1 Ko̱ri̱nto̱ 13:1 - Tennet

¹ Ming kanyai anna komiz ci kozoze u̱tu̱ge̱tti̱ne̱ cik ollu do̱o̱k ki cik anjilonyau bu̱k, imma ngatu i̱llo̱i̱ annit rezinet ci kireze ol, een zoz cinanni ko̱ du̱wa̱ du̱wa̱ gaganiko, i̱llo̱i̱ zoz ci een de̱de̱.

1 Ko̱ri̱nto̱ 13:1 ပူးပေါင်းရင်းမြစ်များ

Ma̱te̱yo̱ 25:45

“Kar atin enne kobodek nogo, azi ne, ‘Ka̱du̱wa̱kku̱ng zoz ci een de̱de̱, ming aburnnu niga iróng eelannu gotonogga ki ngonogga cik iróng ol edeconik ko̱, aburnnu niga iróng eelannang annita.’

Marko 16:17

I̱ye̱la̱i̱ atin kaala ciko ngati ol wak elemna zoz cinne: Ottok atin nege kuulo cik lo̱rye̱nta̱k zare cigannik; ozoz atin nege zoz u̱tu̱ge̱tti̱ne̱ cik een jor aavtte do̱ do̱;

Roma 14:15

Ming iróng zinin ci gotonogget icima ngonogget tu̱we̱nta̱ orong da̱i̱ne̱t cik adai i̱nna̱ ko̱, iróng i̱nna̱ anyai rezinet zinine cunne. Ma egerzanni goonu da̱i̱nte̱ cik adai i̱nna̱ ko̱, eci Ki̱ri̱sto̱ u̱ru̱we̱ ka̱da̱k zo̱ze̱ cinne.

1 Ko̱ri̱nto̱ 12:10

Aanyik Vongizi ci A̱li̱le̱ ol u̱gge̱ komiz ci ogone kaal cik a̱vu̱la̱. Aanyik ol u̱gge̱ bo̱do̱k komiz ci uwahek nege ol zoz ci Ta̱mu̱ta̱dde̱no̱ ju̱rru̱m. Okko aanyik ol u̱gge̱ ka̱gga̱c vongiz ci abunna ki vongiz ci gerze. Aanyik ol u̱gge̱ doiz ci ozoze nege u̱tu̱ge̱tti̱ne̱ cik aavtte do̱ do̱, kar kaanyik ol u̱gge̱ doiz ci oobek nege ol u̱nge̱tti̱ cik zo̱zzo̱k ne̱ke̱.

1 Ko̱ri̱nto̱ 12:16

Kar ming azi itati ne, “Eci iróng anna ke̱e̱ni̱ e̱be̱re̱c, iróng ke̱e̱ni̱ alawoc ci eliyo,” iróng zin itati engeryai eliya zo̱ze̱ necu?

1 Ko̱ri̱nto̱ 12:8

Aanyik Vongizi ci A̱li̱le̱ e̱e̱t doiz ci kar enne kozoz arizet ci obod ki zoz ci genyizo. Okko bo̱do̱k ngati e̱e̱t imma aanyik doiz ci a̱gga̱we̱ zoz ci abunna a̱du̱wa̱k ol.

1 Ko̱ri̱nto̱ 13:8

Iróng rezinet aanyik ol cik anyak rezinet zi̱nze̱tti̱nne̱ ku̱yu̱kte̱. Abarik okko atin zoz ci ozoz ol arizete ci zoz ci Ta̱mu̱ta̱dde̱no̱ ko̱ okko atin aṯurneke, ki u̱tu̱ge̱tti̱ cik aavtte do̱ do̱, iróng atin ngen ozoze. Imma kaala cik ka̱gga̱ naga do̱o̱k, erehek atin ol.

1 Ko̱ri̱nto̱ 14:2

Imma e̱e̱ti̱ ci ozoz utuge ci iróng enne a̱gga̱, iróng enne ozozek ol, abarik ozozek Ta̱mu̱ta̱dde̱n do̱. I̱llo̱i̱ e̱e̱t ci a̱gga̱ zoz ci ozoz enne ke̱; ozoz enne kaal cik a̱gga̱ Vongizi do̱ niko.

1 Ko̱ri̱nto̱ 14:4

Imma e̱e̱ti̱ ci ozoz utuge ci iróng enne a̱gga̱, eela enne ele cinne do̱; imma e̱e̱ti̱ ci uwahek ol arizet ci zoz ci Ta̱mu̱ta̱dde̱no̱, eela enne ol do̱o̱k ke̱le̱ci̱a̱.

1 Ko̱ri̱nto̱ 14:5

Korongi wo̱ye̱ anna ol do̱o̱k ngatinno̱ng kozozit utuge ci iróng nege a̱gga̱, abarik korongnyung ming uwahekku ol arizet ci zoz ci Ta̱mu̱ta̱dde̱no̱ oroot. Eci e̱e̱ti̱ ci uwahek ol arizet ci zoz ci Ta̱mu̱ta̱dde̱no̱, abunna oroot kommog e̱e̱t ci ozoz utuge ci iróng enne a̱gga̱, ma̱i̱je̱ ming a̱du̱wa̱k enne ol u̱nge̱tti̱ cik zozak, ovvo zin atin ollik ke̱le̱ci̱a̱k eelai.

1 Ko̱ri̱nto̱ 8:1

Korongi ku̱du̱wa̱u̱ng zoz ci obod ki da̱i̱ne̱t wak aanyik ol ta̱mu̱ta̱dde̱ne̱t wak adimanai azzine. Ka̱gga̱ naga do̱o̱k kanyak naga genyiz. Aanyyet genyizi kodongit e̱le̱tti̱. Ma̱i̱je̱ rezinet aanyyet ka̱vvu̱t labak kodoit kak.

2 Ko̱ri̱nto̱ 12:4

Uwe zin ba̱li̱ye̱ nonno Ta̱mu̱ta̱dde̱n rok ma̱na̱ wa aave ta̱mu̱-kenga orgena, nginti acine enne kaal cik a̱zi̱ze̱ iróng wo̱ye̱ e̱e̱ti̱ ci diiri ikebi.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

O̱no̱zzo̱k 14:2

Kiziya zin anna muluk ci a̱kku̱ ta̱mu̱-kenga oroi kiwagon maama cik a̱ri̱i̱, a̱ju̱l bo̱do̱k ki borowoci. Kiziya anna bo̱do̱k muluk ci oroi ki ci a̱ru̱k ol lokombet.