1 Ko̱ri̱nto̱ 1:8 - Tennet

⁸ Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 1:8 ပူးပေါင်းရင်းမြစ်များ

Lu̱ka̱ 17:24

Eci Ngerrti E̱e̱to̱ i̱i̱te̱ne̱ cinne ogon atin enne kiwagon borowoci, ci abadi katalany ta̱mu̱-kenga do̱o̱k.

Lu̱ka̱ 17:30

“Ogon zin atin looci bu̱k niko i̱i̱te̱ne̱ ci okko Ngerrti E̱e̱to̱ i̱ye̱la̱i̱.

Roma 14:4

E̱e̱ni̱ i̱nna̱ ngene kar pahek du̱ca̱i̱t ci e̱e̱t imma zoz ko̱? Manyi du̱cca̱k do̱ niko ci odola zoz ci du̱cca̱k ciginnek, kar atin Ta̱mu̱ta̱dde̱n keela nogo ku̱tu̱gu̱zzo̱ ju̱rru̱m.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

Roma 8:19

Ma kaala cik eenyca Ta̱mu̱ta̱dde̱n lo̱o̱ta̱ ngatu ko̱ do̱o̱k, e̱re̱ye̱ talninta, orong nege i̱i̱te̱n ci atin okko Ta̱mu̱ta̱dde̱n i̱ye̱le̱k ciko ngene cik e̱e̱ggi̱n nege dooli ciginnek.

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

1 Ko̱ri̱nto̱ 5:5

Aanycik zin e̱e̱t neci a̱zzi̱t ci Sitano kar enne kuk kulal nonno oo do̱. Ma̱i̱je̱ atin vongizi cinne a̱ti̱ri̱z nonno ming i̱ki̱ya̱ i̱i̱te̱ni̱ ci okko Manyi Ye̱su̱ obodak lo̱o̱c.

2 Ko̱ri̱nto̱ 1:13

Eci iróng naga keherakkung zoz imma ci iróng niga ikebju icima a̱gga̱yyu̱. Kar zin anna korongi,

2 Ko̱ri̱nto̱ 1:14

ki i̱yo̱ko̱ ming a̱gga̱yyu̱ zoz cinna̱ng lo̱lo̱i̱t ko̱, ovvo atin niga a̱gga̱yyu̱ do̱o̱k kar atin niga odongit e̱le̱tti̱ zo̱ze̱ cinna̱ng, kar naga bo̱do̱k kodongta e̱le̱tti̱ zo̱ze̱ cunno̱ng i̱i̱te̱ne̱ ci Manyi Ye̱su̱.

2 Ko̱ri̱nto̱ 1:21

Abarik, i̱yo̱ko̱, aanyyet Ta̱mu̱ta̱dde̱n enne eliya agit ki i̱ge̱t do̱o̱k kibilet kokkomit kak ngati Ki̱ri̱sto̱. Ta̱mu̱ta̱dde̱n ele ci ahalaneta.

Evesos 5:27

Ogon Ki̱ri̱sto̱ zoz necu kar atin ki̱di̱ngdi̱nga̱ni̱t ke̱le̱ci̱a̱ ci a̱li̱le̱ ko̱, ki̱zzi̱ rok gi̱i̱ imma ci anganye ol nonno to.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Kolosiya 1:22

Ma̱i̱je̱ i̱yo̱ko̱, aganizung enne i̱ge̱ta̱ eliye ci Ngerinne Ki̱ri̱sto̱ bali a̱da̱i̱ keete ci een ta̱la̱ke̱c, kar enne ka̱a̱nyu̱ng izet ol cik abunna a̱li̱le̱ ngu̱me̱ cinne, iróng anyakku aruwa.

Kolosiya 2:7

U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 5:2

Eci niga a̱gga̱yyu̱ niko obokket atin wazini ci a̱kku̱nne̱ Manyi ki ta̱mu̱ ci tagizo.

2 Te̱se̱lo̱ni̱ka̱ 2:2

ma zin anyikku e̱e̱t imma kalabaung zo̱ze̱ ci azi ne u̱du̱wa̱k Vongizi ci A̱li̱le̱ nonno icima a̱kku̱ waraga ngatinna, i̱ki̱ya̱ i̱i̱te̱ni̱ ci Manyi la̱du̱n.

2 Te̱se̱lo̱ni̱ka̱ 3:3

Ma̱i̱je̱ Manyi abunna, ka̱gga̱yya̱ niko ming a̱a̱nyu̱ng komiz kar zin bo̱do̱k kebeung ngati lo̱rye̱nto̱.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 1:18

Anyik Manyi bai ka̱mu̱yu̱k Onesiphorus kar kuruba eezet ming okko Manyi Ye̱su̱ obodak lo̱o̱c. A̱gga̱ ri̱t i̱nna̱ bu̱k eelawa enne go̱o̱lo̱we̱ cik meelek lo̱o̱ce̱ ci Ephesusi.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.