1 Ko̱ri̱nto̱ 14:3 - Tennet

³ Ma̱i̱je̱ e̱e̱ti̱ ci ozoz arizet ci zoz ci Ta̱mu̱ta̱dde̱no̱, ozozik enne ol wak diirik, kar kaanyik nogo doiz, i̱lo̱t nogo kar kidihiz nogo kokkomit tu̱we̱nta̱ kak.

1 Ko̱ri̱nto̱ 14:3 ပူးပေါင်းရင်းမြစ်များ

Lu̱ka̱ 3:18

Kar ku̱du̱wa̱k Jon ki̱ti̱lo̱ ol zo̱zo̱we̱ cik meelek kar kuwahek nogo kaviyak cik abunna.

Buk wa To̱ni̱a̱u̱ 13:15

Baling e̱de̱cca̱ nege ke̱bi̱ne̱t lo̱ti̱nno̱k cik Musesi ki a̱ri̱tto̱k, kar zin ol wak abal Ce̱e̱z wa Lawinto ko̱ ku̱du̱kta̱k nogo zoz ci azi ne, “Gotonogget, ming anyakku ti̱lo̱wi̱ne̱t ci i̱lo̱ttu̱ ol, i̱vi̱ta̱ ozozit labak.”

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

Buk wa To̱ni̱a̱u̱ 15:32

Ozozzit zin Judasi ki Silas balik e̱e̱ggi̱n a̱ri̱tto̱k ke̱ oroot, i̱lo̱t nogo kar abunna okkomi tu̱we̱nta̱.

Buk wa To̱ni̱a̱u̱ 4:36

Imma da̱ e̱e̱ti̱ imma ci een Yosevo ci boor ci Le̱vi̱, a̱rri̱ta̱i̱ ngati aburuk maama een Cyprus. Akannek da̱ to̱ni̱a̱ha̱ nonno kize Barnabas, azi ungec ci zar ne̱ko̱ ne, ngerrti e̱e̱t wa i̱lo̱t ol.

Buk wa To̱ni̱a̱u̱ 9:31

A̱vvu̱to̱ ol wak a̱tu̱we̱ labak lo̱o̱ce̱ ci Ju̱de̱ya̱, Ga̱li̱li̱, ki Samariya. Okkom ke̱le̱ci̱a̱ ne kak, aanyik Vongizi ci A̱li̱le̱ nogo komiz, otorte zin nege izeto meele kar zin nege kabaito ngati o̱ngo̱o̱li̱nne̱ Manyi.

Roma 12:8

Ming anyak e̱e̱ti̱ arizet ci i̱lo̱te̱ ol, abunna ming i̱lo̱t ol ju̱rru̱m. Ming anyak e̱e̱ti̱ arizet ci amuce enne ol, anyik kumuc ol ju̱rru̱m. Ming anyak e̱e̱ti̱ arizet ci abale ol, abunna ming abal ol ju̱rru̱m. Ming anyak e̱e̱ti̱ zinin ci a̱ti̱ri̱ze̱ ol, abunna ming a̱ti̱ri̱z ol ju̱rru̱m.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

1 Ko̱ri̱nto̱ 10:23

Azi ol uggak ngatinno̱ng ne, “Kogon wo̱ye̱ naga kaal cik korong naga ku̱tu̱gu̱z labak.” De̱de̱, ogonnu wo̱ye̱ ki i̱yo̱ko̱, abarik zin iróng kaala do̱o̱k cik kogon naga ko̱ eelanneta, ma bo̱do̱k anyak kaal cik iróng aanyet koo oowa tu̱we̱nta̱.

1 Ko̱ri̱nto̱ 14:12

Ogon zin bo̱do̱k zoz necu ngatinno̱ng niko. Eci niga orongnyu oroot urubta arizet ci Vongizo, abunna ming ogonnu ju̱rru̱m arizet ci eela ol do̱o̱k ke̱le̱ci̱a̱ kar tu̱we̱ne̱t cinne̱ng kokkom kak.

