1 Ko̱ri̱nto̱ 14:2 - Tennet

² Imma e̱e̱ti̱ ci ozoz utuge ci iróng enne a̱gga̱, iróng enne ozozek ol, abarik ozozek Ta̱mu̱ta̱dde̱n do̱. I̱llo̱i̱ e̱e̱t ci a̱gga̱ zoz ci ozoz enne ke̱; ozoz enne kaal cik a̱gga̱ Vongizi do̱ niko.

1 Ko̱ri̱nto̱ 14:2 ပူးပေါင်းရင်းမြစ်များ

Kananet 11:7

Ki̱vi̱ta̱ koo lo̱o̱ta̱ kar kongotanit utug cinne̱ng kar iróng nege ngen azikno.”

Kananet 42:23

Iróng nege a̱gga̱ ming aziye Yosevo zoz ci ozoz nege ko̱, eci enne anyak e̱e̱t ci bali a̱gga̱me̱k nonno zoz.

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Marko 16:17

I̱ye̱la̱i̱ atin kaala ciko ngati ol wak elemna zoz cinne: Ottok atin nege kuulo cik lo̱rye̱nta̱k zare cigannik; ozoz atin nege zoz u̱tu̱ge̱tti̱ne̱ cik een jor aavtte do̱ do̱;

Marko 4:11

U̱du̱wa̱k zin enne nogo, “Anyoziung i̱ge̱t zoz ci ba̱a̱li̱ne̱t ci Ta̱mu̱ta̱dde̱no̱ a̱lu̱gnye̱ ko̱. Ma̱i̱je̱ ngati ol ne̱k aavtte reena ke̱, a̱du̱ya̱i̱ zoz do̱o̱k i̱ya̱bzi̱nta̱.

Buk wa To̱ni̱a̱u̱ 10:46

Aziye nege nogo ozoz u̱tu̱ge̱tti̱ne̱ cik aavtte do̱ do̱ kar kinnatit Ta̱mu̱ta̱dde̱n. Kar zin Peturu kize ne,

Buk wa To̱ni̱a̱u̱ 19:6

Baling atadek Pa̱u̱lo̱ azzin o̱o̱tti̱ cigge̱k, i̱ki̱ya̱k Vongizi ci A̱li̱le̱ nogo, kar zin nege kozozit u̱tu̱ge̱tti̱ne̱ cik aavtte do̱ do̱ ki zoz ci atin okko a̱kku̱.

Buk wa To̱ni̱a̱u̱ 22:9

Ma̱i̱je̱ ol balik korkorya ke̱, icinnet tukulec, abarik zin nege iróng a̱gga̱ keng ci zoz ci ozozika annit ko̱.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

1 Ko̱ri̱nto̱ 12:10

Aanyik Vongizi ci A̱li̱le̱ ol u̱gge̱ komiz ci ogone kaal cik a̱vu̱la̱. Aanyik ol u̱gge̱ bo̱do̱k komiz ci uwahek nege ol zoz ci Ta̱mu̱ta̱dde̱no̱ ju̱rru̱m. Okko aanyik ol u̱gge̱ ka̱gga̱c vongiz ci abunna ki vongiz ci gerze. Aanyik ol u̱gge̱ doiz ci ozoze nege u̱tu̱ge̱tti̱ne̱ cik aavtte do̱ do̱, kar kaanyik ol u̱gge̱ doiz ci oobek nege ol u̱nge̱tti̱ cik zo̱zzo̱k ne̱ke̱.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

1 Ko̱ri̱nto̱ 13:1

Ming kanyai anna komiz ci kozoze u̱tu̱ge̱tti̱ne̱ cik ollu do̱o̱k ki cik anjilonyau bu̱k, imma ngatu i̱llo̱i̱ annit rezinet ci kireze ol, een zoz cinanni ko̱ du̱wa̱ du̱wa̱ gaganiko, i̱llo̱i̱ zoz ci een de̱de̱.

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 14:16

Ming inati i̱nna̱ Ta̱mu̱ta̱dde̱n vongize cunne, iróng wo̱ye̱ e̱e̱ti̱ ci aavtiyyu ki i̱nne̱t ojonun ko̱ a̱gga̱ gool kar kize ne, “Amen” eci enne iróng a̱gga̱ inati i̱nna̱ Ta̱mu̱ta̱dde̱n zo̱ze̱ ci niyo.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

1 Ko̱ri̱nto̱ 15:51

Ijaktte da̱, ja ku̱du̱wa̱u̱ng zoz ci a̱lu̱gnye̱: Iróng atin naga ka̱da̱i̱ veelek, abarik uhu atin Ta̱mu̱ta̱dde̱n e̱le̱tti̱ cigga̱c, ku̱tu̱gu̱zzo̱ kiwagon ming acine e̱be̱re̱ci̱ wa uturi ko̱. Ming okko ture abuwe ovvo ol wak a̱da̱i̱to̱ ingazi daiza kuruget. Ukce zin agit e̱le̱tti̱ do̱o̱k, kar iróng naga ngen ka̱da̱i̱ bo̱do̱k.

1 Ko̱ri̱nto̱ 2:10

I̱ye̱le̱i̱t zin Ta̱mu̱ta̱dde̱n agit zoz ci a̱lu̱gnye̱ Vongize cinne. Orongnye Vongizi orong kaal do̱o̱k, orong rok kaal cik riilik Ta̱mu̱ta̱dde̱no̱.

1 Ko̱ri̱nto̱ 2:7

I̱llo̱i̱, imma genyizi ci kozoz ko̱, een genyiz ci Ta̱mu̱ta̱dde̱no̱ bali arrak a̱lu̱gnye̱ ke̱, orong Ta̱mu̱ta̱dde̱n kaanyik ol cik diirik kize ci a̱di̱ngdi̱nga̱n Ta̱mu̱ta̱dde̱n nogo baling ngen enne kakate teheenyinet lo̱o̱c.

Evesos 6:19

Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Kolosiya 2:2

Korongi anna ki̱ti̱lo̱ nogo kokkomit zi̱nze̱tti̱ kar urumte nga̱to̱de̱ rezinta, kar zin anyait genyiz ci a̱gga̱yyu̱ zoz ju̱rru̱m, kar a̱gga̱c zoz ci Ta̱mu̱ta̱dde̱no̱ a̱lu̱gnye̱ ci een Ki̱ri̱sto̱ ele.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Ti̱mo̱te̱yo̱ 3:9

Abunna ming a̱gga̱m zoz wa tu̱we̱nto̱ ju̱rru̱m zi̱nze̱tti̱nne̱ cik caalek paz.

O̱no̱zzo̱k 10:7

Ma̱i̱je̱ i̱i̱te̱n ci okko anjilo ci een turgerem ko̱ abu ture cinne, okko atin Ta̱mu̱ta̱dde̱n a̱du̱wa̱k zoz cinne a̱lu̱gnye̱ ko̱ du̱cca̱k waginnek een a̱ri̱tto̱k.”