1 Ko̱ri̱nto̱ 13:2 - Tennet

² Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 13:2 ပူးပေါင်းရင်းမြစ်များ

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Ma̱te̱yo̱ 17:20

U̱du̱wa̱k zin Ye̱su̱ nogo, “Iróng niga anyakku tu̱we̱ne̱t ci eleno, ka̱du̱wa̱kku̱ng zin ming wo̱ye̱ anyakku tu̱we̱ne̱t cidicilim ki laziyenti, a̱nne̱k wo̱ye̱ i̱nna̱ bee cu ne, ‘Tinga ngatu, bit ngati,’ Ingazi de̱de̱. I̱llo̱i̱ gi̱i̱ imma ci ommogjung.”

Ma̱te̱yo̱ 21:19

Baling icin enne keet ci een munec aave gool abanyca, uk zin enne orong kar kicin ming anyak muneci neci o̱ya̱u̱ u̱gge̱ cik a̱bbi̱re̱, abarik amuda een varany do̱. Kar zin enne kizek keet neci ne, “Ma ngen okoli bo̱do̱k o̱ya̱u̱ u̱gge̱ dee!” Ataman niko odok keet neci kak.

Ma̱te̱yo̱ 21:21

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming anyakku niga tu̱we̱ne̱t kar iróng zi̱nze̱tti̱ engerye lak rama, ogonnu wo̱ye̱ niga kaal cik meelek ki i̱yo̱ko̱ anna ko̱, ki bo̱do̱k u̱gge̱ cik meelek. A̱nne̱kku̱ wo̱ye̱ niga bee cu ne, ‘Dong ele cunne, bit ju̱ke̱k nyatapar ci a̱ddi̱ki̱re̱,’ ogone atin ki ming a̱du̱wa̱nnu̱ niga ko̱.

Buk wa To̱ni̱a̱u̱ 13:1

Anyak ba̱li̱ye̱ ke̱le̱ci̱a̱ ci aave o̱rge̱ ci Antiyoki a̱ri̱tto̱k ki de̱me̱zzo̱k ciko: Barnabas, Si̱mo̱ne̱ wa een zara uggak ne Niger, ki Lucius wa Cyrene, ki Manaen wa bali ingazi ki alaan He̱ro̱d Antipas nga̱to̱de̱ bali ngen e̱e̱ggi̱n dooli ke̱, kar zin Saul.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

1 Ko̱ri̱nto̱ 11:4

Ming alaye e̱e̱ti̱, icima ozoz a̱ri̱to̱i̱ti̱ ci zoz ci Ta̱mu̱ta̱dde̱no̱, kar bo̱do̱k ku̱bu̱ng oo, iróng enne o̱ngo̱o̱le̱ Ki̱ri̱sto̱ de̱de̱.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

1 Ko̱ri̱nto̱ 13:1

Ming kanyai anna komiz ci kozoze u̱tu̱ge̱tti̱ne̱ cik ollu do̱o̱k ki cik anjilonyau bu̱k, imma ngatu i̱llo̱i̱ annit rezinet ci kireze ol, een zoz cinanni ko̱ du̱wa̱ du̱wa̱ gaganiko, i̱llo̱i̱ zoz ci een de̱de̱.

1 Ko̱ri̱nto̱ 13:3

Ma wo̱ye̱ nu̱nu̱n kanyike kaal cigannik ol wak amati ko̱ do̱o̱k, icima ka̱da̱i̱ ngati katuzene gwo̱o̱ya̱ kar keelai e̱e̱t imma, imma ngatu i̱llo̱i̱ rezinet ci kireze ol, i̱llo̱i̱ atin gi̱i̱ ci karuba anna. Maya ming kirezi ol.

1 Ko̱ri̱nto̱ 13:8

Iróng rezinet aanyik ol cik anyak rezinet zi̱nze̱tti̱nne̱ ku̱yu̱kte̱. Abarik okko atin zoz ci ozoz ol arizete ci zoz ci Ta̱mu̱ta̱dde̱no̱ ko̱ okko atin aṯurneke, ki u̱tu̱ge̱tti̱ cik aavtte do̱ do̱, iróng atin ngen ozoze. Imma kaala cik ka̱gga̱ naga do̱o̱k, erehek atin ol.

