1 Ko̱ri̱nto̱ 14:37 - Tennet

³⁷ Ming i̱no̱n e̱e̱ti̱ imma azi ne ke̱e̱ni̱ a̱ri̱to̱i̱t, icima kanyai arizet ci vongizo, abunna enne ming a̱gga̱ zoz ci keherakkung anna i̱ge̱t ko̱ een zoz ci Manyi Ye̱su̱ Ki̱ri̱sto̱.

1 Ko̱ri̱nto̱ 14:37 ပူးပေါင်းရင်းမြစ်များ

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

1 Ko̱ri̱nto̱ 14:29

Aanycik ol cik e̱e̱ggi̱n a̱ri̱tto̱k rama kozozit zoz ci i̱ye̱le̱k Ta̱mu̱ta̱dde̱n nogo, kar ol do̱o̱k kiziyet idic zoz ci a̱du̱wa̱ nege.

1 Ko̱ri̱nto̱ 14:36

Iróng zoz ci Ta̱mu̱ta̱dde̱no̱ akane ngatinno̱ng, amire ki i̱ge̱t do̱ cik uzucaung zoz ci Ta̱mu̱ta̱dde̱no̱.

1 Ko̱ri̱nto̱ 14:38

Ming ibbez enne zoz necu, ibbeze atin enne bu̱k.

1 Ko̱ri̱nto̱ 2:15

Imma e̱e̱ti̱ ci anyak Vongiz ci Ta̱mu̱ta̱dde̱no̱ zinine cinne, a̱gga̱ gool ci kaal ne̱ke̱ do̱o̱k, etteddek enne ol do̱o̱k lo̱ki̱ko̱, i̱llo̱i̱ e̱e̱t imma ci kar kapahek nonno gerziten kaale ne̱ko̱ do̱o̱k. A̱jji̱nne̱ zoz ci Ta̱mu̱ta̱dde̱no̱:

1 Ko̱ri̱nto̱ 3:1

Gotonogga ki ngonogga tu̱we̱nta̱, i̱i̱te̱ne̱ bali kaavtte ki i̱ge̱t ke̱, iróng bali anna kozozikkung i̱ge̱t go̱o̱le̱ wa gon kozozike ol wak anyak Vongiz ci Ta̱mu̱ta̱dde̱no̱ zi̱nze̱tti̱nne̱ cigge̱k de̱de̱, eci niga ogonnu ki i̱yo̱ko̱ dooli cikidik baize cunno̱ng ngati Ki̱ri̱sto̱.

1 Ko̱ri̱nto̱ 7:25

Okko zo̱ze̱ ci e̱e̱t ki ngaa ci ngen kuruco, i̱llo̱i̱ zoz imma ci a̱du̱wa̱ Manyi zo̱ze̱ necu, abarik anna ka̱a̱nyu̱ng zoz ci kettede lo̱ki̱ko̱ eci anna ke̱e̱ni̱ e̱e̱t ci kanyai deten ci Manyi.

1 Ko̱ri̱nto̱ 7:40

Ma̱i̱je̱ i̱no̱ni̱nte̱ cinanni, atalne ngaa neci oroot ngati weda iróng a̱ti̱ye̱ bo̱do̱k. Imma zin zoz necu ka̱du̱wa̱ anna ko̱, ka̱du̱wa̱ ngati kanyahe Vongiz ci Ta̱mu̱ta̱dde̱no̱.

1 Ko̱ri̱nto̱ 8:2

Imma e̱e̱ti̱ ci odong ele, azi ne kegenyi ka̱gga̱ kaal do̱o̱k, iróng enne a̱gga̱ gi̱i̱ imma, ki ming i̱no̱n enne ko̱.

2 Ko̱ri̱nto̱ 10:12

Imma ol ne̱k adangnya annit a̱du̱wa̱k ol u̱gge̱ azi ne kabunanna nege. Ming ommogja nege annit de̱de̱, iróng wo̱ye̱ anna kovocak nogo zoz kar kize ne katubonna ki nogo. Abarik iróng nege egenyi.

2 Ko̱ri̱nto̱ 10:7

Acinnu niga kaal ta̱dde̱n, aniyyu ne ke̱e̱ni̱ anna e̱e̱t ci diiri niko. Ming i̱no̱nnu̱, i̱ge̱t do̱ cik e̱e̱ggi̱nnu̱ olli Ki̱ri̱sto̱? Abunna ming a̱gga̱yyu̱ ke̱e̱ggi̱nna̱ naga bu̱k olli Ki̱ri̱sto̱ ki i̱yo̱ko̱ niga ko̱.

2 Ko̱ri̱nto̱ 11:4

Kuwaktteung naga i̱ge̱t zoz ci Ye̱su̱, kar niga a̱gga̱mtta̱u̱ zoz cinna̱ng ki Vongiz ci A̱li̱le̱. Ma̱i̱je̱ vu̱rrta̱, i̱vi̱ta̱ ol uggak kuwaktteung i̱ge̱t zoz ci Ki̱ri̱sto̱ aave do̱, elemttau zin niga kaviyak ne̱ke̱ ki vongiz ci aave do̱.

Ga̱la̱ti̱a̱ 6:8

Imma e̱e̱ti̱ ci ogon kaal cik gerzek irez zinin cinne, amuda atin enne zoz ci gerze. Ma̱i̱je̱ e̱e̱ti̱ ci ogon kaal Vongize ci Ta̱mu̱ta̱dde̱no̱, amuda atin baiz wa aave udut.

2 Peturu 3:2

Korongnyung i̱ge̱t a̱a̱dda̱ zo̱zzo̱k balik a̱du̱wa̱ a̱ri̱tto̱wa̱ wak a̱li̱le̱ zoz ci Ta̱mu̱ta̱dde̱no̱, ki bo̱do̱k de̱mzi̱ne̱t ci Manyitinna wa een Ti̱ri̱zo̱i̱t bali edemezek enne to̱ni̱a̱k.

1 Jon 4:6

Imma naga ke̱e̱ggi̱n ol cik Ta̱mu̱ta̱dde̱no̱. Ming a̱gga̱ e̱e̱ti̱ imma Ta̱mu̱ta̱dde̱n, aziye zoz cinna̱ng, imma e̱e̱ti̱ ci iróng a̱gga̱ Ta̱mu̱ta̱dde̱n, iróng aziye zoz cinna̱ng. Een necu gool ci ka̱gga̱we̱ Vongiz ci een de̱de̱ ki vongiz ci volongo.

Ju̱da̱ 1:17

Ma̱i̱je̱ niga gonogga wak zinino, a̱a̱dda̱ zoz bali u̱du̱kta̱u̱ng to̱ni̱a̱ha̱ cik Manyi Ye̱su̱ Ki̱ri̱sto̱ ke̱.