1 Ko̱ri̱nto̱ 12:10 - Tennet

¹⁰ Aanyik Vongizi ci A̱li̱le̱ ol u̱gge̱ komiz ci ogone kaal cik a̱vu̱la̱. Aanyik ol u̱gge̱ bo̱do̱k komiz ci uwahek nege ol zoz ci Ta̱mu̱ta̱dde̱no̱ ju̱rru̱m. Okko aanyik ol u̱gge̱ ka̱gga̱c vongiz ci abunna ki vongiz ci gerze. Aanyik ol u̱gge̱ doiz ci ozoze nege u̱tu̱ge̱tti̱ne̱ cik aavtte do̱ do̱, kar kaanyik ol u̱gge̱ doiz ci oobek nege ol u̱nge̱tti̱ cik zo̱zzo̱k ne̱ke̱.

1 Ko̱ri̱nto̱ 12:10 ပူးပေါင်းရင်းမြစ်များ

Marko 16:17

I̱ye̱la̱i̱ atin kaala ciko ngati ol wak elemna zoz cinne: Ottok atin nege kuulo cik lo̱rye̱nta̱k zare cigannik; ozoz atin nege zoz u̱tu̱ge̱tti̱ne̱ cik een jor aavtte do̱ do̱;

Marko 16:20

Oot zin nuyaha uwaktek ol zoz ci Ta̱mu̱ta̱dde̱no̱ lo̱o̱co̱we̱ do̱o̱k. I̱li̱ngli̱ng zin Manyi ki nogo kar kaanyik zoz cinne ku̱tu̱gu̱we̱ go̱o̱le̱ ci ogone nege kaal cik a̱vu̱la̱.

Lu̱ka̱ 24:49

Kokko atin anna ki̱tto̱na̱kku̱ng muci wa bali u̱du̱wa̱ Baba ke̱; abarik a̱vvu̱t Jerusalema zee ka̱a̱nyu̱ng Ta̱mu̱ta̱dde̱n komiz ci a̱kku̱ ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 14:12

Ka̱du̱wa̱kku̱ng zoz wa een de̱de̱, ming a̱tu̱ya̱ e̱e̱ti̱ imma annita, ogon atin enne bu̱k kaal cik kogonni anna ko̱. Ogon atin enne kaal cik a̱ddi̱ki̱re̱ kommog ne̱ko̱, ma̱rri̱t anna kokko ngati Baba.

Kaviyak wak Abunna Ta̱mu̱ta̱dde̱no̱ eher Joni 16:13

Ming i̱ki̱ya̱ De̱me̱zo̱i̱ti̱ ci een Vongiz wa een de̱de̱, okko atin i̱ye̱le̱kku̱ng de̱mzi̱ne̱t wak e̱e̱ggi̱n de̱de̱. Iróng atin zoz ci okko enne a̱du̱wa̱ ko̱ een zoz cinne, a̱du̱wa̱kku̱ng atin zoz ci izik enne, kar zin atin ku̱du̱wa̱u̱ng gi̱i̱ ci atin okko a̱kku̱.

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 11:27

Imma i̱i̱ cu u̱lu̱ca̱i̱ a̱ri̱tto̱wa̱ uggak Jerusalema oot rok Antiyok.

Buk wa To̱ni̱a̱u̱ 11:28

Imma co̱de̱ ngatinne̱ng ci een zara Agabas, itinga je̱e̱na̱ Vongize ci Ta̱mu̱ta̱dde̱no̱ kar ku̱du̱wa̱ zoz ci azi ne, edeca atin magiz lo̱o̱cco̱k cik Romi ko̱ do̱o̱k. Akane zoz necu e̱rki̱te̱ bali abale Claudiusi alaani ci a̱ddi̱ki̱re̱ lo̱o̱c.

Buk wa To̱ni̱a̱u̱ 19:6

Baling atadek Pa̱u̱lo̱ azzin o̱o̱tti̱ cigge̱k, i̱ki̱ya̱k Vongizi ci A̱li̱le̱ nogo, kar zin nege kozozit u̱tu̱ge̱tti̱ne̱ cik aavtte do̱ do̱ ki zoz ci atin okko a̱kku̱.

