1 Ko̱ri̱nto̱ 13:5 - Tennet

⁵ Imma e̱e̱ti̱ ci anyak rezinet zinina, iróng egerenyek ol mootiza, iróng bo̱do̱k irezek kaal ele cinne do̱ niko, iróng omoze ataman, iróng azunne zinina zoz ci gerze ogonik ol nonno.

1 Ko̱ri̱nto̱ 13:5 ပူးပေါင်းရင်းမြစ်များ

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Ma̱te̱yo̱ 9:4

Ma̱i̱je̱ Ye̱su̱ a̱gga̱ kaal cik anyak nege zi̱nze̱tti̱nne̱ kar kize ne, “Inya ming i̱no̱nnu̱ niga kaal cik gerzek zi̱nze̱tti̱nne̱ cuggo̱k ko̱?

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Lu̱ka̱ 7:39

Baling icin Varacisi bali awa nonno ke̱ zoz necu, a̱nne̱k zin ele cinne ne, “Ming een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱, a̱gga̱ wo̱ye̱ enne ngene ci u̱u̱m nonno ko̱, kar bo̱do̱k ka̱gga̱ ngaa ci ogon ku̱ cu, een enne ngaa ci mu̱nye̱nu̱.”

1 Ko̱ri̱nto̱ 10:24

Gerza ming adimanek e̱e̱ti̱ ele cinne kaal cik abunna do̱, abunna abarik ming adimanek ol u̱gge̱ bu̱k.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 11:18

Kazii azi ol ne arrak oowa, ming ovvo niga alutenu izet ol cik ke̱le̱ci̱a̱k, anyakku niga ngero orgene cunno̱ng, ka̱gga̱ zin anna ogon zoz necu niko de̱de̱.

1 Ko̱ri̱nto̱ 12:25

Iróng wo̱ye̱ ele anyak ngero, abarik aanyik o̱to̱n imma ka̱vvu̱to̱ labak ki kaal cik eliyak do̱o̱k.

1 Ko̱ri̱nto̱ 7:36

I̱yo̱ko̱ korongi kozoz zoz ci e̱e̱t ci amiciz do̱le̱c ci orong enne ki̱ti̱k. Ming orong enne do̱le̱c ci owo enne ko̱ oroot, abunna ming a̱ti̱k enne nonno ming ngen kurumte kize ngaa ki mac, iróng nege anyak mu̱nye̱n, eci rucenet ci ogon niko abunna oroot.

2 Ko̱ri̱nto̱ 5:19

Een zin necu zoz ci gon kuwakka naga baling a̱da̱k Ki̱ri̱sto̱ ko̱ necu. Anyike Ta̱mu̱ta̱dde̱n ol do̱o̱k lo̱o̱ta̱ ngatu abunna ming anyak gano ki nonno. Iróng enne ngen azunne ba̱ci̱nno̱k balik ogon ol wak a̱tu̱we̱ ke̱. Aanyyet enne kaviyak cik kabahe naga labak ki nonno.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Vilipia 2:21

Eci ol do̱o̱k acin li̱ngli̱ngo̱no̱k cigge̱k, iróng een li̱ngli̱ngo̱n ci Ye̱su̱ Ki̱ri̱sto̱.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

2 Te̱se̱lo̱ni̱ka̱ 3:7

Abunna ming a̱li̱ngli̱ngnyu̱ ki bali gon naga ke̱. Iróng ba̱li̱ye̱ naga ke̱e̱ggi̱nna̱ gu̱u̱rwa̱, baling kaavtte bu̱k ke̱.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

2 Ti̱mo̱te̱yo̱ 4:16

Imma i̱i̱te̱ne̱ bali kozoza lo̱ki̱ko̱ ke̱, kozozi zoz cinanni do̱, odoteya ol do̱o̱k annit lo̱o̱c, i̱llo̱i̱ e̱e̱t ci eelanna zoza. Anyik Manyi kalalek nogo.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,