1 Ko̱ri̱nto̱ 12:6 - Tennet

⁶ Anyak bo̱do̱k ol do̱o̱k li̱ngli̱ngo̱no̱k cik aavtte do̱ do̱, abarik zin Ta̱mu̱ta̱dde̱n co̱de̱ ci aanyik ol ki̱li̱ngli̱nge̱t li̱ngli̱ngo̱no̱k ne̱ke̱ ngati ol do̱o̱k.

1 Ko̱ri̱nto̱ 12:6 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 5:17

Izek zin abarik Ye̱su̱ nogo ne, “Ma̱rri̱t Baba a̱li̱ngli̱ngi̱ rok i̱yo̱ko̱, ka̱li̱ngli̱ngi̱ zin anna bu̱k.”

1 Ko̱ri̱nto̱ 12:11

E̱e̱ggi̱n ne̱ko̱ do̱o̱k li̱ngli̱ngo̱n ci e̱e̱t co̱de̱ ki Vongiz neci ele, aanyik enne nogo do̱o̱k e̱co̱de̱ e̱co̱de̱ ki ci orong enne.

1 Ko̱ri̱nto̱ 12:5

Anyak li̱ngli̱ngo̱no̱k cik aavtte do̱ do̱, a̱vvu̱ ngati Manyi co̱de̱ ṯok.

1 Ko̱ri̱nto̱ 15:28

Ming okko Ngerrti Ta̱mu̱ta̱dde̱no̱ abal kaal do̱o̱k, arike atin enne ele cinne doiz ci Ta̱mu̱ta̱dde̱no̱, kar Ta̱mu̱ta̱dde̱n kabal nogo do̱o̱k.

1 Ko̱ri̱nto̱ 3:7

Imma li̱ngli̱ngo̱ni̱ ci e̱e̱t ci arire ki bo̱do̱k li̱ngli̱ngo̱n ci e̱e̱t ci azacek ma̱na̱ maam ko̱, i̱llo̱i̱ nogo zoz ci riili ma̱ne̱ necu. Abarik zin li̱ngli̱ngo̱n ci Ta̱mu̱ta̱dde̱no̱ do̱ ci riili oroot, eci enne aanyik i̱nyo̱mo̱ ki̱ti̱li̱zza̱.

Evesos 4:6

Anyak Ta̱mu̱ta̱dde̱n co̱de̱ wa een Be̱e̱ti̱ ollu do̱o̱k. Abal enne kaal do̱o̱k, abarik a̱li̱ngli̱ng enne baize ci ol do̱o̱k.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.