1 Ko̱ri̱nto̱ 14:17

Anyike i̱yo̱ko̱ i̱nna̱ Ta̱mu̱ta̱dde̱n zany lawinta go̱o̱le̱ ci abunna, abarik zin zoz necu iróng eela e̱e̱t neci.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

1 Ko̱ri̱nto̱ 14:31

Abunna niga do̱o̱k ozozu zo̱zzo̱k wak Ta̱mu̱ta̱dde̱no̱ e̱co̱de̱ e̱co̱de̱, kar ki̱ti̱lo̱u̱ng bak eelanung.

1 Ko̱ri̱nto̱ 8:1

Korongi ku̱du̱wa̱u̱ng zoz ci obod ki da̱i̱ne̱t wak aanyik ol ta̱mu̱ta̱dde̱ne̱t wak adimanai azzine. Ka̱gga̱ naga do̱o̱k kanyak naga genyiz. Aanyyet genyizi kodongit e̱le̱tti̱. Ma̱i̱je̱ rezinet aanyyet ka̱vvu̱t labak kodoit kak.

2 Ko̱ri̱nto̱ 1:4

Eelannet ming i̱ta̱i̱t kaala cik gerzek, abunna ming keela ol u̱gge̱ cik anyak no̱ngi̱tto̱n cik a̱u̱ce̱ ko̱ bu̱k, eelante bali aanyyet Ta̱mu̱ta̱dde̱n agit ke̱.

2 Ko̱ri̱nto̱ 2:7

Abarik lalek nonno, kar keela e̱e̱t neci abaci ke̱, abunna iróng oo cinne a̱ku̱li̱.

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Kolosiya 4:8

Ki̱tto̱na̱kku̱ng anna nonno i̱ge̱ta̱ kar enne ku̱du̱wa̱u̱ng baiz cinna̱ng ngatu kar ka̱a̱nyu̱ng talninet zi̱nze̱tti̱nne̱.

1 Te̱se̱lo̱ni̱ka̱ 2:11

A̱gga̱yyu̱ bo̱do̱k ming kuzutung naga i̱ge̱ta̱ kiwagon ming a̱gga̱m be̱e̱ti̱ ollu dooli ciginnek.

1 Te̱se̱lo̱ni̱ka̱ 2:3

Iróng gool bali kuwahekkung kar a̱gga̱c zoz ci Ta̱mu̱ta̱dde̱no̱ ke̱ een volong, icima ki ci ka̱lu̱ta̱nu̱ng kar kalabtaung gi̱i̱ imma ci uturi.

1 Te̱se̱lo̱ni̱ka̱ 3:2

Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

1 Te̱se̱lo̱ni̱ka̱ 4:18

I̱ti̱lo̱zzo̱ kar eelta e̱le̱tti̱ cuggo̱k zo̱ze̱ necu.

2 Te̱se̱lo̱ni̱ka̱ 3:12

Ki̱lo̱tta̱ zin naga ol cik ogon niko zare cik Manyi Ye̱su̱ Ki̱ri̱sto̱ abunna ming akannek zo̱o̱ lo̱o̱c kar ki̱li̱ngli̱nge̱t da̱i̱ne̱t cik adak nege.

1 Ti̱mo̱te̱yo̱ 1:4

Ma anyike ol ne̱ke̱ kecebta ol wak a̱tu̱we̱ o̱o̱tti̱ nga̱ri̱de̱te̱ wak reentik ki boorzet wa obod ki ji̱ji̱ti̱gga̱c, ma̱rri̱t kaala ne̱ke̱ ming anyaha dangonet ci gerze do̱ niko. Iróng dangonet neci eela e̱e̱t imma kabak baiz ci a̱tu̱we̱ enne Ta̱mu̱ta̱dde̱n zinine ci abunna.

1 Ti̱mo̱te̱yo̱ 4:13

Arik zinin cunne ke̱bi̱ne̱t zoz ci Ta̱mu̱ta̱dde̱no̱ ki lawinet, ki de̱mzi̱ne̱t ol zoz neci zee nginti kobodane rok i̱nne̱ta̱.

