1 Ko̱ri̱nto̱ 14:20 - Tennet

²⁰ Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Ko̱ri̱nto̱ 14:20 ပူးပေါင်းရင်းမြစ်များ

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 18:3

Kar kize ne, “Ka̱du̱wa̱kku̱ng zoz ci een de̱de̱, abunna ming ungneku mu̱nye̱n cuggo̱k lo̱o̱c, kar u̱tu̱gu̱z ki i̱yo̱ko̱ dooli cikidik ko̱, iróng atin i̱zzo̱yu̱ ba̱a̱li̱ne̱t ci ta̱mu̱-kengo.

Ma̱te̱yo̱ 19:14

Ize zin Ye̱su̱ ne, “Aanycik dooli ne̱ko̱ ki̱vi̱ta̱n. Ma alamnyu nogo! Eci ba̱a̱li̱ne̱t ci ta̱mu̱-kengo een cinne̱ng.”

Ma̱te̱yo̱ 19:4

O̱bo̱de̱k zin Ye̱su̱, “Ngen dim da̱ ikebit Waraga ci Ta̱mu̱ta̱dde̱no̱? Arrak oowa ‘eenyca Ta̱mu̱ta̱dde̱n nogo kizeto e̱e̱t ci maci ki ci nga̱a̱ye̱.’

Marko 10:15

Ka̱du̱wa̱kku̱ng zoz ci een de̱de̱, ming iróng e̱e̱ti̱ imma elemi ba̱a̱li̱ne̱t ci Ta̱mu̱ta̱dde̱no̱ ki i̱yo̱ko̱ dooli cik kidik ko̱, iróng atin enne i̱i̱zo̱ ba̱a̱li̱ne̱t neci.”

Lu̱ka̱ 18:17

Ka̱du̱wa̱kku̱ng anna i̱ge̱t zoz wa een de̱de̱, ming iróng e̱e̱ti̱ imma a̱gga̱ma̱ ba̱a̱li̱ne̱t ci Ta̱mu̱ta̱dde̱no̱ tu̱we̱nta̱ ku̱tu̱gu̱ ki do̱le̱c cidici ko̱, iróng atin enne i̱i̱zo̱ ngin neci.”

Roma 1:13

Gotonogga ki ngonogga tu̱we̱nta̱, korongnyung abunna ming a̱gga̱yyu̱ kodola anna kar ki̱ki̱ya̱ ki̱vo̱nnu̱ng lak cik meelek giir, abarik anyak kaal cik alamnyan. Korongi gon gool ci kokko ka̱li̱ngli̱nge̱ ju̱rru̱m ngatinno̱ng kar ol ki̱vi̱ta̱k Ta̱mu̱ta̱dde̱n ki bali ming ka̱li̱ngli̱nge̱k ol wak iróng een Ya̱u̱d ke̱, kar kelemtta Ye̱su̱ Ki̱ri̱sto̱.

Roma 16:19

Iziyyet ol wak a̱tu̱we̱ do̱o̱k zoz ci azunnu niga zoz ci Ta̱mu̱ta̱dde̱no̱, katalne zin anna oroot ngatinno̱ng zo̱ze̱ necu; abarik korongnyung abunna ming egenyyu zo̱ze̱ ci een de̱de̱, abunna bo̱do̱k ming edewannu e̱le̱tti̱ zo̱ze̱ ci gerze.

1 Ko̱ri̱nto̱ 13:11

Baling ngen ke̱e̱ni̱ do̱le̱c cidici ke̱, kozozi ki i̱yo̱ko̱ do̱le̱c cidici ko̱. Ma̱i̱je̱ baling ka̱gga̱wa̱ zoz, kibiliza zoz ci doolizetu.

1 Ko̱ri̱nto̱ 14:19

Abarik ming kalayye ke̱le̱ci̱a̱ ki ol, maya ming kozozi zo̱zzo̱k cik een tu̱r a̱gga̱ ol do̱o̱k ke̱ngti̱, ngati wo̱ye̱ kozoze zo̱zzo̱k i̱bbo̱nge̱t omoto (10,000) utuge ci iróng ol a̱gga̱ ke̱ngti̱.

1 Ko̱ri̱nto̱ 2:6

Imma ol wak a̱gga̱ zoz ci Ta̱mu̱ta̱dde̱no̱, a̱gga̱ nege uwai cinna̱ng ko̱ ming anyak genyiz wa een de̱de̱. Kar genyizi neci iróng een genyiz ci lo̱o̱c necu, iróng bu̱k een genyiz ci alaat wak anyak doiz ci abale lo̱o̱c necu, eci doizi ci anyak nege ko̱ aṯurneke atin.

Evesos 4:13

Okko zoz necu zee ka̱vvu̱t naga kizet ol co̱de̱ tu̱we̱nte̱ ci ka̱tu̱we̱ Ta̱mu̱ta̱dde̱n ki gga̱wa̱ne̱t ci ka̱gga̱we̱ naga Ngerrti Ta̱mu̱ta̱dde̱no̱. Kar atin naga kegenyit ki i̱yo̱ko̱ Ki̱ri̱sto̱ ko̱, kogon zin atin naga ki enne.

Vilipia 1:9

Een necu lawinet cinanni kalawe Ta̱mu̱ta̱dde̱n abunna rezinet cunno̱ng ngatinne kotore oroot kar a̱gga̱c zoz cinne ju̱rru̱m,

Vilipia 3:15

Imma naga ol wak kanyak tu̱we̱ne̱t ci okkomi ko̱, abunna ming ki̱no̱ne̱ go̱o̱le̱ necu do̱o̱k. Kar ming anyak ol u̱gge̱ cik iróng elemi zoz necu, okko atin Ta̱mu̱ta̱dde̱n i̱ye̱le̱ke̱ nogo gool necu ju̱rru̱m.

1 Peturu 2:2

U̱tu̱gu̱z ki dooli wak kidik aud i̱ra̱ cik caalek paz Vongizak, kar keela nogo ki̱ddi̱ki̱rre̱t ti̱ri̱ze̱nte̱ cinne̱ng.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.