1 Ko̱ri̱nto̱ 1:7 - Tennet

⁷ I̱yo̱ko̱ zin, i̱llo̱i̱ ma̱yu̱we̱ne̱t imma ci iróng niga anyakku ngati e̱re̱yyu̱ niga de̱de̱ Manyi Ye̱su̱ Ki̱ri̱sto̱ kar kobodak lo̱o̱c.

1 Ko̱ri̱nto̱ 1:7 ပူးပေါင်းရင်းမြစ်များ

Kananet 49:18

Korongi anna ti̱ri̱ze̱ne̱t cunne, Manyi Ta̱mu̱ta̱dde̱n.

Ma̱te̱yo̱ 25:1

Ize zin bo̱do̱k Ye̱su̱ ne, “Katubzeke wo̱ye̱ ba̱a̱li̱ne̱t ci ta̱mu̱-kengo ki dooli cik nga̱a̱ye̱k een omoto ngen ka̱ta̱gu̱zzo̱ ki e̱e̱t imma ko̱, balik adima lombonya kar koot ku̱ru̱mtte̱k rucait gool.

Lu̱ka̱ 12:36

u̱tu̱gu̱z ki ol cik ere ddi̱ki̱ryo̱i̱t cinne̱ng ci oboda ngati rucento, kar zin ming okko enne oboda kar koṯokṯowan tatug, ovvo zin nege oowek nonno tatug ataman.

Lu̱ka̱ 17:30

“Ogon zin atin looci bu̱k niko i̱i̱te̱ne̱ ci okko Ngerrti E̱e̱to̱ i̱ye̱la̱i̱.

Roma 8:19

Ma kaala cik eenyca Ta̱mu̱ta̱dde̱n lo̱o̱ta̱ ngatu ko̱ do̱o̱k, e̱re̱ye̱ talninta, orong nege i̱i̱te̱n ci atin okko Ta̱mu̱ta̱dde̱n i̱ye̱le̱k ciko ngene cik e̱e̱ggi̱n nege dooli ciginnek.

Roma 8:23

Abarik iróng pirnanet neci aave kaale cik eenycai do̱, aave pirnanet bu̱k ngatinna, ol balik aanyyet Ta̱mu̱ta̱dde̱n Vongiz arrak oowa ke̱; kabalac zin naga zi̱nze̱tti̱nne̱, ngati kerewe e̱le̱tti̱ cik een jor ko̱, kar Manyi ki̱ye̱le̱t ke̱e̱ggi̱n naga dooli ciginnek.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 12:13

Obodanu ba̱li̱ye̱ niga e̱le̱tti̱ ke̱le̱ci̱a̱nya̱i̱, eci iróng anna karikku̱ng baiz cinanni i̱ge̱ta̱? Alalteyyang zo̱ze̱ ci kabaca!

Ga̱la̱ti̱a̱ 5:5

Imma tu̱we̱nta̱, kerewina naga talninta go̱o̱le̱ ci Vongiz ci A̱li̱le̱, bunnate ci karike naga zi̱nze̱tti̱ ko̱.

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

Kolosiya 3:4

Ming okko Ki̱ri̱sto̱ wa een baiz cunno̱ng ko̱ i̱ye̱la̱ ele cinne, ovvo niga bu̱k i̱ye̱la̱nu̱ e̱le̱tti̱ cuggo̱k ki nonno ngati di̱ngdi̱ngo̱n cinne.

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

1 Peturu 1:13

I̱yo̱ko̱ zin, abunna ming anyakku i̱no̱ni̱ne̱t cunno̱ng kar i̱li̱ngli̱ngte̱ zoz ci Ta̱mu̱ta̱dde̱no̱. Anyait urutoit baiza; aartik zi̱nze̱tti̱ deten ci a̱a̱nyu̱ng atin Ta̱mu̱ta̱dde̱n ming okko Ye̱su̱ Ki̱ri̱sto̱ a̱kku̱.

1 Peturu 4:13

Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.

1 Peturu 5:4

Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.

2 Peturu 3:12

Ki i̱yo̱ko̱ e̱re̱yyu̱ niga i̱i̱te̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k oroot. A̱kku̱ atin i̱i̱te̱ni̱ neci ki li̱be̱ne̱t ci lo̱o̱tu̱, atuze ta̱mu̱-kengi ki i̱i̱ ki nye̱lo̱k ki munyuny gwo̱o̱ya̱ ne lai.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

Ju̱da̱ 1:21

Ming i̱na̱ku̱ng no̱ngi̱tto̱na̱ nu̱nu̱n, abunna ming a̱gga̱yyu̱ ngen Ta̱mu̱ta̱dde̱n irezung niko. E̱re̱yyo̱ zi̱nze̱tti̱nne̱ cik alali ki̱ki̱ya̱ deteni ci Manyitinna Ye̱su̱ Ki̱ri̱sto̱, kar ka̱a̱nyu̱ng ruget wa aave udut.