1 Ko̱ri̱nto̱ 11:32 - Tennet

³² Ming apahekket Manyi lo̱ki̱ko̱, amad enne baiz cinna, kar iróng atin apahoniket lo̱ki̱ko̱ ki ol cik lo̱o̱tu̱.

1 Ko̱ri̱nto̱ 11:32 ပူးပေါင်းရင်းမြစ်များ

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Roma 5:16

Anyak kaal cik aavtte do̱ mu̱nye̱ne̱ cik u̱tu̱gu̱ Adami cik iróng ogon ki muci ci Ta̱mu̱ta̱dde̱no̱. Anyaha Adami de̱zi̱ne̱t e̱e̱ti̱ co̱de̱ ci arrak akane mu̱nye̱n. Ma̱i̱je̱ muci ci Ta̱mu̱ta̱dde̱no̱ i̱ki̱ya̱ vu̱rrta̱ ngati kanyahe naga mu̱nye̱n cik meelek, kar enne keelawet kubunnta ngu̱me̱ cinne.

1 Ko̱ri̱nto̱ 1:20

I̱nno̱ genyiz ci e̱e̱t ci diiri? I̱nno̱ e̱e̱t ci edemez ol waraganya? I̱nno̱ e̱e̱t ci a̱gga̱ waraganya kar gon kadang ol kaale cik lo̱o̱tu̱ ko̱? Aanyik Ta̱mu̱ta̱dde̱n genyiz ci lo̱o̱tu̱ kize tarbal.

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

1 Ko̱ri̱nto̱ 11:30

Imma zin zo̱ze̱ necu, anyak ol u̱gge̱ orgene cunno̱ng cik omori kar korbboit, a̱da̱i̱to̱ zin ol cik meelek orgene cunno̱ng.

1 Ko̱ri̱nto̱ 11:31

Ma̱i̱je̱ ming katiman naga zi̱nze̱tti̱ cigga̱c kaale cik kogon ko̱, i̱llo̱i̱ atin lo̱ki̱ko̱ ci ettedoniketa.

1 Ko̱ri̱nto̱ 11:33

I̱yo̱ko̱ zin, gotonogga ki ngonogga tu̱we̱nta̱, ming ovvo niga alutenu nga̱to̱de̱ da̱i̱nte̱, e̱re̱yya̱ gonoggu do̱o̱k ki̱vi̱ta̱.

1 Ti̱mo̱te̱yo̱ 1:20

Ma̱i̱je̱ zin ol ne̱k ogon kaal ne̱ko̱ ko̱, ciko Hymenaeus ki Alizanduru, kodotiya anna nogo lo̱o̱c iróng ngen ki̱lo̱ti̱ nogo kar kedemez Sitani nogo, gerza ming odom nege Ta̱mu̱ta̱dde̱n.

1 Jon 5:19

Ka̱gga̱ naga niko ming ke̱e̱ggi̱n naga dooli cik Ta̱mu̱ta̱dde̱no̱, imma lo̱rye̱nti̱ abal ol wak lo̱o̱tu̱ iróng a̱gga̱ Ta̱mu̱ta̱dde̱n ko̱ do̱o̱k.

O̱no̱zzo̱k 3:19

Ovvo ol cik kirezi anna kegerenyek kar ki̱ti̱lo̱ nogo. Izet zin ol cik a̱du̱wa̱nnu̱ zoz ci een de̱de̱, kar etteddo ki ba̱ci̱nno̱k zo̱o̱.