1 Ti̱mo̱te̱yo̱ 6:2

Ma̱i̱je̱ du̱cca̱ha̱ cik a̱li̱ngli̱ng ki ol cik a̱tu̱ zoz ci Ta̱mu̱ta̱dde̱no̱, ma ibbezzu nogo, eci nege e̱e̱ggi̱n ol cik a̱tu̱ zoz ci Ta̱mu̱ta̱dde̱no̱ bu̱k. Abarik i̱ti̱ri̱zze̱t nogo ju̱rru̱m, eci ol wak atin amuda mediz li̱ngli̱ngo̱ne̱ cinne̱ng, ol wak a̱tu̱ zoz ci Ta̱mu̱ta̱dde̱n wa irez nege ko̱. Demez ol kar bo̱do̱k du̱wa̱k ku̱tu̱gu̱zzo̱ zoz necu,

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

Ti̱to̱ 1:9

Abunna ming a̱gga̱m enne kaviyak cik Ye̱su̱ balik edemeze ol nonno ke̱; kar atin enne ki̱ti̱lo̱ ol de̱mzi̱nte̱ neci, bak i̱ye̱la̱ ba̱ci̱nno̱k cik ol wak abure de̱mzi̱ne̱t neci.

Ti̱to̱ 2:15

I̱yo̱ko̱ zin, Ti̱to̱, demezek zo̱zzo̱k ne̱ko̱ ol wak a̱tu̱we̱. Dimannek nogo zo̱zzo̱k, anyik ku̱tu̱gu̱zzo̱ kaal ne̱ko̱. Aanyai i̱nna̱ komiz ci i̱lo̱tte̱ ol zo̱zzo̱we̱ ne̱ko̱. Abunna ming o̱ngo̱o̱li̱nni̱ ol do̱o̱k.

Ti̱to̱ 2:6

Imma go̱o̱le̱ neci i̱lo̱tte̱ ngaai wak a̱ddi̱ki̱re̱ ngaai wak kidik niko ko̱, Ti̱to̱, ti̱lo̱ logoz bu̱k kar kanyait uruttok baizowe kaale cik ogon nege.

Ti̱to̱ 2:9

Aanycik du̱cca̱k wak a̱li̱ngli̱ng ce̱e̱za̱ ollin kiziyet zoz ci ol wak e̱e̱ggi̱n ma̱ci̱gi̱ ce̱e̱zi̱ kaale do̱o̱k kar nege katalit. Gerze du̱cca̱ha̱ ming a̱ddi̱la̱nne̱k nogo zoz.

I̱bu̱ru̱ 10:25

Abunna karume gon nga̱to̱de̱ ngati kalawe Ta̱mu̱ta̱dde̱n, aanycik kize kaale cinna; ki i̱yo̱ko̱ ming iróng ol uggak arume ko̱, eci izeto ojontte i̱i̱nya̱ cik okko Ye̱su̱ obodak lo̱o̱c.

I̱bu̱ru̱ 13:22

Gotonogga ki ngonogga tu̱we̱nta̱, kilalekkung abunna ming azunnu zoz ci ka̱du̱wa̱ anna ko̱, eci keteheraung zoz ci u̱tu̱ri̱ waraga.

I̱bu̱ru̱ 3:13

Abarik ki̱ti̱lo̱z gotonogget ki ngonogget odohize, ki i̱yo̱ko̱ ming a̱du̱wa̱kke̱t zoz ci Ta̱mu̱ta̱dde̱no̱ wazin necu ko̱. Ma anyikku mu̱nye̱n kecebtaung o̱o̱tti̱ kar utuburet zoz ci Ta̱mu̱ta̱dde̱no̱.

1 Peturu 5:12

Eelanna Silasi ngati kehere waraga cu, ka̱gga̱ Silas niko ming een gotonet ci anyak deten. Een waraga ci keherakkung ko̱, waraga ci orongi kar ku̱du̱wa̱u̱ng abunna ming a̱gga̱yyu̱ deten ci Ta̱mu̱ta̱dde̱n ming een de̱de̱ kar abunna ming emenannu ngati a̱tu̱yyu̱ nonno.

Ju̱da̱ 1:20

Imma niga gonogga wak zinino, abunna ming anyikku tu̱we̱ne̱t cunno̱ng a̱li̱le̱ ko̱ kuk ta̱dde̱na̱, kar alac Ta̱mu̱ta̱dde̱n Vongize ci A̱li̱le̱.