1 Ko̱ri̱nto̱ 10:6 - Tennet

⁶ Ma kaala ne̱ko̱ ogone ko̱ kar kize de̱mzi̱ne̱t ci aanyet agit kegenyit, kar iróng naga kogon kaal cik gerzek ki bali ji̱ji̱ti̱gga̱c ke̱.

1 Ko̱ri̱nto̱ 10:6 ပူးပေါင်းရင်းမြစ်များ

Roma 5:14

Anyak daizi komiz ngati e̱e̱t ci diiri, akane ba̱li̱ye̱ i̱nya̱we̱ balik Adami ke̱ rok Muses. Okko daizi rok ol wak ngen ku̱tu̱gu̱zzo̱ mu̱nye̱n ki bali u̱tu̱gu̱ Adami ke̱.

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

I̱bu̱ru̱ 4:11

I̱yo̱ko̱ zin, ku̱tu̱gu̱z naga do̱o̱k kaal cik eelannet kar ku̱mu̱dda̱ baiz ci kabahe yahe, ma anyikku e̱e̱t imma kutubur zoz ci Ta̱mu̱ta̱dde̱no̱, eci abure enne zoz ci Ta̱mu̱ta̱dde̱no̱ ki bali olli Ya̱u̱do̱ balik aavtte balala ming abure ke̱.

I̱bu̱ru̱ 9:24

Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.

2 Peturu 2:6

Edez Ta̱mu̱ta̱dde̱n o̱ro̱gjo̱k cik Sodomi ki Gomorrah, utuz kize bbu̱u̱r, kar ki̱ye̱le̱k ol gool ci ovvo atin ol wak iróng elemi Ta̱mu̱ta̱dde̱n atuze niko bu̱k.

Ju̱da̱ 1:7

Ogon zin bo̱do̱k niko, a̱a̱dda̱ zin ol balik o̱ro̱gjo̱we̱ cik Sodomi ki Gomorrah ki bo̱do̱k o̱ro̱gjo̱k wak ojongzo ki nogo. Izeto ol ne̱ke̱ a̱li̱ya̱k, ottodo kiwagon elegje. I̱ye̱le̱k zoz necu ol zoz ci ovvo atin ol atuze gwo̱o̱ye̱ ci alanyit udut.