1 Ko̱ri̱nto̱ 10:13 - Tennet

¹³ Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

1 Ko̱ri̱nto̱ 10:13 ပူးပေါင်းရင်းမြစ်များ

Lu̱ge̱z 3:17

Kodola zin anna kar kaaraung piryenzeta Masira. Ka̱a̱nyu̱ng atin anna i̱ge̱ta̱ lo̱o̱c ci abunna abbize i̱ra̱na̱ ki lete, orog ci abahe olli Kanaani, Hittites, Amorites, Perizzites, Hivites ki Jebusites.’

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Lu̱ka̱ 11:4

Laleit agit ba̱ci̱no̱we̱, eci naga bu̱k kalaleka e̱e̱t ci ogonikket agit mu̱nye̱n. Ma anyike mu̱nye̱n kitimanteta.’”

Lu̱ka̱ 16:26

Kar bo̱do̱k kaale ne̱ko̱ do̱o̱k, anyak gi̱i̱ ci a̱ddi̱ki̱re̱ aronik ci engeryet agit ki i̱nne̱ta̱, kar ol cik orong ovvo ngatu rok i̱nne̱ta̱, iróng aruba gool, icima i̱nne̱t ci a̱kku̱nni̱ meer nginati rok agit ngatu.’

Lu̱ka̱ 22:46

I̱jji̱n zin enne nogo, “Nya ming adungnu niga ko̱? Itingaz je̱e̱na̱, alac Ta̱mu̱ta̱dde̱n kar abunna iróng niga i̱nna̱kku̱ timaninet.”

Buk wa To̱ni̱a̱u̱ 27:44

Ovvo uggak annu nogo vu̱rrta̱, ngati a̱gga̱me̱ keen balik a̱du̱la̱i̱ i̱bo̱wa̱ ke̱. Kar zin go̱o̱le̱ necu uzucca ol do̱o̱k ti̱ti̱m labak.

1 Ko̱ri̱nto̱ 1:9

Ogonekku̱ng atin Ta̱mu̱ta̱dde̱n zoz necu de̱de̱, ogon gon enne zoz ci u̱du̱wa̱ enne, nonno ci a̱a̱nyu̱ng gool ci owowonu ki Ngerinne Ye̱su̱ Ki̱ri̱sto̱ wa een Manyitinna.

2 Ko̱ri̱nto̱ 1:10

I̱ti̱ri̱zze̱t Ta̱mu̱ta̱dde̱n agit daiza, ooganet atin enne agita. Karike zin naga nonno zi̱nze̱tti̱ kar enne ki̱ti̱ri̱ze̱ta̱,

1 Te̱se̱lo̱ni̱ka̱ 5:24

Eci Ta̱mu̱ta̱dde̱n atahalaung, azunnu atin kaal balik u̱du̱wa̱ enne ke̱.

2 Te̱se̱lo̱ni̱ka̱ 3:3

Ma̱i̱je̱ Manyi abunna, ka̱gga̱yya̱ niko ming a̱a̱nyu̱ng komiz kar zin bo̱do̱k kebeung ngati lo̱rye̱nto̱.

2 Ti̱mo̱te̱yo̱ 4:18

Ka̱gga̱ niko ming eelanna atin Manyi kaale wak gerzek do̱o̱k, kar kuwuya ngati ba̱a̱li̱ne̱t ci ta̱mu̱-kengo. Abunna abarik ming ka̱di̱ngdi̱nga̱n nonno niko udut. Nonno nenen.

I̱bu̱ru̱ 10:23

Abunna ka̱gga̱m tu̱we̱ne̱t ci karike naga zi̱nze̱tti̱ cik ka̱tu̱we̱ Ta̱mu̱ta̱dde̱n ko̱ ju̱rru̱m, eci Ta̱mu̱ta̱dde̱n ci ka̱tu̱ ko̱ ogon atin zoz ci u̱du̱wa̱ enne ke̱.

I̱bu̱ru̱ 11:11

Imma bo̱do̱k tu̱we̱nte̱ ci Aburahami ki ngaa wainne abile kar kize ma̱ti̱yo̱c een zara Sarah, aanyik zin Ta̱mu̱ta̱dde̱n nogo do̱le̱c. A̱tu̱ nege zoz bali u̱du̱wa̱ Manyi ke̱.

I̱bu̱ru̱ 12:4

Imma ngati a̱gi̱dde̱t mu̱nye̱na̱ ko̱ nu̱nu̱n, ngen e̱e̱ti̱ imma ngatinno̱ng ka̱da̱k ki bali Ye̱su̱ ke̱.

I̱bu̱ru̱ 6:18

U̱tu̱gu̱ Ta̱mu̱ta̱dde̱n niko kar zin kaale cik e̱e̱ggi̱n rama, iróng enne uhu eci iróng Ta̱mu̱ta̱dde̱n ovolongi zo̱ze̱ wa u̱du̱wa̱ enne, imma naga ol cik ki̱vi̱re̱t ko̱, kar kurubta zoz ci karike naga zi̱nze̱tti̱ ko̱, anyazoita kar izoccet wo̱ye̱ agit oroot.

1 Peturu 4:19

I̱yo̱ko̱ zin, imma niga ol wak apirnannu go̱o̱le̱ ci oronge Ta̱mu̱ta̱dde̱n ko̱, abunna ming arikku zi̱nze̱tti̱ ciggo̱k do̱o̱k E̱e̱t wa bali eenycanet kar ku̱tu̱gu̱ zoz ci abunna odohize.

2 Peturu 2:9

Ming een zoz necu de̱de̱, a̱gga̱ Manyi gool ci eelanne enne ol wak a̱tu̱ nonno, ngati amudanne nege no̱ngi̱tto̱n kar ka̱gga̱m olli mu̱nye̱nu̱ kar kedez nogo, ere ki̱ki̱ya̱ i̱i̱te̱ni̱ ci ettede enne lo̱ki̱ko̱.

1 Jon 1:9

Ma̱i̱je̱ ming kuturtak naga mu̱nye̱n cigga̱c Ta̱mu̱ta̱dde̱n, abunna enne kar atin kalaleita kar bo̱do̱k ki̱ti̱vi̱la̱ mu̱nye̱n cigga̱c ne veelek.

O̱no̱zzo̱k 19:11

Kedenya anna ta̱mu̱-keng ming o̱o̱ye̱, kar zin anna kicin vartangec ci voori, imma E̱e̱ti̱ ci ottod vartangec ko̱ een e̱e̱t ci abunna kar kize de̱de̱. Etted enne lo̱ki̱ko̱ cinne ju̱rru̱m kar kuk illa.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.