1 Ko̱ri̱nto̱ 10:14 - Tennet

¹⁴ Gotonogga ki ngonogga tu̱we̱nta̱, e̱de̱yya̱ e̱le̱tti̱ to̱do̱yo̱we̱ cik e̱e̱ggi̱n ta̱mu̱ta̱dde̱ne̱t cik adimanai azzine.

1 Ko̱ri̱nto̱ 10:14 ပူးပေါင်းရင်းမြစ်များ

Buk wa To̱ni̱a̱u̱ 15:20

Abarik ku̱du̱kta̱k nogo gerza ming adak da̱i̱ne̱t cik aanyik ol to̱do̱yyo̱k ki bo̱do̱k a̱li̱ya̱kze̱t, ki da̱i̱ne̱t e̱le̱gi̱t ci adale icima ci anyak bi̱ye̱.

Roma 12:19

Gonogga wak zinino, ma acacannu gi̱i̱ ci gerze ogoniki e̱e̱ti̱ imma, abarik tungek Ta̱mu̱ta̱dde̱n kedez e̱e̱t neci, eci e̱he̱rye̱ Warage ci Ta̱mu̱ta̱dde̱no̱, azi Manyi ne, “Kacaca atin anna kaal cik gerzek ogonekku̱ng ol i̱ge̱ta̱.”

1 Ko̱ri̱nto̱ 10:15

Kozozik anna ol cik anyak genyiz, ovvo a̱gga̱ zoz ci kozozi anna ko̱.

1 Ko̱ri̱nto̱ 10:19

A̱gga̱yyu̱ niga kazi anna ne iróng to̱do̱yo̱wa̱ ne̱k adimanai azzine ko̱ e̱e̱ggi̱n ta̱mu̱ta̱dde̱ne̱t de̱de̱.

1 Ko̱ri̱nto̱ 10:7

Ma a̱di̱ngdi̱nga̱nnu̱ to̱do̱yyo̱k wak e̱e̱ggi̱n ta̱mu̱ta̱dde̱ne̱t wak adimanai azzine ki bali ol uggak ngatinne̱ng ke̱. Azi Waraga ci Ta̱mu̱ta̱dde̱no̱ zo̱ze̱ ci obod ki nogo ne, “A̱vvu̱to̱ ol lo̱o̱ta̱ kar kadakto bak aude, imma vu̱rrta̱ u̱tu̱gu̱zzo̱ a̱li̱ya̱kze̱t.”

1 Ko̱ri̱nto̱ 5:11

Ma̱i̱je̱ i̱yo̱ko̱, ka̱du̱wa̱kku̱ng, ma owowonu ki e̱e̱t imma ci azi ne, ka̱tu̱we̱ enne kar ngatu kize a̱li̱ya̱i̱t icima anyak zinin ci a̱ppwe̱ kaale, ala to̱do̱yyo̱k kize ta̱mu̱ta̱dde̱n, e̱e̱t ci otor ol, e̱e̱t ci een bba̱kco̱i̱t, icima e̱e̱t ci alaba ol kaal. Ma adainu ki e̱e̱t ci abak baiz ci ogon niko.

2 Ko̱ri̱nto̱ 11:11

Kogonni niko ko̱, eci kirezzung, iróng ka̱gga̱ma̱nnu̱ng o̱ro̱bi̱ya̱ cik kuwahekkung zoz ci Ta̱mu̱ta̱dde̱no̱. A̱gga̱ Ta̱mu̱ta̱dde̱n kirezzung anna i̱ge̱ta̱ oroot.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 12:19

Iróng ka̱gga̱ ming ikebu waraga cu ko̱, i̱no̱nnu̱ keheri anna kaal ne̱ko̱ abunna kacazi no̱ngi̱tto̱n ngati ol wak ovolongnya annit ko̱, abaccu zin niga. Azikna Ta̱mu̱ta̱dde̱n bu̱k, kozozi niko ke̱e̱ni̱ e̱e̱t ci ka̱tu̱ Ki̱ri̱sto̱. Gonogga, abarik kogonni niko kar ubunntta niga.

2 Ko̱ri̱nto̱ 6:17

Azi bo̱do̱k Manyi ne, “Engertta zin e̱le̱tti̱ ngati ol ne̱k iróng a̱tu̱we̱ ko̱. Ma u̱u̱mnyu̱ kaal cik anyak mu̱nye̱n gon ngoronyik ko̱. Kar zin atin anna kelemaung.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

Vilomene 1:1

Ki̱tto̱na̱ waraga cu anna Pa̱u̱lo̱ wa kecebje lagama zo̱ze̱ ci Ye̱su̱ Ki̱ri̱sto̱. Keherya waraga cu anna ki Ti̱mo̱te̱yo̱ gotonet tu̱we̱nta̱. Keherika Vilomene gotonet tu̱we̱nta̱ kar bo̱do̱k ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱.

I̱bu̱ru̱ 6:9

Imma niga gotonogga ki ngonogga tu̱we̱nta̱, ka̱du̱wa̱kku̱ng kaal ne̱ke̱ ko̱ eci ka̱gga̱yya̱ niko ming ogonnu kaal cik abunna cik okkoyyung go̱o̱le̱ ci ruget wa aave udut.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

1 Jon 5:21

I̱yo̱ko̱ zin, dooli cigannik zinino, u̱zu̱tte̱ e̱le̱tti̱ cuggo̱k to̱do̱yo̱we̱ cik e̱e̱ggi̱n ta̱mu̱ta̱dde̱ne̱t wak adimanai azzine.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 2:14

I̱yo̱ko̱ zin kanyai anna kaal cikidik komozine ngatinno̱ng: Anyakku niga ol u̱gge̱ cik elemi de̱mzi̱ne̱t ci Balaami kar enne kedemez Balaki kalaba olli Israilo ki̱tto̱zo̱ mu̱nye̱n eci adahe da̱i̱ne̱t cik apahek ol to̱do̱yyo̱k, ki bo̱do̱k go̱o̱le̱ ci a̱li̱ya̱kze̱ti̱nu̱.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.