1 Ko̱ri̱nto̱ 15:42 - Tennet

⁴² Ogon zin atin niko ming ovvo e̱le̱tti̱ cigga̱c ingazi daiza kuruget. A̱da̱i̱ atin e̱le̱tti̱, imma e̱le̱tti̱ cik okko Ta̱mu̱ta̱dde̱n ingane ol daiza ko̱ aruge udut.

1 Ko̱ri̱nto̱ 15:42 ပူးပေါင်းရင်းမြစ်များ

Kananet 3:19

Kar muluwe ci a̱li̱ngli̱nge̱ i̱nna̱ adai atin i̱nna̱ da̱i̱ne̱t cigunnek, zee rok nginti a̱mi̱ro̱ni̱k i̱nna̱ todowa, eci anna Ta̱mu̱ta̱dde̱n keenycanni ba̱li̱ye̱ todowaca; eci i̱nna̱ e̱e̱ni̱ todowac kar i̱nna̱ mi̱ro̱zi̱k todowa.”

Ma̱te̱yo̱ 13:43

Ma̱i̱je̱ zin ol wak ogon kaal wak abunna, ataltali e̱le̱tti̱ kiwagon koor ba̱a̱li̱nte̱ ci Be̱e̱ti̱nne̱ng. Ming anyak e̱e̱ti̱ iin, anyik kiziyo ju̱rru̱m.

Buk wa To̱ni̱a̱u̱ 2:27

Eci iróng atin i̱nna̱ ungneka annit ilomi, iróng i̱nna̱ anyik ele ci Ngerunne wa A̱li̱le̱ O̱de̱ Ṯok ku̱mu̱ lo̱o̱wa̱.

Buk wa To̱ni̱a̱u̱ 2:31

Baling a̱gga̱ Da̱vi̱de̱ gi̱i̱ ci atin kar ku̱tu̱gu̱ Ta̱mu̱ta̱dde̱n niko, kar zin kozoz zoz ci obod ki ngazi ci Ki̱ri̱sto̱, kar kize ne, iróng Ta̱mu̱ta̱dde̱n ungnek nonno ka̱da̱k, kar zin bo̱do̱k ele wainne ku̱mu̱ lo̱o̱wa̱.

Roma 1:23

Utunget nege iróng ngen ala Ta̱mu̱ta̱dde̱n de̱de̱ wa aruge udut, abarik i̱di̱ngdi̱nga̱nni̱t to̱do̱yyo̱k wak oova ol keene iróng aruge, ki i̱yo̱ko̱, iballi, elegje, ki elegje wak a̱vu̱vu̱t lo̱o̱ta̱, aanyik e̱e̱ti̱ ci diiri kaal ne̱ko̱ kizeto ta̱mu̱ta̱dde̱ne̱t cigge̱k.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 8:21

ovvo atin kaala ne̱k idimana Manyi ko̱ angaryai baize ci e̱e̱ggi̱nne̱ nege du̱cca̱k, kar kozolit nege di̱ngdi̱ngo̱n ci abahe dooli cik Ta̱mu̱ta̱dde̱no̱ labak.

1 Ko̱ri̱nto̱ 15:41

Anyak koor zi̱zi̱wo̱n cinne do̱, okko nyelowi anyak zi̱zi̱wo̱n cinne do̱, ovvo bo̱do̱k munyunya anyak zi̱zi̱wo̱n cigge̱k cik aavtte do̱ do̱.

Ga̱la̱ti̱a̱ 6:8

Imma e̱e̱ti̱ ci ogon kaal cik gerzek irez zinin cinne, amuda atin enne zoz ci gerze. Ma̱i̱je̱ e̱e̱ti̱ ci ogon kaal Vongize ci Ta̱mu̱ta̱dde̱no̱, amuda atin baiz wa aave udut.

1 Peturu 1:4

Aanyyet kaal cik karagiz naga abak aavtte udut, aavtte ta̱mu̱-kenga kize cuggo̱k,