Buk wa To̱ni̱a̱u̱ 5:3

Ize zin Peturu ne, “Ananiyas, nyaa ming anyik i̱nna̱ Sitan kuwe zinin cunne do̱o̱k ngati ovolonge Vongiz ci A̱li̱le̱ a̱lu̱gnye̱ o̱ro̱bi̱ya̱ u̱gge̱ cik utene i̱nna̱ lo̱o̱c cunne ko̱?

Roma 12:6

Aanyyet zin Ta̱mu̱ta̱dde̱n arizet ci aave do̱ do̱, aanyyet Ta̱mu̱ta̱dde̱n de̱ti̱ne̱t cinne. Ming anyak e̱e̱ti̱ arizet ci a̱du̱wa̱ne̱ kaviyak cik Ta̱mu̱ta̱dde̱no̱, anyik nonno ki̱li̱ngli̱nge̱ tu̱we̱nte̱ cinne.

Roma 15:19

Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.

1 Ko̱ri̱nto̱ 11:4

Ming alaye e̱e̱ti̱, icima ozoz a̱ri̱to̱i̱ti̱ ci zoz ci Ta̱mu̱ta̱dde̱no̱, kar bo̱do̱k ku̱bu̱ng oo, iróng enne o̱ngo̱o̱le̱ Ki̱ri̱sto̱ de̱de̱.

1 Ko̱ri̱nto̱ 13:8

Iróng rezinet aanyik ol cik anyak rezinet zi̱nze̱tti̱nne̱ ku̱yu̱kte̱. Abarik okko atin zoz ci ozoz ol arizete ci zoz ci Ta̱mu̱ta̱dde̱no̱ ko̱ okko atin aṯurneke, ki u̱tu̱ge̱tti̱ cik aavtte do̱ do̱, iróng atin ngen ozoze. Imma kaala cik ka̱gga̱ naga do̱o̱k, erehek atin ol.

1 Ko̱ri̱nto̱ 14:13

Eci zin zo̱ze̱ necu, anycik e̱e̱t ci ozoz utuge ci iróng enne a̱gga̱ ko̱ kala Ta̱mu̱ta̱dde̱n kar kaanyik nonno gool ci a̱du̱wa̱k ol u̱nge̱tti̱ cik zoz ci a̱du̱wa̱ enne ko̱.

1 Ko̱ri̱nto̱ 14:39

Gotonogga ki ngonogga tu̱we̱nta̱, abunna niga arikku zi̱nze̱tti̱ zoz ci Ta̱mu̱ta̱dde̱no̱ uwak ol ciginnek, ma alamnyu ol wak ozoz u̱tu̱ge̱tti̱ne̱ wak iróng ol a̱gga̱.

Ga̱la̱ti̱a̱ 3:5

I̱yo̱ko̱ a̱a̱nyu̱ng Ta̱mu̱ta̱dde̱n Vongiz ci A̱li̱le̱, kar ku̱tu̱gu̱ kaal cik a̱vu̱la̱ orgene cunno̱ng, iróng enne ogon kaal ne̱ke̱ eci niga azunnu lo̱ti̱nno̱k, a̱a̱nyu̱ng eci niga a̱tu̱yyu̱ kaviyak balik iziktu ke̱.

1 Te̱se̱lo̱ni̱ka̱ 5:20

Ma ibbezzu zoz ci Ta̱mu̱ta̱dde̱no̱ u̱du̱wa̱ a̱ri̱to̱i̱ti̱ ci zoz cinne.

I̱bu̱ru̱ 2:4

I̱ye̱le̱kke̱t Ta̱mu̱ta̱dde̱n ti̱ri̱ze̱ne̱t cu, bali u̱du̱wa̱ Ye̱su̱ ke̱ go̱o̱le̱ ci ogone kaal cik a̱vu̱la̱ kar enne ki̱ye̱la̱ ti̱ri̱ze̱ne̱t cu kaale cik abunna aanyik Vongizi ci A̱li̱le̱ nogo.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

O̱no̱zzo̱k 2:2

Ka̱gga̱ anna li̱ngli̱ngo̱n cunno̱ng ki nimenet no̱ngi̱tto̱n. Ka̱gga̱ iróng niga elemnyyu ol cik mu̱nye̱nu̱, itimanttu niga ol cik azi ne ke̱e̱ggi̱nna̱ to̱ni̱a̱k cik Ye̱su̱, iróng zin een de̱de̱, amuda e̱e̱ggi̱n nege volongnyok iróng e̱e̱ggi̱n to̱ni̱a̱k cigannik.