1 Ko̱ri̱nto̱ 15:1 - Tennet

¹ I̱yo̱ko̱ gotonogga ki ngonogga tu̱we̱nta̱, korongi ka̱a̱da̱u̱ng zo̱ze̱ ci kaviyak cik abunna balik kuwahekkung anna ke̱, kaviyak balik elemttau niga ke̱ kar u̱tu̱we̱t rok i̱yo̱ko̱ ko̱.

1 Ko̱ri̱nto̱ 15:1 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 12:48

Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

Buk wa To̱ni̱a̱u̱ 11:1

Iziyyet to̱ni̱a̱ha̱ ki gotonogget wak a̱tu̱we̱ Ju̱de̱ya̱ do̱o̱k zoz ci elemane ol cik iróng een Ya̱u̱d zoz ci Ta̱mu̱ta̱dde̱no̱.

Buk wa To̱ni̱a̱u̱ 2:41

Imma zin ol balik elemtta kaviyak ciginnek ko̱, a̱gga̱mto̱zi̱k nogo ba̱ti̱ti̱mo̱, e̱e̱ggi̱n wo̱ye̱ nege i̱bbo̱nge̱t i̱i̱yo̱ (3,000), otortozik nege ol cik a̱tu̱we̱ i̱i̱te̱ne̱ neci.

Roma 11:20

Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱.

Roma 2:16

Ming okko atin Ta̱mu̱ta̱dde̱n ettedik ol lo̱ki̱ko̱, i̱tto̱na̱ atin enne Ye̱su̱ Ki̱ri̱sto̱ kettedik ol lo̱ki̱ko̱ kaale cik ogon nege lo̱mu̱k ki i̱yo̱ko̱ ming e̱he̱rye̱ warage cu ko̱.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

1 Ko̱ri̱nto̱ 16:13

A̱vvu̱t ju̱rru̱m be̱i̱nta̱. Ibilet okkomit kak tu̱we̱nte̱ cunno̱ng. Abunna ming e̱e̱ggi̱nnu̱ ol wak animnyu zoz, kar okkomit kak.

1 Ko̱ri̱nto̱ 3:6

Kirira ba̱li̱ye̱ anna ma̱na̱, okko Apollosi a̱ddu̱te̱k maam, ma̱i̱je̱ Ta̱mu̱ta̱dde̱n anyak li̱ngli̱ngo̱n ci riili oroot, eci enne aanyik ma̱na̱ kitiliz.

1 Ko̱ri̱nto̱ 4:15

Ming anyakku niga nu̱nu̱n ol cik meelek Ki̱ri̱sto̱ edemezung, iróng niga anyakku be̱e̱ti̱ggo̱k i̱bbo̱nge̱t omoto, eci kiize anna be̱e̱ti̱nno̱ng zo̱ze̱ ci Ki̱ri̱sto̱ Ye̱su̱ go̱o̱le̱ ci kuwaheka ol kaviyak cik abunna Ta̱mu̱ta̱dde̱no̱.

2 Ko̱ri̱nto̱ 1:24

Iróng naga ke̱e̱ggi̱nna̱ ol cik kodongnyya e̱le̱tti̱ kar ki̱ye̱ltte̱u̱ng zoz ci a̱tu̱yyu̱ Ta̱mu̱ta̱dde̱n. Ka̱li̱ngli̱ng naga do̱o̱k nga̱to̱de̱ abunna ming atalninnu, eci anyakku tu̱we̱ne̱t ci okkomi.

1 Te̱se̱lo̱ni̱ka̱ 1:6

I̱ye̱zte̱ttu̱ ba̱li̱ye̱ baize cinna̱ng ki baiz ci Manyi Ye̱su̱ bu̱k. Ming apirnannu tu̱we̱nta̱ zo̱ze̱ ci Ye̱su̱ niko, elemttau labak, ma̱i̱je̱ Vongizi ci A̱li̱le̱ a̱a̱nyu̱ng talninet zo̱ze̱ cinne ngati animnyu no̱ngi̱tto̱n.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

2 Te̱se̱lo̱ni̱ka̱ 3:6

Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m.

1 Peturu 5:12

Eelanna Silasi ngati kehere waraga cu, ka̱gga̱ Silas niko ming een gotonet ci anyak deten. Een waraga ci keherakkung ko̱, waraga ci orongi kar ku̱du̱wa̱u̱ng abunna ming a̱gga̱yyu̱ deten ci Ta̱mu̱ta̱dde̱n ming een de̱de̱ kar abunna ming emenannu ngati a̱tu̱yyu̱ nonno.