1 Ko̱ri̱nto̱ 13:3 - Tennet

³ Ma wo̱ye̱ nu̱nu̱n kanyike kaal cigannik ol wak amati ko̱ do̱o̱k, icima ka̱da̱i̱ ngati katuzene gwo̱o̱ya̱ kar keelai e̱e̱t imma, imma ngatu i̱llo̱i̱ rezinet ci kireze ol, i̱llo̱i̱ atin gi̱i̱ ci karuba anna. Maya ming kirezi ol.

1 Ko̱ri̱nto̱ 13:3 ပူးပေါင်းရင်းမြစ်များ

Ma̱te̱yo̱ 23:5

“Imma kaala ne̱k ogon nege ko̱, ogone abunna ming acin ol. Aburccek gon nege ru̱u̱ma̱ni̱ cik u̱u̱ntti̱k lawinto, ecebek e̱le̱tti̱ kaal cikidik ogon ki a̱mi̱le̱ eheronik zo̱zo̱wa̱ cik Ta̱mu̱ta̱dde̱no̱, kar ol kicinnet;

Lu̱ka̱ 18:22

Baling izik Ye̱su̱ zoz necu, izek enne nonno ne, “Ngen gi̱i̱ co̱de̱ akilane ngatunne. Tuwek kaal cik anyai i̱nna̱ do̱o̱k kar anyik o̱ro̱bi̱ya̱ ol cik amati, kar atin i̱nna̱ nyak de̱he̱r ta̱mu̱-kenga, kar zin i̱jja̱, nuwan.”

Lu̱ka̱ 18:28

Izek zin Peturu Ye̱su̱ ne, “Kutungteya naga kaal balik kanyaka ke̱ do̱o̱k, kar kunuya i̱nne̱ta̱!”

Lu̱ka̱ 19:8

Ma̱i̱je̱ Zakayosi itinga je̱e̱na̱ kar kizek Manyi ne, “Cinno, Manyi, kengeri atin anna kaal cigannik gegera kar kanyik ol wak amati, kar ming ku̱lu̱ta̱ da̱ ba̱li̱ye̱ e̱e̱t imma gi̱i̱ye̱ emani, ka̱ru̱i̱ atin anna o̱ro̱bi̱ya̱ ne̱ke̱ lak we̱c.”

Kaviyak wak Abunna Ta̱mu̱ta̱dde̱no̱ eher Joni 12:43

Orong nege rezinet ci ol cik diirik oroot, iróng orong rezinet ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 13:37

I̱jji̱n zin bo̱do̱k Peturu Ye̱su̱ dee, “Manyi, nya ming iróng kanuyi i̱yo̱ko̱ niko? Ka̱da̱i̱ atin zo̱ze̱ cunne.”

Kaviyak wak Abunna Ta̱mu̱ta̱dde̱no̱ eher Joni 15:13

I̱llo̱i̱ rezinet ci ommog wa a̱da̱kne̱ e̱e̱ti̱ imma ngati gonogginnu.

Kaviyak wak Abunna Ta̱mu̱ta̱dde̱no̱ eher Joni 6:63

Aanyik Vongizi ol ruget, iróng ele aanyyet gi̱i̱ imma. Kaal cik ka̱du̱wa̱kku̱ng ko̱ een zoz ci Vongizo, aanyyet ruget.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

Ga̱la̱ti̱a̱ 5:26

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.