1 Ko̱ri̱nto̱ 15:19 - Tennet

¹⁹ Ming een zo̱ze̱ ci baiz cu do̱ ci karike naga zi̱nze̱tti̱ Ki̱ri̱sto̱, kapirna wo̱ye̱ naga kommogit ol wak lo̱o̱tu̱ do̱o̱k.

1 Ko̱ri̱nto̱ 15:19 ပူးပေါင်းရင်းမြစ်များ

Ma̱te̱yo̱ 24:9

“Kar zin atin ol kecebtung i̱ge̱t, a̱gi̱ddu̱ng kar ku̱ru̱ktu̱ng a̱da̱i̱to̱. Amarinnung atin ol lo̱o̱co̱we̱ do̱o̱k zo̱ze̱ cinanni.

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

Lu̱ka̱ 8:14

Imma i̱nyo̱mo̱na̱ ne̱k i̱i̱na̱k biila ko̱, atubo ki ol wak aziye zoz ci Ta̱mu̱ta̱dde̱no̱ kar ming ovvo nege ovvo gool cinne̱ng, adal nogo no̱ngi̱tto̱na̱ cik baizo, i̱tto̱kze̱t ki zoz ci adahe ol botorzet, iróng nege ngen anyaha o̱ya̱u̱ cik abunna.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 2:4

Iróng e̱e̱ti̱ ci ogon ki aciiroci a̱li̱ngli̱nge̱k Ye̱su̱ ko̱ i̱i̱zo̱ li̱ngli̱ngo̱n ci aave do̱. Ogon enne li̱ngli̱ngo̱n neci ju̱rru̱m abunna ming atali Manyi.

2 Ti̱mo̱te̱yo̱ 3:12

De̱de̱, ming aanyik e̱e̱ti̱ zinin Ta̱mu̱ta̱dde̱n ngati Ye̱su̱ Ki̱ri̱sto̱, abarik a̱gi̱d atin ol nonno.

1 Peturu 1:21

A̱tu̱yyu̱ zin niga Ta̱mu̱ta̱dde̱n zo̱ze̱ cinne, Ta̱mu̱ta̱dde̱n ci ba̱li̱ye̱ ingane nonno daiza kar ki̱di̱ngdi̱nga̱n nonno, aave zin tu̱we̱ne̱t cunno̱ng ki zoz ci arikku niga zi̱nze̱tti̱ Ta̱mu̱ta̱dde̱n.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”