1 Ko̱ri̱nto̱ 13:12 - Tennet

¹² I̱yo̱ko̱ kacinna naga de̱de̱ Ta̱mu̱ta̱dde̱n ogon ki ri̱ri̱to̱ni̱ ci di̱i̱zo̱ ming kacin miraya. Imma vu̱rrta̱ kacin atin nonno eberene. Iróng naga ka̱gga̱ kaal do̱o̱k, kovvo atin naga ka̱gga̱, ki i̱yo̱ko̱ Ta̱mu̱ta̱dde̱n ming a̱gga̱yye̱t agit do̱o̱k ko̱.

1 Ko̱ri̱nto̱ 13:12 ပူးပေါင်းရင်းမြစ်များ

Kananet 32:30

Akatek zin Ya̱ko̱bo̱ zar cik ngin neci kize ne, Peniel kar kize ne, “Eci anna kicinna ngu̱m ci Ta̱mu̱ta̱dde̱no̱, kar i̱yo̱ko̱ ngen anna karugi.”

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 5:8

U̱mu̱yu̱k Ta̱mu̱ta̱dde̱n ol wak caalek zi̱nze̱tti̱, acin atin nege Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 10:15

Ki i̱yo̱ko̱ ming a̱gga̱ya̱ Baba annit ko̱, ka̱gga̱ anna bu̱k nonno. Ka̱da̱i̱ vu̱rrte̱ ci eeza cigannik.

Roma 8:18

Idica pirnanet ci kamuda naga lo̱o̱ta̱ ngatu ko̱, ming katubuz ki bunnat ci kovvo atin kamuda i̱i̱te̱n neci.

1 Ko̱ri̱nto̱ 13:11

Baling ngen ke̱e̱ni̱ do̱le̱c cidici ke̱, kozozi ki i̱yo̱ko̱ do̱le̱c cidici ko̱. Ma̱i̱je̱ baling ka̱gga̱wa̱ zoz, kibiliza zoz ci doolizetu.

1 Ko̱ri̱nto̱ 8:3

Imma e̱e̱ti̱ ci irez Ta̱mu̱ta̱dde̱n, a̱gga̱ Ta̱mu̱ta̱dde̱n nonno.

2 Ko̱ri̱nto̱ 3:18

U̱tu̱gu̱ ki ci aara Ta̱mu̱ta̱dde̱n gi̱i̱ ci a̱bu̱ng zi̱nze̱tti̱ cigga̱c, alam zoz ci Ta̱mu̱ta̱dde̱no̱ ko̱. I̱ye̱lta̱ zi̱nze̱tti̱ cigga̱c di̱ngdi̱ngo̱n ki vooriten ci Manyi, utuhuwet agit zin Vongizi neci ku̱tu̱gu̱zzo̱ ki Manyi.

2 Ko̱ri̱nto̱ 5:7

Kabak ngati ka̱tu̱we̱ Ta̱mu̱ta̱dde̱n, iróng kabak ngati kacine kaal eberene.

Vilipia 3:12

Iróng zin anna kazi ne kuzuca anna baiz ci korongi, icima kiize anna e̱e̱t ci caale, abarik ka̱vi̱ro̱ni̱k zoz neci kar kuruba baiz ci a̱gga̱mnya̱ Ye̱su̱ Ki̱ri̱sto̱ ko̱.

Je̱mi̱s 1:23

Imma e̱e̱ti̱ ci aziye zoz ci Ta̱mu̱ta̱dde̱no̱ iine do̱, imma ngatu iróng a̱li̱ngli̱nge̱ zoz neci; ogon enne kiwagon e̱e̱ti̱ ci acin ele cinne miraya.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

O̱no̱zzo̱k 22:4

Acin atin nege ngu̱m cinne ele, kar zin atin zara ciginnek keteherte ngu̱mtti̱nne̱ cigge̱k.