1 Ko̱ri̱nto̱ 12:18 - Tennet

¹⁸ Abarik zin Ta̱mu̱ta̱dde̱n idiman kaal cik eliyak veelek, adiman do̱o̱k e̱co̱de̱ e̱co̱de̱ go̱o̱le̱ ci oronge enne ele ci e̱e̱to̱ ki̱li̱ngli̱ng.

1 Ko̱ri̱nto̱ 12:18 ပူးပေါင်းရင်းမြစ်များ

Jonah 1:14

Ilalttek zin nege Manyi, azi ne, “Manyi ye̱i̱, ma aanyet ka̱da̱kta̱ zo̱ze̱ ci e̱e̱t cu. Ma aanyet kizetta ol cik ka̱ru̱ka̱ e̱e̱t cu, eci i̱nna̱ Manyi bai ci ogoni kaal cik orongi i̱nna̱.”

Lu̱ka̱ 10:21

Imma i̱i̱te̱n neci, anyak da̱ Ye̱su̱ talninet go̱o̱le̱ ci Vongiz ci A̱li̱le̱, kar kize ne, “Kinnatin, Baba, Manyi ta̱mu̱-keng ki lo̱o̱c, eci i̱nna̱ u̱lu̱gu̱nyu̱ kaal ciko ngati ol cik igenyi ki ol wak a̱gga̱ te̱he̱ri̱ne̱t, kar zin i̱nna̱ ye̱le̱k nogo dooli wak kidik. De̱de̱, Baba een necu gool ci abunna atalnine i̱nna̱.

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

Roma 12:6

Aanyyet zin Ta̱mu̱ta̱dde̱n arizet ci aave do̱ do̱, aanyyet Ta̱mu̱ta̱dde̱n de̱ti̱ne̱t cinne. Ming anyak e̱e̱ti̱ arizet ci a̱du̱wa̱ne̱ kaviyak cik Ta̱mu̱ta̱dde̱no̱, anyik nonno ki̱li̱ngli̱nge̱ tu̱we̱nte̱ cinne.

1 Ko̱ri̱nto̱ 12:11

E̱e̱ggi̱n ne̱ko̱ do̱o̱k li̱ngli̱ngo̱n ci e̱e̱t co̱de̱ ki Vongiz neci ele, aanyik enne nogo do̱o̱k e̱co̱de̱ e̱co̱de̱ ki ci orong enne.

1 Ko̱ri̱nto̱ 12:17

Ming wo̱ye̱ een ele do̱o̱k e̱be̱re̱c, amuda wo̱ye̱ ele gool ci aziknene nga? Ming ize ele do̱o̱k ci een itat, amuda wo̱ye̱ da̱ ele gi̱i̱ ci ocowe kaal nga?

1 Ko̱ri̱nto̱ 12:19

Ming weda kaale ne̱ko̱ do̱o̱k ketenyce kize o̱to̱ne̱ co̱de̱ ci eliyo, iróng weda een ele de̱de̱.

1 Ko̱ri̱nto̱ 12:24

Abunna kazunne nogo kommog ngintik a̱zi̱ze̱ eliya. Adimana Ta̱mu̱ta̱dde̱n kaal cik eliyak do̱o̱k kar kuzute o̱to̱n wa acin enne iróng riili oroot.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

1 Ko̱ri̱nto̱ 15:38

Abarik Ta̱mu̱ta̱dde̱n aanyik inyemenit kitiliza kanyak ele ki ming odola enne ke̱, kar kaanyik i̱nyo̱mo̱ do̱o̱k kanyait e̱le̱tti̱ cik aavtte do̱ do̱.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

Evesos 1:5

Imma rezinte ci irezet enne agit ko̱, aanyet kizet dooli ciginnek ngati Ye̱su̱ Ki̱ri̱sto̱ go̱o̱le̱ ci odola enne kar katal ku̱tu̱gu̱.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

O̱no̱zzo̱k 4:11

“Elenonu i̱nna̱ ki di̱ngdi̱nga̱ni̱ne̱t Manyitinna Ta̱mu̱ta̱dde̱n, kar ruba di̱ngdi̱ngo̱n ki inatinet ki doiz, eci i̱nna̱ eteehenya kaal do̱o̱k, kar zin zo̱ze̱ cunne keteehenycai kaala do̱o̱k kar zin ka̱vvu̱to̱ to do̱o̱k.”