1 Ko̱ri̱nto̱ 10:11 - Tennet

¹¹ Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

1 Ko̱ri̱nto̱ 10:11 ပူးပေါင်းရင်းမြစ်များ

Kananet 19:35

Aanycik zin be̱e̱ti̱nne̱ng kuud merte ba̱a̱li̱n neci bo̱do̱k, kar do̱le̱c cidici kuk ka̱ta̱gu̱zzo̱ ki nonno. Iróng zin enne bo̱do̱k a̱gga̱ ming a̱ta̱gu̱zzo̱ ki buweenyinne icima i̱i̱ ci okko enne ingane.

Ma̱te̱yo̱ 13:39

Okko mo̱dde̱nti̱ ci arir lobali ko̱ een lo̱rye̱ni̱t. Okko te̱di̱ne̱t labi een i̱i̱te̱n ci okko Ta̱mu̱ta̱dde̱n etted lo̱ki̱ko̱ ci lo̱o̱tu̱, imma ol wak etted labi ko̱ een anjilonya cik Ta̱mu̱ta̱dde̱no̱.

Ma̱te̱yo̱ 13:40

“Alutai zin atin lobali kar kutuze gwo̱o̱ye̱ ci apadpadi. Zoz zin atin ci okko ogone i̱i̱te̱ne̱ ci atin okko aṯurneke looci.

Roma 13:11

U̱tu̱gu̱z kaal ne̱ko̱ do̱o̱k, a̱gga̱c i̱i̱te̱n necu ju̱rru̱m, eci i̱i̱te̱ni̱ necu ci kar ki̱ti̱ri̱ze̱t Ta̱mu̱ta̱dde̱n agita ize ojon oroot kommog i̱i̱te̱n bali ka̱tu̱we̱ naga Ye̱su̱ arrak oowa ke̱.

Roma 13:12

Ogon i̱i̱te̱ni̱ ci kabahe naga lo̱o̱ta̱ ngatu kiwagon ba̱a̱li̱ni̱ ci okko aliz looci ataman. Abunna kabiliz mu̱nye̱n cik ogon ol ba̱a̱l, kar ku̱tu̱gu̱z kaal cik abunna ogon ol waz.

Roma 15:4

Eci kaala ne̱k e̱he̱rye̱ Warage ci Ta̱mu̱ta̱dde̱no̱ do̱o̱k ko̱, e̱he̱rye̱ kar kedemezet agit zoz wa een de̱de̱, kar naga go̱o̱le̱ ci kanime no̱ngi̱tto̱n ki zoz ci a̱du̱wa̱kke̱t zoz ci Ta̱mu̱ta̱dde̱no̱, kar atin kartik zi̱nze̱tti̱ zoz ci atin a̱kku̱ ke̱.

Roma 4:23

Ki i̱yo̱ko̱ ming kikeb naga Warage ci Ta̱mu̱ta̱dde̱no̱ ko̱. Iróng zin zoz een ci Aburaham do̱ ci elemi Ta̱mu̱ta̱dde̱n kize e̱e̱t ci abunna zo̱ze̱ ci tu̱we̱ne̱t cinne,

1 Ko̱ri̱nto̱ 10:6

Ma kaala ne̱ko̱ ogone ko̱ kar kize de̱mzi̱ne̱t ci aanyet agit kegenyit, kar iróng naga kogon kaal cik gerzek ki bali ji̱ji̱ti̱gga̱c ke̱.

1 Ko̱ri̱nto̱ 7:29

Gotonogga ki ngonogga tu̱we̱nta̱, ka̱du̱wa̱kku̱ng zoz cu, eci izeto idice i̱i̱nya̱ oroot cik kar looci kuṯurei. Imma zin i̱yo̱ko̱, anyik ol wak anyak ngaai kabaito ki ci iróng nege anyak ngaai, ci iróng nege arike zi̱nze̱tti̱ cigge̱k nogo do̱ oroot.

1 Ko̱ri̱nto̱ 9:10

Abarik zoz necu bu̱k ozoz zoz cinna ele. E̱he̱rye̱ zoz necu zo̱ze̱ cinna, a̱li̱ngli̱ng e̱e̱ti̱ eev ma̱na̱ kar atin kuruba gi̱i̱ imma, okko e̱e̱ti̱ ci etted ma̱na̱ ko̱ orong kar kuruba gi̱i̱ imma. Abunna zin ming arike nege zi̱nze̱tti̱ cigge̱k, kar nege ku̱mu̱dda̱ da̱i̱ne̱t cigge̱k li̱ngli̱ngo̱ne̱ necu.

Ga̱la̱ti̱a̱ 4:24

Anyak zoz necu ungec ci aave do̱. Een olomi ci ngaai ne̱k e̱e̱ggi̱n rama ko̱ yabzinet. Een Hagari wa een du̱ca̱i̱t i̱ya̱bzo̱ni̱k olomnya balik o̱o̱wu̱ u̱tu̱gu̱we̱k Ta̱mu̱ta̱dde̱n Muses biye ci een Sinai. Ovvo dooli cik a̱rri̱ta̱ enne ko̱ e̱e̱ggi̱n du̱cca̱k.

Vilipia 4:5

Tu̱gu̱we̱k ol do̱o̱k kaal cik abunna zinine ci alali. Ize ojon i̱i̱te̱ni̱ ci a̱kku̱nne̱ Manyi.

I̱bu̱ru̱ 10:25

Abunna karume gon nga̱to̱de̱ ngati kalawe Ta̱mu̱ta̱dde̱n, aanycik kize kaale cinna; ki i̱yo̱ko̱ ming iróng ol uggak arume ko̱, eci izeto ojontte i̱i̱nya̱ cik okko Ye̱su̱ obodak lo̱o̱c.

I̱bu̱ru̱ 10:37

Eci Waraga ci Ta̱mu̱ta̱dde̱no̱ ozoz zoz ci Ye̱su̱ azi ne, “A̱kku̱ atin enne ataman.

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.