ 9:13

O̱bo̱de̱k zin Ananiyasi nonno, “Manyi, kiziya anna zoz ci obod ki e̱e̱t cu ki kaal cik gerzek u̱tu̱gu̱we̱k enne nuyak cigunnek Jerusalema.

Buk wa To̱ni̱a̱u̱ 9:41

Eela Peturu nonno kitinga je̱e̱na̱. Utu zin enne ol wak a̱tu̱we̱, ki ngaai cik boyek kar zin ki̱ye̱le̱k nogo Dorkas ming aruge.

Roma 12:13

Ming anyakku kaal, eelta ol cik Ta̱mu̱ta̱dde̱no̱ amati, anyik e̱re̱nno̱k ki̱vi̱ta̱ ce̱e̱zi̱ cuggo̱k.

1 Ko̱ri̱nto̱ 11:34

Ming anyak e̱e̱t ci adak magiz, anyik nonno kadaho ce̱e̱za̱, kar abunna iróng anganyu e̱le̱tti̱ cuggo̱k ngati ovvo alutenu. Kar ming ki̱ki̱ya̱ anna kokko atin ka̱du̱wa̱kku̱ng kaal u̱gge̱.

1 Ko̱ri̱nto̱ 16:15

Abunna ming a̱gga̱yyu̱ Stephanas ki dooli ciginnek arrak cik elemi zoz ci Ta̱mu̱ta̱dde̱no̱ o̱rge̱ ci een Achaia, kar zin kaarttek zi̱nze̱tti̱ li̱ngli̱ngo̱n ci eelanne nege olli Ta̱mu̱ta̱dde̱no̱. Kilalekkung gotonogga ki ngonogga tu̱we̱nta̱,

1 Ko̱ri̱nto̱ 4:17

Imma zin zo̱ze̱ necu ki̱tto̱na̱kku̱ng anna i̱ge̱t Ti̱mo̱te̱yo̱ wa een ngeranni tu̱we̱nta̱, kirezi anna nonno eci alali zinin zo̱ze̱ ci Manyi. A̱du̱wa̱kku̱ng atin enne i̱ge̱t baiz cinanni ngati Ki̱ri̱sto̱ Ye̱su̱, a̱du̱wo̱ baizi cinanni ki de̱mzi̱ne̱t ci kedemeze anna ol ke̱le̱ci̱a̱nya̱i̱ lo̱o̱co̱we̱ do̱o̱k.

Ga̱la̱ti̱a̱ 1:2

Ki̱tto̱na̱nna̱ naga do̱o̱k gotonogget ki ngonogget wak a̱tu̱we̱ waraga cu ke̱le̱ci̱a̱nya̱ cik lo̱o̱c ci een Ga̱la̱ti̱a̱.

Ga̱la̱ti̱a̱ 2:10

A̱jji̱nne̱t abunna keelanna ol wak amati, zoz zin ci aalna zinine cinanni kar ku̱tu̱gu̱ ko̱ necu.

Vilomene 1:5

eci anna kiziya tu̱we̱ne̱t ci a̱tu̱we̱ i̱nna̱ Manyi Ye̱su̱ ki rezinet ci ireze i̱nna̱ ol cik Ta̱mu̱ta̱dde̱no̱ do̱o̱k.

Vilomene 1:7

Gotona tu̱we̱nta̱, aanya rezinet cunne talninet oroot ki zoz ci abunna, eci i̱nna̱ anyike zi̱nze̱tti̱ cik ol wak a̱tu̱we̱ katalto.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

1 Jon 3:17

Ming anyak e̱e̱ti̱ kaal cik meelek, kar kicin gooni imma ci amati, kar iróng enne eela nonno, aave wo̱ye̱ rezinet ci Ta̱mu̱ta̱dde̱no̱ ngatinne ku̱?