1 Ko̱ri̱nto̱ 10:16 - Tennet

¹⁶ Gon ming kaanyik Ta̱mu̱ta̱dde̱n zany kaale wak kaud i̱i̱te̱ne̱ ci ka̱a̱da̱ne̱ daiz bali Ki̱ri̱sto̱, kozol naga do̱o̱k ma̱yu̱we̱ne̱t wa a̱kku̱ bi̱ye̱te̱ ciginnek. Ming kadak umune wa ka̱a̱da̱ne̱ ele cinne i̱i̱te̱ne̱ neci, kozol naga do̱o̱k ma̱yu̱we̱ne̱t wa a̱kku̱ eliye cinne.

1 Ko̱ri̱nto̱ 10:16 ပူးပေါင်းရင်းမြစ်များ

Lu̱ka̱ 22:17

Baling idima enne uduc, kar kaanyik Ta̱mu̱ta̱dde̱n zany kar kize ne, “Idimtta cu kar engerttek e̱le̱tti̱ cuggo̱k.

Buk wa To̱ni̱a̱u̱ 2:42

Aanycik nege e̱le̱tti̱ cigge̱k de̱mzi̱ne̱t ci to̱ni̱a̱u̱ ki wowonet cinne̱ng, ki du̱le̱ne̱t umune nga̱to̱de̱ ki lawinet.

Buk wa To̱ni̱a̱u̱ 2:46

Alute nege odohize reene ci Ce̱e̱z wa Ta̱mu̱ta̱dde̱no̱, kar zin kozolit da̱i̱ne̱t ce̱e̱zi̱nne̱, adakce talninta, zi̱nze̱tti̱nne̱ cik abunna,

Buk wa To̱ni̱a̱u̱ 20:11

Kar zin ki̱mi̱rte̱ do̱o̱k otoddit oot ce̱e̱z ta̱dde̱na̱, kar kadait da̱i̱ne̱t wak aadane nege daiz bali Ye̱su̱ ke̱ nga̱to̱de̱. Ozozik bo̱do̱k Pa̱u̱lo̱ nogo ba̱a̱li̱n do̱o̱k kaala looci, kar zin kuk.

Buk wa To̱ni̱a̱u̱ 20:7

Imma i̱i̱te̱ne̱ wa een Dominika, ka̱vvu̱ta̱ naga do̱o̱k nga̱to̱de̱ kar kadakta umune wa ka̱a̱da̱nna̱ daiz bali Ye̱su̱ ke̱. Uwak Pa̱u̱lo̱ zee kize ba̱a̱li̱n keng, eci bali orong kar koto nge̱rre̱ti̱n ci reng.

1 Ko̱ri̱nto̱ 1:9

Ogonekku̱ng atin Ta̱mu̱ta̱dde̱n zoz necu de̱de̱, ogon gon enne zoz ci u̱du̱wa̱ enne, nonno ci a̱a̱nyu̱ng gool ci owowonu ki Ngerinne Ye̱su̱ Ki̱ri̱sto̱ wa een Manyitinna.

1 Ko̱ri̱nto̱ 10:15

Kozozik anna ol cik anyak genyiz, ovvo a̱gga̱ zoz ci kozozi anna ko̱.

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.