1 Ko̱ri̱nto̱ 12:8 - Tennet

⁸ Aanyik Vongizi ci A̱li̱le̱ e̱e̱t doiz ci kar enne kozoz arizet ci obod ki zoz ci genyizo. Okko bo̱do̱k ngati e̱e̱t imma aanyik doiz ci a̱gga̱we̱ zoz ci abunna a̱du̱wa̱k ol.

1 Ko̱ri̱nto̱ 12:8 ပူးပေါင်းရင်းမြစ်များ

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Buk wa To̱ni̱a̱u̱ 6:3

Gotonogga, atahaltta ol u̱gge̱ turgerem ngatinno̱ng cik anyak Vongiz ki genyiz kar naga kanycik nogo li̱ngli̱ngo̱n cu

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 1:5

Eci ngatinne izetu niga do̱o̱k ol cik a̱gga̱yyu̱ zoz cinne ngati ozozu ki bo̱do̱k ke̱bi̱nta̱,

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 13:8

Iróng rezinet aanyik ol cik anyak rezinet zi̱nze̱tti̱nne̱ ku̱yu̱kte̱. Abarik okko atin zoz ci ozoz ol arizete ci zoz ci Ta̱mu̱ta̱dde̱no̱ ko̱ okko atin aṯurneke, ki u̱tu̱ge̱tti̱ cik aavtte do̱ do̱, iróng atin ngen ozoze. Imma kaala cik ka̱gga̱ naga do̱o̱k, erehek atin ol.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

1 Ko̱ri̱nto̱ 14:6

I̱yo̱ko̱ zin, gotonogga ki ngonogga tu̱we̱nta̱, ming ka̱kku̱na̱ku̱ng kar kozoz utuge ci iróng niga a̱gga̱yyu̱, abunna ni̱i̱ ngatinno̱ng? Maya ming ka̱du̱wa̱kku̱ng arizet ci zoz ci a̱du̱wa̱ Ta̱mu̱ta̱dde̱n, icima gga̱wa̱ne̱t ci zoz ci Ta̱mu̱ta̱dde̱no̱ icima de̱mzi̱ne̱t.

1 Ko̱ri̱nto̱ 2:11

I̱llo̱i̱ e̱e̱t imma ci a̱gga̱ i̱no̱ni̱ ci e̱e̱t ci diiri, vongiz cinne do̱ niko ci a̱gga̱. Ogon zin bo̱do̱k niko, i̱llo̱i̱ e̱e̱t imma ci a̱gga̱ i̱no̱ni̱ ci Ta̱mu̱ta̱dde̱no̱, Vongiz cinne do̱ niko ci a̱gga̱.

1 Ko̱ri̱nto̱ 2:16

“Eci i̱llo̱i̱ e̱e̱t co̱de̱ ci a̱gga̱ i̱no̱ni̱ ci Manyi Ta̱mu̱ta̱dde̱no̱ kar wo̱ye̱ enne ki̱ti̱lo̱we̱k nonno zoz.” Abarik zin, ka̱gga̱ naga i̱no̱ni̱ ci Ki̱ri̱sto̱.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 11:6

Ka̱gga̱ iróng anna ke̱e̱ni̱ e̱e̱t ci ka̱gga̱ uwai, ka̱gga̱ zoz ci Ta̱mu̱ta̱dde̱no̱. Ki̱ye̱le̱u̱ng anna i̱ge̱t ba̱li̱ye̱ zoz necu go̱o̱lo̱we̱ do̱o̱k.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

2 Ko̱ri̱nto̱ 6:6

Ma̱i̱je̱ ngatu, ki̱ye̱la̱nna̱ gon naga gi̱i̱ ci kanyakka doize ci Vongiz ci A̱li̱le̱ Ta̱mu̱ta̱dde̱no̱ ki rezinet cinne wa een de̱de̱ go̱o̱le̱ ci kabaka baiz wa abunna, ki genyiz ki i̱rrke̱ne̱t, ki bo̱do̱k kanyakka zi̱nze̱tti̱ cik alali.

2 Ko̱ri̱nto̱ 8:7

Ogonnu niga ju̱rru̱m kaale cik meelek. Anyakku tu̱we̱ne̱t ci okkomi. Anyakku ol cik uwak ju̱rru̱m, i̱i̱rke̱nnu̱, kar irezettu niga agita oroot. I̱yo̱ko̱, abunna ming i̱i̱rke̱nnu̱ ommogit ol do̱o̱k.