1 Ko̱ri̱nto̱ 15:51 - Tennet

^51-52 Ijaktte da̱, ja ku̱du̱wa̱u̱ng zoz ci a̱lu̱gnye̱: Iróng atin naga ka̱da̱i̱ veelek, abarik uhu atin Ta̱mu̱ta̱dde̱n e̱le̱tti̱ cigga̱c, ku̱tu̱gu̱zzo̱ kiwagon ming acine e̱be̱re̱ci̱ wa uturi ko̱. Ming okko ture abuwe ovvo ol wak a̱da̱i̱to̱ ingazi daiza kuruget. Ukce zin agit e̱le̱tti̱ do̱o̱k, kar iróng naga ngen ka̱da̱i̱ bo̱do̱k.

1 Ko̱ri̱nto̱ 15:51 ပူးပေါင်းရင်းမြစ်များ

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 15:18

Kar ol wak a̱da̱i̱to̱ zo̱ze̱ ci Ki̱ri̱sto̱, e̱de̱nyce̱ nege do̱o̱k.

1 Ko̱ri̱nto̱ 15:20

Abarik itingawe Ta̱mu̱ta̱dde̱n Ki̱ri̱sto̱ de̱de̱ daiza. I̱ye̱le̱kke̱t ingazi atin ol balik a̱da̱i̱to̱ ke̱ daiza bu̱k kuruget.

1 Ko̱ri̱nto̱ 15:6

Imma bali vu̱rrta̱, i̱ye̱le̱k ele cinne lak co̱de̱, ol cik meelek e̱e̱ggi̱n obet tu̱r (500) ol wak annu zoz cinne. Ngen ol ne̱ke̱ cik meelek aruge, imma ol uggak a̱da̱i̱to̱.

1 Ko̱ri̱nto̱ 2:7

I̱llo̱i̱, imma genyizi ci kozoz ko̱, een genyiz ci Ta̱mu̱ta̱dde̱no̱ bali arrak a̱lu̱gnye̱ ke̱, orong Ta̱mu̱ta̱dde̱n kaanyik ol cik diirik kize ci a̱di̱ngdi̱nga̱n Ta̱mu̱ta̱dde̱n nogo baling ngen enne kakate teheenyinet lo̱o̱c.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

2 Ko̱ri̱nto̱ 5:2

Ming ngen kabak lo̱o̱ta̱ ngatu, kapirna, kabalac odohize eci korong kovvoya ta̱mu̱-kenga, ngati kovvo kabak ki Ta̱mu̱ta̱dde̱n ta̱mu̱-kenga.

2 Ko̱ri̱nto̱ 5:4

Een zin de̱de̱ ming ngen naga karuge, kanyak e̱le̱tti̱ cik ogon ki ti̱te̱tta̱ ko̱, kabalac odohize eci korong kutungttek e̱le̱tti̱ ne̱ko̱ lo̱o̱c. Iróng korongnyya ka̱vvu̱tta̱ ki ci a̱zze̱ e̱le̱tti̱ to, abarik kabalac eci korong nginti kabahe ki Ta̱mu̱ta̱dde̱n ta̱mu̱-kenga. Korongnyya zoz necu ku̱tu̱gu̱we̱ ataman abunna e̱le̱tti̱ cik ovvo atin a̱da̱i̱ ko̱ kutuhuye kizeto e̱le̱tti̱ cik abak udut.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Evesos 3:3

I̱ye̱le̱ya̱ Ta̱mu̱ta̱dde̱n annit zoz bali ninne a̱lu̱gnye̱ ke̱, ki bali ming kehera anna arrak do̱yo̱i̱t.

Evesos 5:32

Een necu zoz ci okkomi ngati ka̱gga̱we̱, ozoz zoz ci Ki̱ri̱sto̱ ki ol wak a̱tu̱we̱.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.