1 Ko̱ri̱nto̱ 12:27 - Tennet

²⁷ I̱yo̱ko̱ e̱e̱ggi̱nnu̱ niga ele ci Ki̱ri̱sto̱, e̱e̱ggi̱nnu̱ niga do̱o̱k o̱to̱ cik ele neci.

1 Ko̱ri̱nto̱ 12:27 ပူးပေါင်းရင်းမြစ်များ

Roma 12:5

Kogon zin bo̱do̱k naga niko, anyak ol cik meelek ngatinna, ke̱e̱ggi̱n naga ele co̱de̱ ngati Ki̱ri̱sto̱. Ka̱vvu̱to̱ naga ki i̱yo̱ko̱ ngintik ele co̱de̱ ko̱.

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

1 Ko̱ri̱nto̱ 10:17

Ma wo̱ye̱ nu̱nu̱n ke̱e̱ggi̱n meele, kozol naga do̱o̱k umune co̱de̱ ṯok niko. Imma zin go̱o̱le̱ necu ku̱tu̱gu̱zzo̱ naga do̱o̱k ki i̱yo̱ko̱ ele co̱de̱ ko̱.

1 Ko̱ri̱nto̱ 12:12

A̱gga̱yyu̱, o̱de̱ ele ci e̱e̱t ci diiri ṯok niko, ming adimanai kanyak ngintik meelek giir; ming anyak ngintik meelek nu̱nu̱n, e̱e̱ggi̱n ne̱ke̱ alawo do̱o̱k cik ele co̱de̱. Ogon Ki̱ri̱sto̱ ki i̱yo̱ko̱ ele ko̱.

1 Ko̱ri̱nto̱ 12:26

Ming apirna o̱to̱ni̱ co̱de̱, apirna o̱to̱ do̱o̱k ki nonno, ming atalne o̱to̱ni̱ co̱de̱, atalne o̱to̱ do̱o̱k ki nonno.

1 Ko̱ri̱nto̱ 6:15

Iróng niga a̱gga̱yyu̱ e̱e̱ggi̱n e̱le̱tti̱ cuggo̱k cik Ki̱ri̱sto̱? Kadima anna wo̱ye̱ ele ci ize ci Ki̱ri̱sto̱ kar kurumte ki a̱li̱ya̱i̱t? Iróng een niko udut!

Evesos 1:23

E̱e̱ggi̱n ol wak a̱tu̱we̱ ke̱le̱ci̱a̱ ko̱ ele ci Ki̱ri̱sto̱, abak enne ngatinne̱ng, aanyik enne nogo doiz cinne, nonno zin ci adiman kaal do̱o̱k kubunnta.

Evesos 4:12

kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Evesos 5:23

Eci e̱e̱ti̱ ci maci nonno ci abal ngaa cinne ki i̱yo̱ko̱ Ki̱ri̱sto̱ ming abal ol wak a̱tu̱ nonno ke̱le̱ci̱e̱ cinne ko̱, een enne Ti̱ri̱zo̱i̱t cinne̱ng.

Evesos 5:30

eci naga ol wak ka̱tu̱ Ki̱ri̱sto̱ ke̱e̱ggi̱n ol cik ele cinne.

Kolosiya 1:18

Kar zin i̱yo̱ko̱, nonno ci een oo ci eliyo veelek ki ke̱le̱ci̱a̱; nonno ci akanane kaala kar kize a̱bu̱ ci ol cik a̱da̱i̱to̱, kar enne kanyak doiz ci abale kaal do̱o̱k.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

Kolosiya 2:19

Okko e̱e̱ti̱ ci ogon niko ko̱, iróng enne ngen arume ki Ki̱ri̱sto̱ wa een oo ngati ol wak a̱tu̱ nonno ko̱ do̱o̱k. Kar ele do̱o̱k ka̱gga̱mo̱zi̱k oo, kaanyik ele kurumte nga̱to̱de̱, kar Ta̱mu̱ta̱dde̱n kaanyik kitilizet ki ci orong enne.