1 Ko̱ri̱nto̱ 15:10 - Tennet

¹⁰ Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

1 Ko̱ri̱nto̱ 15:10 ပူးပေါင်းရင်းမြစ်များ

Ma̱te̱yo̱ 10:20

Iróng zin atin een i̱ge̱t cik ozozu. Ozoz atin Vongizi wa Be̱e̱ti̱nno̱ng ci okko atin a̱du̱wa̱kku̱ng zoz ci atin ovvo a̱du̱wa̱nnu̱.

Ma̱te̱yo̱ 25:16

Idima du̱ca̱i̱ti̱ wa a̱gga̱m lodet cik dhahabo een tu̱r ko̱ o̱ro̱bi̱ya̱ ciginnek kar ki̱li̱ngli̱ng bak otorye kize lodet tu̱r.

Roma 11:1

Ize zin Pa̱u̱lo̱ ne, ja ki̱jji̱nnu̱ng: Utubur Ta̱mu̱ta̱dde̱n ol ciginnek? Iróng een niko! Ke̱e̱ni̱ anna eliya e̱e̱t ci Israilo, ke̱e̱ni̱ do̱le̱c ci biilet ci Benjamini ci a̱kku̱ olle cik Aburahami.

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

1 Ko̱ri̱nto̱ 15:11

I̱llo̱i̱ zoz imma ci gerze, ming een annit ci kuwahekkung kaviyak cik abunna icima nuyak. Elemannu niga do̱o̱k kaviyak cik abunna atubo veelek.

1 Ko̱ri̱nto̱ 15:2

Amudannu atin niga ti̱ri̱ze̱ne̱t zo̱ze̱ ci kaviyak ne̱ko̱, ming a̱gga̱mnyu̱ niga kaviyak balik ku̱du̱wa̱u̱ng anna i̱ge̱t ke̱. Ming ngen elemtta kaviyak ne̱ke̱ de̱de̱, i̱llo̱i̱ gi̱i̱ imma ci amudannu.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

1 Ko̱ri̱nto̱ 3:6

Kirira ba̱li̱ye̱ anna ma̱na̱, okko Apollosi a̱ddu̱te̱k maam, ma̱i̱je̱ Ta̱mu̱ta̱dde̱n anyak li̱ngli̱ngo̱n ci riili oroot, eci enne aanyik ma̱na̱ kitiliz.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 3:5

Imma o̱to̱ne̱ cinna, iróng naga kanyak doiz ci kuule kaal do̱o̱k, iróng wo̱ye̱ ka̱du̱wa̱ kazi ne agit cik kanyak doiz. Abarik Ta̱mu̱ta̱dde̱n ci aanyyet doiz.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Ga̱la̱ti̱a̱ 2:8

Ta̱mu̱ta̱dde̱n dee niko ci anyike Peturu komiz kize to̱ni̱a̱t ci uwahek Ya̱u̱d zoz cinne, kar bo̱do̱k atahalan kize to̱ni̱a̱t ci kuwahek ol wak iróng een Ya̱u̱d kaviyak ciginnek.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

1 Te̱se̱lo̱ni̱ka̱ 5:12

Kilalekkung gotonogga, o̱to̱ngo̱o̱ltte̱ ol cik a̱li̱ngli̱ngngo̱ni̱kku̱ng oroot, ki ming abal ol cik a̱ddi̱ki̱re̱ ol cik a̱tu̱ Manyi, kar kedemezung abunna ming ogonnu kaal cik abunna.

1 Ti̱mo̱te̱yo̱ 4:10

Imma zin zo̱ze̱ cu, ka̱li̱ngli̱ng oroot, eci karikka zi̱nze̱tti̱ baiz ci Ta̱mu̱ta̱dde̱no̱, wa een Ti̱ri̱zo̱i̱t wa ollu do̱o̱k, ommogje ol wak a̱tu̱ nonno.