1 Ko̱ri̱nto̱ 15:13 - Tennet

¹³ Ming iróng ol ingazi daiza, ngen zin da̱ Ki̱ri̱sto̱ kitinga daiza.

1 Ko̱ri̱nto̱ 15:13 ပူးပေါင်းရင်းမြစ်များ

Buk wa To̱ni̱a̱u̱ 23:8

Azi Saddocis ne, a̱zze̱ ngazi to, kar bo̱do̱k kizeto ne, a̱zze̱ rok anjilonya icima vongizzok, ma̱i̱je̱ Varacisi azi ne, aavtte kaala ne̱ko̱ do̱o̱k to.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

Roma 8:23

Abarik iróng pirnanet neci aave kaale cik eenycai do̱, aave pirnanet bu̱k ngatinna, ol balik aanyyet Ta̱mu̱ta̱dde̱n Vongiz arrak oowa ke̱; kabalac zin naga zi̱nze̱tti̱nne̱, ngati kerewe e̱le̱tti̱ cik een jor ko̱, kar Manyi ki̱ye̱le̱t ke̱e̱ggi̱n naga dooli ciginnek.

1 Ko̱ri̱nto̱ 15:12

Ming kuwahek naga ol zoz ci ingane Ki̱ri̱sto̱ daiza, nya ming azi ol uggak ngatinno̱ng ne iróng atin ol wak a̱da̱i̱to̱ ingazi daiza ko̱?

1 Ko̱ri̱nto̱ 15:14

Ming ngen Ki̱ri̱sto̱ kitinga daiza de̱de̱, een zoz ci kuwaheka ol kaviyak cik abunna ko̱ darace, ogon tu̱we̱ne̱t cunno̱ng bu̱k niko.

1 Ko̱ri̱nto̱ 15:20

Abarik itingawe Ta̱mu̱ta̱dde̱n Ki̱ri̱sto̱ de̱de̱ daiza. I̱ye̱le̱kke̱t ingazi atin ol balik a̱da̱i̱to̱ ke̱ daiza bu̱k kuruget.

1 Te̱se̱lo̱ni̱ka̱ 4:14

Ming kelemi naga zoz ci a̱da̱kne̱ Ye̱su̱ kar zin kitinga daiza, obodane atin Ta̱mu̱ta̱dde̱n ol ne̱ke̱ daiza kuruget bu̱k ki Ye̱su̱ nga̱to̱de̱.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”