1 Ko̱ri̱nto̱ 10:32 - Tennet

³² Abait baiz ci abunna, ci iróng acazu e̱e̱t imma, icima olli Ya̱u̱do̱, icima olli Gi̱ri̱yo̱, icima ol wak a̱tu̱ Ta̱mu̱ta̱dde̱n.

1 Ko̱ri̱nto̱ 10:32 ပူးပေါင်းရင်းမြစ်များ

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

Roma 14:13

Orong ibilizet zoz ci apahekku ol u̱gge̱ lo̱ki̱ko̱ ko̱. Abarik, odolta zi̱nze̱tti̱nne̱ cuggo̱k, ma e̱e̱ggi̱nnu̱ ol cik adiryu gotonogget ki ngonogget cik a̱tu̱we̱ no̱ngi̱tto̱ne̱ baize cinne̱ng.

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 11:22

Iróng niga anyakku ce̱e̱zi̱ cik adainu kar uudet merten nginati? Ma ibbezzu ke̱le̱ci̱a̱ ci Ta̱mu̱ta̱dde̱no̱, kar etezit ol cik iróng anyak da̱i̱ne̱t. Ku̱tu̱gu̱we̱u̱ng wo̱ye̱ anna i̱ge̱t nya? Abunna kirezung zo̱ze̱ necu? Iróng een niko.

1 Ko̱ri̱nto̱ 12:28

Kar zin ke̱le̱ci̱a̱, atahala arrak Ta̱mu̱ta̱dde̱n to̱ni̱a̱k, ol wak a̱li̱ngli̱ng zoz cinne, kar bo̱do̱k katahala a̱ri̱tto̱k cik zoz cinne, kar bo̱do̱k katahala de̱me̱zzo̱k wak edemez zoz cinne, kar bo̱do̱k katahala ol wak ogon kaal cik a̱vu̱la̱, ki ol wak anyak arizet ci alaweke Ta̱mu̱ta̱dde̱n ol wak omori ki̱zzi̱ morizi to, ki ol wak i̱i̱rke̱ eela ol kaale, ki ol wak anyak arizet ci abale ol, ki ol wak anyak arizet ci a̱gga̱we̱ u̱tu̱ge̱tti̱ cik aavtte do̱ do̱.

1 Ko̱ri̱nto̱ 15:9

Eci anna ke̱e̱ni̱ vu̱rru̱t ci to̱ni̱a̱u̱ veelek, iróng agano ming awuya ol kize to̱na̱i̱t, eci anna ki̱gi̱da̱ ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱.

1 Ko̱ri̱nto̱ 7:17

Abunna e̱e̱ti̱ ci diiri ming elema baiz ci aanyik Manyi nonno kabahe, go̱o̱le̱ ci orong Ta̱mu̱ta̱dde̱n nonno ki̱li̱ngli̱ng. Een necu ti̱lo̱wi̱ne̱t ci karike anna ke̱le̱ci̱a̱nya̱ veelek.

1 Ko̱ri̱nto̱ 8:13

I̱yo̱ko̱ zin, ming kanyike anna gotona tu̱we̱nta̱ kadak gi̱i̱ ci iróng enne orong kar ku̱tu̱gu̱ mu̱nye̱n, iróng bo̱do̱k anna ngen kadai da̱i̱ne̱t ne̱ke̱ udut, gerza ming kanyike nonno ku̱tu̱gu̱ mu̱nye̱n.

2 Ko̱ri̱nto̱ 1:1

Annita Pa̱u̱lo̱ ci bali atahala Ta̱mu̱ta̱dde̱n kize to̱ni̱a̱t ci Ye̱su̱ Ki̱ri̱sto̱, kar ki̱li̱ngli̱ng zoz cinne, keheri waraga cu ki Ti̱mo̱te̱yo̱ wa een gotonet tu̱we̱nta̱. Keherika waraga cu ol wak ke̱le̱ci̱a̱k o̱rge̱ ci een Ko̱ri̱nto̱, ki ol wak a̱tu̱ zoz ci Ta̱mu̱ta̱dde̱no̱ lo̱o̱ce̱ ci Achaia.

2 Ko̱ri̱nto̱ 6:3

Iróng naga kalamnyya ol ngati a̱tu̱we̱ zoz ci Ye̱su̱, abunna iróng ol atin ibbez li̱ngli̱ngo̱n cinna ngati ka̱li̱ngli̱nge̱k Ta̱mu̱ta̱dde̱n.

Ga̱la̱ti̱a̱ 1:13

A̱gga̱yyu̱ ri̱t niga ba̱li̱ye̱ baiz cinanni kabahe kize e̱e̱t ci kazunne keer ci Ya̱u̱do̱. Ki̱gi̱da̱ ba̱li̱ye̱ oroot ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱, korongi kegerzan nogo.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 3:6

Eci kanyai anna zinin ci kireze li̱ngli̱ngo̱n cinanni, ki̱gi̱da̱ zin olli Ki̱ri̱sto̱ ke̱le̱ci̱a̱k. Imma zo̱ze̱ ci abunna orong lo̱ti̱nno̱wa̱, i̱llo̱i̱ gi̱i̱ imma ci kabaci eci anna kazunne Lo̱ti̱nno̱k cik Musesi veelek.

1 Te̱se̱lo̱ni̱ka̱ 2:14

Imma zin gotonogga ki ngonogga cik tu̱we̱nta̱k, apirnannu marnonet ci amarinnung olli lo̱o̱c cunno̱ng. U̱tu̱gu̱zzu̱ icima i̱ye̱zttu̱ ol wak a̱tu̱we̱ ke̱le̱ci̱a̱nya̱i̱ lo̱o̱ce̱ ci Ju̱de̱ya̱, olle wak Ta̱mu̱ta̱dde̱no̱. Eci elemtta nege zoz ci Ye̱su̱ Ki̱ri̱sto̱, amartoi zin ol cigge̱k nogo, ol cik Ya̱u̱do̱.

1 Ti̱mo̱te̱yo̱ 3:15

Ming iróng anna ngen kayiha ataman, a̱gga̱yyu̱ atin niga gool ci abahe ol wak a̱tu̱ zoz ci Ta̱mu̱ta̱dde̱no̱. E̱e̱ggi̱n ol wak a̱tu̱ zoz ci Ta̱mu̱ta̱dde̱no̱ ko̱ boor ci Ta̱mu̱ta̱dde̱no̱, nogo cik a̱gga̱m zoz ci Ta̱mu̱ta̱dde̱no̱ kiwagon lolaci ci abilne zoz de̱de̱.

1 Ti̱mo̱te̱yo̱ 3:5

Ming iróng e̱e̱ti̱ abal orog wainne ju̱rru̱m, iróng wo̱ye̱ azunne ol wak a̱tu̱we̱ ke̱le̱ci̱a̱k Ta̱mu̱ta̱dde̱no̱.

Buk ci ozoz zoz ci ngaa ci een Ruz 3:14

Atangu zin Ruzi zoone ciginnek kaal, kar zin kitinga ri̱ri̱wo̱na̱ ngati iróng e̱e̱ti̱ imma acine nonno, kar zin Boazi kize ne, “Ma anyike e̱e̱t imma ka̱gga̱ ming iyowa i̱nna̱ ngati a̱ru̱we̱ ol labi ko̱.”