1 Ko̱ri̱nto̱ 14:26 - Tennet

²⁶ Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

1 Ko̱ri̱nto̱ 14:26 ပူးပေါင်းရင်းမြစ်များ

Roma 1:13

Gotonogga ki ngonogga tu̱we̱nta̱, korongnyung abunna ming a̱gga̱yyu̱ kodola anna kar ki̱ki̱ya̱ ki̱vo̱nnu̱ng lak cik meelek giir, abarik anyak kaal cik alamnyan. Korongi gon gool ci kokko ka̱li̱ngli̱nge̱ ju̱rru̱m ngatinno̱ng kar ol ki̱vi̱ta̱k Ta̱mu̱ta̱dde̱n ki bali ming ka̱li̱ngli̱nge̱k ol wak iróng een Ya̱u̱d ke̱, kar kelemtta Ye̱su̱ Ki̱ri̱sto̱.

Roma 12:7

Ming anyak e̱e̱ti̱ arizet ci a̱li̱ngli̱nge̱k ol, abunna ming a̱li̱ngli̱nge̱k ol ju̱rru̱m. Ming anyak e̱e̱ti̱ arizet ci de̱mzi̱nto̱, abunna ming edemez ol ju̱rru̱m.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

1 Ko̱ri̱nto̱ 14:15

I̱yo̱ko̱ zin, ku̱tu̱gu̱ nya? Kala atin anna Ta̱mu̱ta̱dde̱n vongize cinanni, ma̱i̱je̱ atin bo̱do̱k kala anna nonno bu̱k zinine cinanni; ke̱be̱ne̱ atin vongize cinanni, imma ngatu ke̱be̱ne̱ atin bo̱do̱k zinina.

1 Ko̱ri̱nto̱ 14:2

Imma e̱e̱ti̱ ci ozoz utuge ci iróng enne a̱gga̱, iróng enne ozozek ol, abarik ozozek Ta̱mu̱ta̱dde̱n do̱. I̱llo̱i̱ e̱e̱t ci a̱gga̱ zoz ci ozoz enne ke̱; ozoz enne kaal cik a̱gga̱ Vongizi do̱ niko.

1 Ko̱ri̱nto̱ 14:27

Ming anyak ol cik orong kozozit u̱tu̱ge̱tti̱ne̱ cik iróng ol a̱gga̱, aanycik e̱e̱t co̱de̱ kozoz, iróng ol rama icima i̱i̱yo̱ ozoz lak co̱de̱, aanycik bo̱do̱k e̱e̱t imma ku̱du̱wa̱ ke̱ngti̱ cik zo̱zzo̱k ne̱ke̱.

1 Ko̱ri̱nto̱ 14:40

Abarik abunna kaala do̱o̱k ming ogone go̱o̱le̱ ci abunna.

2 Ko̱ri̱nto̱ 12:19

Iróng ka̱gga̱ ming ikebu waraga cu ko̱, i̱no̱nnu̱ keheri anna kaal ne̱ko̱ abunna kacazi no̱ngi̱tto̱n ngati ol wak ovolongnya annit ko̱, abaccu zin niga. Azikna Ta̱mu̱ta̱dde̱n bu̱k, kozozi niko ke̱e̱ni̱ e̱e̱t ci ka̱tu̱ Ki̱ri̱sto̱. Gonogga, abarik kogonni niko kar ubunntta niga.

2 Ko̱ri̱nto̱ 13:10

Keherakkung anna i̱ge̱t waraga cu ming ngen kuzucaung. Gi̱i̱ ci zin iróng anna kerenyekkung doize ci aanya Manyi annita, ming kokko ka̱kku̱na̱ku̱ng. Aanya ba̱li̱ye̱ enne doiz neci kar keelaung, iróng kegerezannung.

Evesos 4:12

kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Evesos 4:16

ci eliyo, Ki̱ri̱sto̱ zin ci a̱gga̱ ele do̱o̱k kar kaanyik ki̱li̱ngli̱nge̱t ju̱rru̱m, ngati ingane e̱e̱ti̱ kokkom eci enne anyak rezinet.

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Evesos 5:19

Ming urumteu niga nga̱to̱de̱, e̱be̱nni̱t be̱ni̱nno̱k wak e̱he̱rye̱ warage ci Caliwono ki be̱ni̱nno̱k cik olli Manyi inatu nonno zi̱nze̱tti̱nne̱ cuggo̱k.

1 Te̱se̱lo̱ni̱ka̱ 5:11

I̱yo̱ko̱ zin i̱ti̱lo̱zzo̱ e̱le̱tti̱ kar i̱ti̱lo̱z ol do̱o̱k tu̱we̱nte̱ ci Ye̱su̱ bu̱k ki i̱yo̱ko̱ ming abakku ko̱.