1 Ko̱ri̱nto̱ 14:29

Aanycik ol cik e̱e̱ggi̱n a̱ri̱tto̱k rama kozozit zoz ci i̱ye̱le̱k Ta̱mu̱ta̱dde̱n nogo, kar ol do̱o̱k kiziyet idic zoz ci a̱du̱wa̱ nege.

1 Ko̱ri̱nto̱ 14:39

Gotonogga ki ngonogga tu̱we̱nta̱, abunna niga arikku zi̱nze̱tti̱ zoz ci Ta̱mu̱ta̱dde̱no̱ uwak ol ciginnek, ma alamnyu ol wak ozoz u̱tu̱ge̱tti̱ne̱ wak iróng ol a̱gga̱.

1 Ko̱ri̱nto̱ 14:4

Imma e̱e̱ti̱ ci ozoz utuge ci iróng enne a̱gga̱, eela enne ele cinne do̱; imma e̱e̱ti̱ ci uwahek ol arizet ci zoz ci Ta̱mu̱ta̱dde̱no̱, eela enne ol do̱o̱k ke̱le̱ci̱a̱.

1 Ko̱ri̱nto̱ 15:51

Ijaktte da̱, ja ku̱du̱wa̱u̱ng zoz ci a̱lu̱gnye̱: Iróng atin naga ka̱da̱i̱ veelek, abarik uhu atin Ta̱mu̱ta̱dde̱n e̱le̱tti̱ cigga̱c, ku̱tu̱gu̱zzo̱ kiwagon ming acine e̱be̱re̱ci̱ wa uturi ko̱. Ming okko ture abuwe ovvo ol wak a̱da̱i̱to̱ ingazi daiza kuruget. Ukce zin agit e̱le̱tti̱ do̱o̱k, kar iróng naga ngen ka̱da̱i̱ bo̱do̱k.

1 Ko̱ri̱nto̱ 16:22

Ming iróng e̱e̱ti̱ imma irez Manyi Ye̱su̱, anyik to̱ri̱ne̱t ki̱tta̱k nonno. Anyik bai Manyi ki̱ki̱ya̱ ataman.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

1 Ko̱ri̱nto̱ 7:19

Eci zo̱ze̱ ci ettede ol vi̱ca̱vi̱ca̱ icima iróng etted ko̱, i̱llo̱i̱ zoz imma ci gerze. Riil zoz ci azunne e̱e̱ti̱ zoz ci Ta̱mu̱ta̱dde̱no̱ do̱ niko.

1 Ko̱ri̱nto̱ 8:4

I̱yo̱ko̱ zin, imma zo̱ze̱ ci obod ki da̱i̱ne̱t cik kadak naga apahek ol to̱do̱yyo̱k cik e̱e̱ggi̱n ta̱mu̱ta̱dde̱ne̱t cigge̱k, ka̱gga̱ naga to̱do̱yyo̱k ne̱ko̱ e̱e̱ggi̱n kaal cik iróng anyak doiz. Anyak Ta̱mu̱ta̱dde̱n co̱de̱ ṯok lo̱o̱ta̱ ngatu.

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

Ga̱la̱ti̱a̱ 5:16

Ka̱du̱wa̱kku̱ng abunna ming azunnu Vongiz ci A̱li̱le̱ baize cunno̱ng, kar zin iróng ngen abakku mu̱nye̱ne̱ cik amin zi̱nze̱tti̱ cuggo̱k.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

Evesos 3:4

Ming ikebtu waraga cu, a̱gga̱yyu̱ wo̱ye̱ keng ci zoz wa een de̱de̱ bali a̱lu̱gu̱ny Ta̱mu̱ta̱dde̱n ke̱. I̱ye̱le̱ya̱ zin enne annit zoz necu ka̱gga̱ zo̱ze̱ ci Ki̱ri̱sto̱.

Evesos 6:19

Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Kolosiya 1:26

A̱lu̱ngnye̱ ba̱li̱ye̱ zoz ci Ta̱mu̱ta̱dde̱no̱ e̱rki̱nya̱ cik meelek giir bu̱u̱llo̱k ki bu̱u̱llo̱k, imma i̱yo̱ko̱ i̱ye̱lto̱zi̱k ol cik Ta̱mu̱ta̱dde̱no̱ wak a̱tu̱we̱.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Jon 4:8

Ma̱i̱je̱ e̱e̱ti̱ ci iróng irez e̱e̱t ci diiri, iróng enne a̱gga̱ Ta̱mu̱ta̱dde̱n, eci Ta̱mu̱ta̱dde̱n een rezinet.